حوارات مضحكة أخر حاجة ادخل ومش هتندم

[scream angle]

الله أكبر
الله أكبر..أذان الظهر

..

-يارب.. يارب
بحق ده الآدان تنجح يا سوسو يابن ابنى وأشوفك دكتور قد الدنيا
-ياجدتى بس أنا
فى تجارة

-وماله يابنى
هو يكتر على
ربنا...... ده
ربنا قادر على كل شئ

-ياجدتى ونعم
بالله بس اللى بيطلع دكتور لازم يكون فى كلية الطب مش التجارة

-ياللا تجارة
تجارة ..ومالها التجارة ..دى حتى التجارة شطارة..ده الله يرحمه جدك كان
تاجر فى الوكالة أد الدنيا

-ياجدتى
التجارة اللى فى الوكالة حاجة واللى فى الكلية حاجة تانية

-ع العموم شد
حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى
هايخدنى معاه .....ده جدى مات من زمان ياستى

-يامصيبتى عبد
الواحد مات..ياحبيبى ياأخويا..مكنش يومك ياسبعى
-ياجدتى ده ميت
من تلتين سنة

-تلتين سنه..ده
العمر بيجرى ياولاد تصدق ولا حسيت بيهم....ياللا أهو غار فى داهيه....قطع
وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس
جوافة

-ياجدتى حرااام
عليكى عايز أذاكر بقى

-يوه..وأنا
ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياجدتى دبلون
إيه..أسمه البكالوريوس

-أنته عتضحك
عليه ياوله..أسمه الدبلون الواد ابن فايزة جدع زيك كده فى مدرسة التجارة
وخد
الدبلون

-خلاص دبلوم
دبلوم ياجدتى ..سيبينى بقى عشان أذاكر

-ذاكر ..ذاكر
ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك
عبير بت رئيسه....دى إيه ياواد.. أدب- وأخلاق..وعلام كمان

-ياجدتى عبير
دى معاها أعدادية

-وماله يابنى
...الراجل مايعبهوش إلا جيبه

-راجل ...راجل
مين ياستى...عبير دى بنت

-عبير ...عبير
مين ياوله..أنته بتعرف بنات من ورانا

-لا إله إلا
الله....أبوس رجلك ياستى أرحمينى بقه

-طب
ذاكر....ذاكر جتك نيله وأنته طالع براوى كده زى أمك....قطعت وقطعت
سيرتها...أنامش عارفه أبوك كان أجوزها على إيه..حكم...قال لبس البوصة تبقى
عروسة..بس واللى نبى النبى نبى لكون مبوظه الخطوبة دى ومجوزاه أنيسة بت
أختى

-ياجدتى خطوبة
إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت
أختك ..وأساسا إنتى ملكيش إخوات بنات
-صحيح ياوله
..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حرااااااااااااااااااااااا
ااااااااااام ..... .......جدتى ماتطلعى البلكونة شويه ...ده الهوا
حلو بره


-ولا اقولك
روحى المطبخ ...أهو زمان أمى خلصت الرز

-رز...رز إيه
يابنى....هوأنا ليه سنان للرز...أناهطلع البلكونه أحسن

-طب أبقى خلى
بالك م الهوى ياجدتى

-هوى لما يلطشك

[kamel51]

ههههههههه حلوة

[stoof]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

والله جميل جدا شكرا ليك ومستنيين مواضيع مضحكة وجميلة زي ده

[سؤئة الطيوبة]

هههههههههههههه دي باردة جدا واية تشل الواحد انا كنت هتجنن لو كنت مكان اللة يكون فى عونة

بس تحففففففففففة الحوار

وشكرا

[Eng..LiNa]

هههههههههههههههههههه
روعة بجد

[لولو77]

ههههههههههههههههههههههه حلو اوى الحوار ده

[Mohamed.Helmy]

الست دى فظيعة ... انا لو جدتى زيها كده ..يعنى أسيب المذاكرة وأحكى معاها والله ...دمها زى العسل d:

[هند يوسف]

هههههههههههههههههههههههههههههههههههه
جميلة جدا

[a7mad 3abdo]

هههههههههه
لأ بجد حوار مضحك ...
شكرا لك ,

[مروه]

هههههههههههههه

أنا كنت زمانى انتحرت من زمان

ميرسى ع التوبيك

[AHMED ELSHEREEF]

ههههههههههههه
جميلة بجد
شكرا على شوية الضحك دول

[prof_maher mohamed]

هههههههههههههه جميلة شكراااااااا

[أ/رضا عطيه]

-يامصيبتى عبد
الواحد مات..ياحبيبى ياأخويا..مكنش يومك ياسبعى
-ياجدتى ده ميت
من تلتين سنة


عبد الواحد مات ؟
لاحول ولاقوة إلا بالله
أنا كده عرفت هو مات ليه ومن إيه
هيخش الجنه حدف إنه استحمل كل ده
الراجل كان بيعدى علينا كل يوم
على كتفه اليمين قفص فيه خمس بطيخات
وعلى الكتف الشمال قفص جوافه ومفيش فايده
الله يرحمك ياجدى وربنا يهديكى ياجدتى
وشكراااااااااا على الإبداع والجمال