من هنا التصويت للداعيات

[أم عمار قائد الأحرار]

السلام عليكم ورحمه الله وبركاته

تم افتتاح هذا الموضوع للتصويت للداعيات الثلاثه

وسأضع موضوع كل منهن هنا لسهوله البحث وللقراءه بسهوله

ومن المفترض ان الاخت (اريد الجنه ) هي اللي كانت قامت بده بس يريت تدعولها لان الكمبيوتر مغلبها شويه وكمان هي تعبانه شويه نسال الله ان يعافيها

وسأتابع معكم انا بدلا عنها

واستحلفكم بالله التصويت بامانه في هذا الموضوع لتأخذ الوسام من تستحقه

وكلهن يسحق الوسام حفظهن الله

طبعا التصويت بالاعلي

^
^
وأليكن المواضيع

[أم عمار قائد الأحرار]

موضوع الاخت ايه كمال

السلام عليكم ورحمة الله وبركاته

قد يقع الإنسان فى ابتلاء من الله فنجد من يصبر ويتحمل ذلك الأبتلاء
ولكن نجد ايضا من لا يستطيع تحمل الابتلاء

اختى المسلمة ...لا تنظرى تحت قدميك فقد الذى تعتبريه ابتلاء يكون خيرا لكى
فإن الله يحرمك من شئ إلا ويعوضك بخير منه

وقال الله تعالى.(أم حسبتم أن تدخلوا الجنه ولم يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب)

فإذا فشلتى فى شئ فلا تيأسى وحاولى مرة أخرى حتى ييأس منكى الشيطان
قال رسول الله إن الله إذا أحب قوما أبتلاهم،فمن رضي فله الرضي ومن سخ فله السخط

فأرضى أختى بحكمه وامتثلى لقضائه
ولا تجعلى قلبك متعلقا بالناس وتعتمدى عليهم فى قضاء حوائجك فقد يخذلونك فى أصعب اوقات تحتاجينهم فيه بل اعتمدى على الله والتقرب إليه بالدعاء لكشف الهم والكرب عنكى فلا تعتقدى ان تقربك هذا من الله قد يذهب حب النا س إليكى

فيقول الرسول صلى الله عليه وسلم.(إذا أحب الله تعالى العبد نادى جبريل إن الله تعالى يحب فلانا فأحبوه فيحبه أهل السماء ثم يوضع له القبول فى الأرض)

فأحرصى أختى المسلمة على أن تفوزى بمحبته حتى ترضى فإن الله لطيف بعباده وهو أرحم بهم من رحمة الأم بطفلها الرضيع

وأوصيك أختى بوصية رسول الله لإبن عباس رضى الله عنه
(وأعلم أن النصر مع الصبر،وأن الفرج مع الكرب،وأن مع العسريسرا)

[أم عمار قائد الأحرار]

موضوع الاخت انا مسلمه

بسم الله الرحمن الرحيم والصلاة والسلام على اشرف المرسلين سيدنا محمد وعلى اله واصحابه اجمعين

السلام عليكم ورحمة الله وبركاته

اولا بعتذر على ان كتبتي قد لا تكون باللغه العربيه الفصحه
وبعتذر على التأخير

ثانيا

عن أبي هريرة ، قال رسول الله صلى الله عليه وسلم : أد الأمانة إلى من ائتمنك و لاتخن من خانك

الامانه فهي من اسمى ما وجد فعلينا جميعا ان نتحلى بالامانه هذا من اكثر ما نسمعه ولاكن كيف نتحلى بالامانه

لاكن لكي نتحلى بها فعلينا ان نحب هذا ونحب ان نكون هكذا ولكي نحب شئ ما علينا ان نعرف اثارهه

نبدا بقى
بايه هي انواع الامانه من وجهة نظري الخاصه

1-الامانه بمعناها

2-الامانه في القول (الصدق)

3-الامانه في الفعل (عدم الغش)

000000000000000000000000000000000000

اولا الامانه بمعناها

عندما يعطيك احد شئ وتحافظ عليه ليه من اجل الامانه وهذا الشئ جيد وحسن وفخر لك ولنا ان نفتخر بيه وبحضرتك في مجتماعنا لاننا بهذا نعطي صورة طيبه عن دينا والدين معامله وسلوك طيب وحسن ده اولا

ثانيا وجود حب واحترام وتقدير بينا بعضنا لبعض لماذا لان الامانه تزرع الثقه والثقه تكبر وتصل الي الحب في الله وهذا اسمى مافي الوجود

فيجيب علينا جميعا اخواتي في الله ان نتحلى بالامانه عن طريق حبنا لها ولماذا نحبها؟لانها تجعلنا ممن يتحبون في الله ومن يتحبون في الله يوم القيامه الله عز وجل يناديهم ليستظلوا تحت عرشه يوم لا ظل الا ظله

