مشاكل البحيرة

[مستر خالد غباشى]

بجد انا حاسس ان اكبر ناس مظلومة فى الدولة هى البحيرة.........تعرفو نظام البناء الجديد قمة الضلم
نفسى اعرف فين نواب البحيرة المحافظة الوحيدة الى كرهو شعبها فيه هى البحيرة السيد المحافظ اصدر قوانين تنظبم البناء وترخيص فى الريف وفى اعماق الريف واحد غلبان فى الريف ماصدق انة اشترى كام متر علشان
يبنيهم مش فادر والله .بجد مش عارف اقول اية بس نفسى تردو علية بجد
هو انتم لسة حابين تعيشو فى البحيرة انا عن نفسى لا...................؟؟؟؟؟؟؟!!!!!!!!!!!!!!!!!!!!

[جمعة الصفطى]

والله معاك حق مستر خالد بس نعمل اية
شكلك عايز تبنى بيت جديدبس مقهور من الرسوم الى نازلة جديد

[مستر خالد غباشى]

ابدا انا بنيت وعملت حساب الاولاد ان لكل منهم دور بدلا من شراء ارض جديدة بس للاسف للشديد بعد ماوضعت الاساس على 5 ادور لااستطيع ان ابنى الا ثلاثة بعد دفع الرسوم رغم اننى عندما قمت بالبناء تبرعت ( اجبارى) لمحافظة بمبلغ 1000 جنية سنة1998
........وانت عارف ان البحيرة اغلبها فقراء فم اين لهم بكل تلك الرسوم ..............منهم لله

[mmmmmm478]

والله عندك حق ياريت يسمعونا ويحققوالنا اللى نفسنا فيه وعمرى ماانا منتخب حد بعدكده انا من رشيد وللاسف وقفنا جنب د-زغلول ببلاش ولكن الكل اخرص:abdoog8::abdoog8::abdoog8:

[prof300013]

يا جماعة نقول اية ولا اية المشكلة ان محدش بيحس
لانهم المشاكل دي مش بتواجة حد من الناس الكبيرة يعني هو المحافظ عندة مشكلة في البناء ولا عضو مجلس شعب ممكن يتبرع للمحافظة علشان يبني ربنا يستر علينا

[sallam200468]

ايه يا عم خالد انت سخن علينا ليه كده
عندكم فى البلد بتاعتكم عامل فى المجلس انت وانا عارفينه
شوفه بس شوفه كويس وقوم ابنى زى ما انت عاوز انشالله توصل السحاب

[صوت الامة]

والله يا مستر خالد عندك حق فى كل كلمة
تعرف يا مستر القانون بتاع النظافة بيفرضو علينا رسوم نظافى على اية مش عارف
وبعدين تمشى فى الشارع واقيم بالله ما تعرف تتحرك
الارض زبالة بمعنى الكلمة
ومفيش نظافة خالص
الجماعة بتوع الغاز الطبيعى دول بيدخلو الغاز
ومفيش عليهم مراقبة خااااالص خلصو حفر وتخريب فى الارض ومشو وسابة الارض كدة من غير ميصلحو مكنهم
ولا يرصفوها حتى دالوقنى المطر مبوظ الدنيا بحلها
ولا مراقبة ولا نظام ورئيس مجلس المدينة نايم ولا بيتحرك
ولا فى اى نوع من انواع المراقبة او المسئؤالية
حتى المحافظ نااااااااايم
قول الى اقدر اقولة
حسبى الله ونعم الوكيل وخلاص

[مستر خالد غباشى]

باعها لرجال الأعمال والمستثمرين.. محافظ البحيرة استغل انشغال الرأي العام بمباراة مصر والجزائر وطرد فلاحي الأبعدية من أراضيهم

