سؤال

[Omar Ahmed Hamed]

السلام عليكم
سؤال صعب يجي في الامتحانات بس انا حبيت اعرف تفسيره
في الالكينات
تحضير الايثلين
من الكحول الايثيلي نحط معاه حمض الكبريتيك عند 80 درجه

وعند تحضير الكحول من كبريتات الايثيل الهيدروجينيه نحط معاها ماء عند 110 درجه

من الاخر لو ضمينا المعادلتين يبقي كأنه تفاعل انعكاسي واللي يحكم درجه الحراره
ولو حكمنا درجه الحراره هاتقوللنا ان عند80 التفاعل الاول يمشي صح
لكن عند 110 الاثنين يمشوا ولذلك انا اعتقد ان تحضير الكحول هيبقي صعب

معلش السؤال طويل
انا عن نفسي شاكك ان الحمض له دور في انتزاع الماء عشان كده التفاعل بيسير في اتجاه واحد
ياريت استاذ فاضل يرد عليا ويقوللي الكلام ده صح ولا لأ

بعد كده ممكن الواحد يتسلي بمواقع تنزيل حلوه و محترمه
www.arabic2.com
www.absba.com
www.download.com
او موقع لعب خفيفه وفلاشات
www.yetisports.org
او موقع تعليم فوتو شوب وبرامج تصميم
www.almosamem.net

في عرضك والنبي ماتستخسرش في الرد
وخير الختام السلام

[Omar Ahmed Hamed]

[font=Arial Black]
الله الله الله
يا جماعه مش عارف اقول ايه ...... بصراحه الكمبيوتر هايفرقع من الردود
فيه ايه انتوا ميتن ولا ايه
لا حول ولا قوه الا بالله موضوعي ملعون ولا ايه كل اللي يخشه يموت
ولو حاسس ان السؤال غبي او انت مش عارفه مش ها تخسر حاجه لوناقشتني

[Nony]

بيتهيقلي كلامك صح و في انتظار رد استاذ

[Omar Ahmed Hamed]

[font=Arial Black]
هانشوف ياelle
علي العموم انا بعت رساله الي استاذ جمعه وهانشوف رايه ان شاء الله

[gomaa]

والله لس شايف سؤاللك الأن وبعدين فى ركن اسمه اسئل فى الكيمياء كنت ممكن تضع فيه
ايه اللى حيخله انعكاسى بالجمع. دا الناتج من المعادله الاولى مركب واحد هو كبريتات الإيثيل الهيدروجينية
ولا يمكن ترجع تانى كبريتات الإيثيل الهيدروجينيه الا عند 180 درجة تنحل تانى ولأن درجة الحرارة 110 بس يعنى اقل من كدا
لا يحدث لها انحلال بل تتحد مع الماء وتنحل مائيا" لكحول وحمض
ثانيا" الكحول بيغلى عند 78.5 يعنى بيتخر ونكسف يعنى خرج من وسط التفاعل ولذلك لا يكون انعكاسى
وأى خدمه يا حبيب ولو ان تهريجك صعب شويه لكن ولا يهمك

[أ. الدادمونى]

عزيزى نستنتج من كده أن

- كبريتات الايثيل الهيدروجنية تنحل مائياً إلى الإيثانول + حمض الكبريتيك

- كبريتات الايثيل الهيدروجنية تنحل حرارياً إلى الإيثين + حمض الكبريتيك

وحاول الإجابة على الآتى:

1- عند تسخين الإيثانول مع حمض الكبريتيك المركز عند 140˚م يتكون...............
أ) أسيتالدهيد. ب) ايثين.
ج) ايثير ثنائى الإيثيل. د) ايثير ثنائى الميثيل.
2- عند تسخين الإيثانول مع حمض الكبريتيك المركز عند 180˚م يتكون...............
أ) أسيتالدهيد. ب) ايثين.
ج) ايثير ثنائى الإيثيل. د) ايثير ثنائى الميثيل.
3- تنحل كبريتات الايثيل الهيدروجنية حرارياً إلى ................ وحمض الكبريتيك
أ) أسيتالدهيد. ب) ايثين.
ج) ايثير ثنائى الإيثيل. د) الايثانول.
4- تنحل كبريتات الايثيل الهيدروجنية مائياً إلى ................ وحمض الكبريتيك
أ) أسيتالدهيد. ب) ايثين.
ج) الايثانول. د) ايثير ثنائى الايثيل.

مع خالص تمنياتى بالتوفيق