إلي أ/ تامر والعضوه ايمان هارون وجميز عسل

[محمد البلشي]

- جزاكم الله خير أخ تامر علي كلماته الودوده ومدحك لي ولكن رأي خطأ يحتمل أن يكون صحيحاً.
- والحمد لله أننا اتفقنا في سبع عشر نقطة فهذا شئ جميل جدا.
- الأستاذه ايمان هارون فأنا مش عارف ليه احنا بنفرض ان واضعي الامتحان بيعملوا( اجتماع ) قبل وضع الامتحانات ويتفقوا أن لجنة - وضع امتحان التفاضل يجيبوا الامتحان صعب فلجنة الإنجليزي يقولوا واحنا كمان هنحط مجموعة نقاط سهلة وبعدين يمسكوا لجنة - وضع امتحان التاريخ من ودنهم وانتم متجبوش اسئلة صعبه امتحانكم لازم يكون هايف علشان الناس متكلش وشنا ماشي اتفقنا طبعا هذا لا يحدث إلا في المنامات والاحلام.
- ولكن انا مازلت عند رأي إن الامتحان السنة دي 2010ممكن يكون أي شئ سوي ان يكون امتحان تاريخ ثانوية عامة ، بصراحة امتحان كان صادم لي لا يعبر عن تعب الطلاب .
- وبعدين الأخوة المتصورين إن كل الطلاب هيحصلوا علي خمسين طبعا هذا شئ بعيد كل البعد وإن شاء الله هنروح التصيحيح يوم الاربعاء 30/6 وهنشوف ، ممكن نسبة النجاح هتكون عالية جدا بس الدرجات هتكون عادية.
- بس أن صعبان علي مدرس وطالب اتبهدل طوال السنة في دراسة الكتاب و الاحداث التاريخية و بعدين يجي الامتحان بالمنظر دة المهم قدر الله وماشاء فعل ولا حول ولا قوة إلا باللله.
- الأخ الجميل ( جميز عسل) شكرا جزيلا وانا مبسوط جدا من الصوره بتعتك حاجة في غاية الروعه، وجزاكم الله خيرا علي الدعاء وربنا يتقبل منا ومنكم صالح العمل إنه ولي ذلك والقادر عليه