كتب عمر القليوبي ويوسف المصري (المصريون): | 19-11-2009 00:41

أدانت حركة "مواطنون ضد الغلاء" الممارسات القمعية حيال فلاحي قرية "الأبعدية" بمحافظة البحيرة ومواقف وقرارات اللواء محمد شعراوي، محافظ البحيرة، وتصرفاته غير الإنسانية في مواجهة الفلاحين وطردهم من أراضيهم بالقوة الجبرية.
وقالت الحركة، في بيان لها، إن دخول قوات الأمن طرفًا في جريمة تبوير 104 فدان من أجود الأراضي الزراعية يعتبر إقحاما وتوريطا للشرطة في معركة غير شريفة تنتقص من شرف العسكرية للضباط الذين أمروا بإلقاء القنابل المسيلة للدموع وإصابة الأطفال والنساء بالرعب والفزع والترويع .
وأكد البيان أن المحافظ استغل انشغال الرأي العام بمباراة مصر والجزائر وقام بطرد الفلاحين من أراضيهم التي يعيشون من ريعها، مشيرًا إلى أن الحكومة باعت كل شيء ولم يتبقَ غير بيع أملاك الوقف الخيري الذي يفترض أن وزارة الأوقاف تديره باعتباره وصية تستوجب الالتزام الحرفي بها إلا أنها فعلت العكس.
وأوضح أن وزارة الأوقاف باعت 104 فدان لمحافظة البحيرة، وقامت الأخيرة ببيعه لمستثمرين بهدف بناء مدينه صناعية على الرغم من توفر الأراضي الصحراوية القريبة من البحيرة والتي تتميز بوجود ظهير صحراوي يمكن البناء عليه دون التعرض للأراضي الزراعية في الوقت الذي نستورد فيه ما يزيد عن 70% من احتياجاتنا الغذائية من الخارج.
وأضاف: على الدولة إذا كان لديها القليل من العقل والمنطق أن تعد خطط طويلة الأمد لتهجير القوى البشرية العاطلة من مواطني الدلتا من الحيز الأخضر الضيق إلى الصحراء وتخفيف الأحمال عن شبكة الطرق والمرافق التي تعانى من التدهور بسبب التكدس السكاني، واستغلال ما يقترب من 95% من الأراضي غير المستغلة من مساحة مصر الكلية.
وأكد العسقلاني أن الحركة أعدت قائمه سوداء تشمل المتورطين في التعدي على الأرض الزراعية بهذه الواقعة تحت عنوان "قائمة سوداء لأعداء الحياة" وفى مقدمتهم الدكتور أحمد نظيف رئيس الوزراء باعتباره مسئول عن منع التعديات على الأراضي الزراعية والدكتور حمدي زقزوق وزير الأوقاف باعتباره المسئول عن أراضى الوقف الخيري التي يتم التعدي عليها واللواء محمد شعراوي، محافظ البحيرة، الذي يقود حملة طرد الفلاحين من أراضيهم بدعاوى باطله عن تنميه صناعية وتجاريه واستثمار مزعوم يهدر الأراضي الخضراء، فضلاً عن نائبيّ الدائرة، وهما من الفلاحين في مقدمتهم النائبان عن الحزب الوطني يحيي نوار ويحيي المسارع، ومحمود الأعصر، عضو مجلس الشورى، لتقاعسهم عن الدفاع عن الفلاحين، وتورطهم في دعم موقف المحافظ في مواجهة الناس.
وشكلت الحركة لجنة من كبار الفنانين والمثقفين والسياسيين ضد تبوير الأراضي الزراعية في مقدمتهم المستشار محمود الخضيري، والدكتور محمد أبو الغار، والدكتور عمرو الشوبكى، والدكتور ضياء رشوان، والأديب يوسف القعيد، والكاتب الكبير فهمي هويدي، والشاعر الوطني جمال بخيت، والفنانون محمد صبحي، وحمدي أحمد، وفردوس عبد الحميد، والدكتور نادر نور الدين أستاذ الاقتصاد الزراعي، ومحمد برغش مقرر لجنة دعم الفلاحين بحركة "مواطنون ضد الغلاء" وسيد عبد الغنى مقرر اللجنة القانونية اللجنة وأمين جماعة المحامين الناصريين بنقابة المحامين والدكتورة زينب الديب، والدكتور محمود أبو زديره، وكيل لجنة الزراعة بمجلس الشورى، والخبير الاقتصادي حسن هيكل، والمخرج محمد فاضل الذي أكد أنه سيخرج مسلسل بعنوان "سنوات الحب والملح"، يحكى فيه أزمة طرد الفلاحين من أراضيهم من تأليف أبو العلا السلموني.