مش ده لوحده جزاء يا جماعه

احنا لو فكرنا في كل حاجه براحه هتلاقوا كل الامور متصله ببعضها وعلينا ان نعرف الي اين تصلنا هذا الامر !!؟!!؟!!؟!!؟

ثانيا الامانه في القول

1_ الصدق* الكذب

2_ حسن القول

وقال تعالى: ((هذا يوم ينفع الصادقين صدقهم، لهم جنات تجري من تحتها الأنهار،خالدين فيها أبدا)). (المائدة:119)

اللهم اجعلنا من الصادقين يارب العالمين يا ارحم الراحمين

الصدق ده لوحده يودي الجنه تمام؟ والصدق في حد ذاته امانه مش كده ؟

طيب ليه متحلاش بيه واحفظ الامانه دي لسانك امانه

انتي اد ايه بتكرهي الكدب ؟؟؟؟؟؟؟؟؟؟؟

الاغلبيه العظمى من الناس بيكره الكذب هما بيقوا يكذوا ممكن ولا كن ميحبوش اللي يضحك عليهم طيب منبدأ بنافسنا

طيب يا ستي انا نفسي مكذبش ومش عارفه حليهالي يا ابو العريف

هقولك يا قمر متكذبيش ازاي اولا وكالعاده الحاجه اللي نعملها ونتحلى بيها بتيجي عن طريق

نحبها ازاي ؟ نعرف الاثار بتاعتها ؟ ليه ؟

تمام تخيلي لو عرفتي واحده وطلعت عايزه ترش عليكي ماية نار هتكرهيا مش كده وهتبعدي عنها حتى لو كانت بتبعجبك صح ؟

لاكن واحده انتي مستتقله دمها وطلعت هي اللي هدويكي من ماية النار ماهما كان فيها العبر هتحبيها لانك عرفتي ناوياها

وعندي انا النوايه = الاثار

نعرف اثار الكدب

1_ اعتقد مفيش حد هيصاحب حد مبيثقش فيه ما من كت الكدب انتي بتخليها متصدقيش يعني بتسحبي ثقتها فيكي

2_ واحده عاديه بتتسله ملاهش لزمه في الحياه

3- مش ضامنه الاخره

________________________

الصدق اثاره

1- قدوة حسنه ا بنتي لو ربنا انعم عليكي واداكي نعمة اداكي نعمة القدوه او المحبوبه فبجد لازم تتحلى بالصدق لانك بتبقى قدوه لكل اللي حواليكي زده شئ في منتها الاهميه لانك هتوري صورة بنات المسلمين الممثلين للاسلام لجتمعك

2- محبوبه جدا

ثالثا هتكسبي الثقه وطالما كسبتي ثقة الناس فيكي

يبقى يا بختك بحياة سعيده

ثانيا حسن القول

قال جل جلاله في سورة فصلت :{ وَمَنْ أَحْسَنُ قَوْلاً مِمَّنْ دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ}

تعرفي يا بنتي انك لما تحسني قولك ممكن تدخلى ناس في الاسلام يعني لو شوفتي حاجه غلط واحده انتي وهي اصحاب بس مش اووووووي متقليش ليها في الوقت ده انها غلط

اتقربي منها طبعا بحسن قولك وادبك اكسبي ثقتها بسرعه بسرعه كلميها على الموضوع عادي وفي نفس الوقت تحذريها تكلميها بمنطق بس مش وانتي بصالها على انها غلط لا وانتي بصالها على انك خايفه عليها

ا بحسن قولك وصدقك وادبك واخلاقك خلي الناس والبنات اللي بعيده عن ربنا تقول طيب ما اهي متدينه وعايشه حياتها حلو محبوبه وقدوه وفي نفس الوقت بتهظر وبتضحك يا بختها طيب ليه انا مبقاش زيها

حولي على قد ما تقدري تخلى الناس كلها تقول عليكي كده

والكلام مش للبنات بس الكلام للكل

00000000000000000000000000000000000000000000000000 000000000

ثالثا الامانه في الفعل

1- اثناء الدراسه

2- اتقان العمل

كل ده يتحط في بند الغش الي هو بالطبيعي عكس الامانه وعكس كل حاجه كويسه

قال رسول الله صلى الله عليه وسلم ( من حمل السلاح علينا فليس منا ومن غشنا فليس منا )

_________________________________________________

اولا اثناء الدراسه

اولا الغش بين الطالببه وده طبعا غلط لانهم بيضحكه على نفسهم تعيشي حياتك طول السنه وفي الاخر اكيد هيحصل عك في الاخر لانك اخدتي ثقه في مستواكي المزيف