http://www.almesryoon.com/news.aspx?id=21105

[**(elktra)**]

السلام عليكم
مستر خالد
اتمني تكون حضرتك بخير
وعفوا تم دمج مواضيع حضرتك والتي تناقش مشاكل محافظتكم
وتم تعديل عنوان الموضوع الي * مشاكل البحيرة *
وشكرا لحضرتك

[برجاوى]

ربنا على الظالم والمفترى

[koka99]

بيقولوا فيه خصم 25 فى المائة من فلوس الكادر فى شهر ديسمبر تحت اسم ضريبة نسبية والكلام دة فى ادارة ايتاى التعليمية ولم يرد للمدارس اى منشور رسمى وان الكلام دة غير موجود فى باقى الادارات ياريت حد يفيدنى وشكرا

[رجاء فكرى ابراهيم]

احيانا والله العظيم - - وذلك لضيق الوقت كم هو حال اى ام و خاصة العاملة - -اشاهد التلفزيون طمعا فى لحظات ترفيه اغسل بها مجهود اليوم - - و لكن و لا حول و لا قوة الا بالله العلى العظيم - - اصدم و كلمة صدمة غير كافية عندما يشاء حظى ان اشاهد اعلان عن فيلم جديد فى السينما - - وارى سيلا من القمامة امام عينى و اسفة انى اقول ذلك - - و لكن ما هى القمامة سوى شىء منفر يزكم انوفنا وبصرنا باشياء كريهة - - و هذا هو ما يحدث فى اعلانات الافلام المصرية حاليا - - مع الفرق فهى تزكم ارواحنا من الداخل ونقول هى وصلت لهذة الدرجة ان نشاهد هذة المشاهد التى اقل شىء يقال عنها انها فاضحة و ان نسمع هذة الكلمات القذرة جدا ذات االايحائات السافلة الوضيعة - - ونبكى والله من داخلنا مش عارفة على ايه بالضبط يمكن علشان اولادك قاعدين مثلا و انت مش عارف تقول ايه بالضبط و حتى لو قلت ده عيب قوى الكلام ده هيسئلوك عيب ليه - - هو يقصد ايه - - ولا علشان حاسس ان الدنيا جابت اخرها خلاص - -و اننا نعانى انحدار فى كل شىء - - ولكن لابد من وقفة مع الناس دى الى بيقولوا انهم بيصنعوا سينما الواقع - - دول بيدمروا اولادنا و بينزعوا الحياء من حياتنا و بينشروا بدلا منه السفالة و التفاهة - -نفسى اعرف الناس دى هيقولوا ايه لربنا سبحانه و تعالى يوم العرض العظيم - - انا بعتذر انى طولت عليكم - - ولكن لابد لهؤلاء الناس المجرمين وقفة حتى و لو كانت سلبية

[samira-mohmed]

عند حضرتك حق - - لكن الناس اعتادت على ذلك او للاسف يمكن الناس بتحب ذلك - - و حسبنا الله ونعم الوكيل

[samira-mohmed]

فعلا البحيرة مظلومة - - ولكن اقصد هنا مراكز البحيرة و ليست المحافظة (دمنهور) كل مننزل دمنهور نلاقى فى تطوير فى مدخل البلد و الشوارع الرئيسية و لكن المراكز كلها تعانى من الاهمال --- كفاية كفر الوار فيها كوبرى بيتبنى بقاله صدق او لا تصدق اكثر من ثلاثين سنه

[samira-mohmed]

الناس بقت اكثر من العربيات الواحد يبقى راكب التاكس مثلا و هو فى حالة زعر او كانه فى ملاهى عربيات فى كل مكان بتجرى بدون نظام - -ومفيش اى احترام لاى قواعد مرور الى ماشى عكس الاتجاه والى سرعته عالية جدا وتقريبا الشوارع ذى ماهية من اربعين سنه يا ترى انا بخرف و الا دى حقيقة فعلا