الغش بتاع المدرسين (خيانة الضمير)

انهم يدوا لطالب يستحق درجات اقل يدولوا اعلى

واللي يستحق اعلى يقللوه

طبعا التصحيح العجيب اللي بيجيب شلل نصفي للطالب

فانت كده بتخون الامانه الي انت اخترت انك تمسكها طب ليه تخون ضميرك

؟؟؟؟؟؟؟؟؟؟؟؟؟؟؟؟؟

ثانيا اتقان العمل

دي امانه طبعا وفيها خدمه للمجتمع كبيره جدا اصل لو كل واحد اتقن عمله خلاص مش هنحتاج حاجه من حد صح ولا انا غلطانه

يعني اذا افتراضنا ان محدش يأخد رشوه يااااااااااااااااه مش هنبقى ملناش حل ماهي الرشوه دي علشان تعمل اي حاجه غلط

وهتبقى

1- رضيت ربنا

2- ضميرك

3- مجتمعك

0000000000000000000000000000000000000000000000

في النهايه لازم نعرف عواقب اللي يخون الامانه كان عندنا في المدرسه ندوه عن الامانه وكده

سمعت فيها ان ربنا بيسامحنا على كل حاجه الي الامانه

واللي بيقصر في الامانه سواء قصده او لا مبيدخلش الجنه

وتفضل الحاجه اللى اخدها دي في النار تحت خالص ينزل يجيبها ويطلع علشان يدخل الجنه المهم هو خلاص طالع وفرحان

تقع تاني وهكذا

انا سمعت والله اعلم اكيد الكلام ده صح ولا الا

وففي النهايه اسأل الله عز وجل الاستفاده لي ولكم

و اسال الله ان يوفقنا ويرحمنا ويجعلنا ممن يتحلون بالامانه

في رعاية الله

[أم عمار قائد الأحرار]

موضوع الاخت alea2009

السلام عليكم ورحمة الله وبركاته

الحمد لله وحده والصلاة والسلام على من لا نبى بعده واشهد ان لا اله الا الله وحده لاشريك له وان محمدا عبده ورسوله

اما بعد

قال تعالى بسم الله الرحمن الرحيم{قل تعالوا اتل ما حرم ربكم عليكم ألا تشركوا بالله شيئا وبالوالدين إحسانا ولا تقتلوا أولادكم من إملاق نحن نرزقكم وإياهم ولا تقربوا الفواحش ما ظهر منها وما بطن ولا تقتلوا النفس التى حرم الله إلا بالحق ذلكم وصاكم به لعلكم تعقلون}صدق الله العظيم (سورة الأنعام ايه 151 )
مع انتشار حوادث قتل النفس وقتل الغير فى الاونة الاخيرة احببت كتابة هذا الموضوع كى ندعى انفسنا الى تقوى الله عزوجل والتمسك بدينه والتمسك بسنة رسوله صلى الله عليه وسلم
فلماذا ؟ هذا القرار الذى يتخذه كل من يقبل على هذا الفعل
لماذا انهاء الحياة فى لحظة ندم؟
هذه النفس أمانة وهى ملك لله _عزوجل_ وانت مسئول عنها يوم القيامة ومسئول عن كل حواسك قال تعالى {إن السمع والبصر والفؤاد كل اولئك كان عنه مسئولا}صدق الله العظيم
ان الدنيا سوف تنتهى حتما ستأتى لحظة وتنتهى فيها الدنيا مهما طالت
فانها ستنقضى ولا يبقى لك فيها إلا عملك صالحا كان ام غير صالح
نسأل الله ان يجعل خير اعمالنا خواتيمها ويجعلها صالحة
فلا تفكرى هذا التفكير اختاه مهما كانت الظروف والصعوبات التى فى الحياة
لماذا تخسرى بهذا الفعل الدنيا والآخرة ؟
بل اصبرى واحتسبى واعلمى ان نصر الله قريب
واعلمى ان فى قلب المحنة منحة وان الفرج قريب
فلا تقولى بانى كبرت فى السن واننى لم اتزوج لماذا تقولين هذا هل تعلمى ان خزائن الله لاتنفذ وانها مملؤة وانكى فى ابتلاء وان الله لايكلف نفسا الاوسعها ان اقصد اى امر وليس الزواج فقط ولكن انتشر الانتحار بين الفتيات بسبب تأخر الزواج.
وعلى كل حال الانتحار ليس الحل للمشاكل ولكنه هروب من الواقع فانظرى حولك تري الدنيا جميلة وستجدين والديكى وصديقاتك يحبونك وحاولى ان تجتهدى فى الصلاة وقراءة القرآن الكريم والتعليم والدراسة فاشغلى وقت فراغك .
فان الدنيا قصيرة واذا كانت تساوى عند الله جناح بعوضة ماسقى كافر منها شربة ماء.
فحافظى اختى على صلاتك وعلى حجابك واتركى هذه الافكار السلبية.
اللهم اجعل هذا العمل خالصا لوجهك الكريم.
واسترنا فوق الارض وتحت الارض ويوم العرض عليك.
وصلى اللهم وسلم وبارك على حبيبك المصطفى _صلى الله عليه وسلم_

والسلام عليكم ورحمة الله وبركاته

[أم عمار قائد الأحرار]

يلا منتظرين التصويت بامانه بالله عليكم

[أريــــ الجنة ــــد]

يلا يا بنانيت يا قمرات

اختاروا مين اللي تستحق الوسام ..

وعلى فكرة

رأيي الخاص .. ان المواضيع التلاتة ما شاء الله في غاية الروعة

ربنا يوفقكوا جميعا

[رودينا1]

ربنا يجازيكم خير على المواضيع دى

بس كنت عايزة أنوه عن حاجة ياريت ناخد بالنا واحنا بنكتب الايات القرانية كويس

لان ممكن حرف يغير معنى الاية وتتفهم غلط وده كتاب ربنا لو غيرت فيه حرف يبقى أنا حرفت فيه

أنا عارفة ان لوحرف اتبدل ولاحاجة ولا كلمة اتكتبت غلط فدا غير مقصود وطبعا انتم ما تقصدوش حاجة

فيا ريت نراجع الايات القرانية مرة واتنين قبل اعتماد المشاركة وياريت الأخت أنا مسلمة تصصحح الاية القرانية

"ومن أحسن قولا ممن دعا إلى الله وعمل صالحا وقال إننى من المسلمين" هى موضوعها جميل وكل حاجة

وأكيد هى نسيت تاخد مسافة بين الكلمتين لان فعلا معنى الاية اتغير جامد

[أم عمار قائد الأحرار]

المشاركة الأصلية كتبت بواسطة رودينا1

ربنا يجازيكم خير على المواضيع دى

بس كنت عايزة أنوه عن حاجة ياريت ناخد بالنا واحنا بنكتب الايات القرانية كويس

لان ممكن حرف يغير معنى الاية وتتفهم غلط وده كتاب ربنا لو غيرت فيه حرف يبقى أنا حرفت فيه

أنا عارفة ان لوحرف اتبدل ولاحاجة ولا كلمة اتكتبت غلط فدا غير مقصود وطبعا انتم ما تقصدوش حاجة

فيا ريت نراجع الايات القرانية مرة واتنين قبل اعتماد المشاركة وياريت الأخت أنا مسلمة تصصحح الاية القرانية

"ومن أحسن قولا ممن دعا إلى الله وعمل صالحا وقال إننى من المسلمين" هى موضوعها جميل وكل حاجة

وأكيد هى نسيت تاخد مسافة بين الكلمتين لان فعلا معنى الاية اتغير جامد

نورتي اخت ردينا الموضوع جزيتي خيرا ع التنويه بذالك الامر

وقد تم و الحمد لله

[أم عمار قائد الأحرار]

انبه مره اخري يا جماعه

فلتتقي الله كل اخت في التصويت ولا تصوت لصديقه لها وهي لم تقرأ
موضوعها اصلا

ربنا يكرمكم فلنقرأ المواضيع الثلاثة بتأني

فإن كان كلهن ابدعن وتميزن في اختيار الموضوع

فلنرى الاسلوب وهكذا إلى أن يتم الاختيار

لكن لا تتسرعن في اختيار الداعيه المتميزه

واكرر مره اخري

كلهن متميزات ويستحق الوسام ماشاء الله

منتظرين تصويتاتكم

وطبعا التصويت لأي حد غير صحبات الموضوع وانا واريد الجنه

في حفظ لله

[أزهار الخريف]

جزاكم الله خيرا

[أم عمار قائد الأحرار]

المشاركة الأصلية كتبت بواسطة s.s.g

جزاكم الله خيرا

وجزاكم مثله

منتظرين قرائتكم للمواضيع وتصويتكم

حفظكم الله

[أريــــ الجنة ــــد]

يا بنات ..

يا ريت لو تدخلوا وتصوتوا بقى ..

عشان نشوف مين الداعية المميزة ..

وعشان نقدر نكمل الموضوع ..

ربنا يبارك لكم يا رب

[أم عمار قائد الأحرار]

الهمه يابنات اكرمكم الله

[عاشقة الطفولة]

جزاكم الله كل خير على مجهودكم

[أم عمار قائد الأحرار]

المشاركة الأصلية كتبت بواسطة عاشقة الطفولة

جزاكم الله كل خير على مجهودكم

وجزاكم مثله اختي الغاليه