انا اتسوحت يا رجالة

[Beta Traceur]

السلام عليكم

انا اتسوحت يا رجاله

بلا فخر شايل 3 مواد و شايل اتقل 3 مواد فى السنه
وكمان جايب مجموع يتف عليه الكلب
والانيل والانيل انى علمى رياضه

فبفكر اعيد السنه ادبى
رائيكوا ايه

وعايز اعرف المنازل بتفرق حاجه ولا كله واحد

[zakisaid]

والله بجد مش عارف اقولك ايه
بس خير ان شاء الله
وعيد السنه احسن بردة

[أحمد الزنارى]

طبعا لازم اعادة السنة

[msmi]

ما تزعلش قدر بس حبيت اقولك ان المواد الى دخلتها ورسبت فيها ما ينفعش تغيرها يعني ما ينفعش تحول ادبي

[msmi]

ما تزعلش قدر ومش انت بس في 50% من الطلاب شايلين مواد بس حبيت اقولك ان المواد الي رسبت فيها ما ينفعش تغيرها يعني ما ينفعش تحول ادبي

[Mohamed.Helmy]

متزعلش نفسك ..و عاجبنى أسم الموضوع جدا ...... وروحك الحلوة وانك راضى ومش ساخط

[samar saad]

الحمد لله بس عيد افضل وربنا معاك يارب

[بنت من مصر]

فعلا اسم التوبيك حلو .. شدنى مش عارفه ليه وضحكنى كمان .. عموما متضايقش نفسك .. ربنا عاوز كدا المهم بيتهيألى تعيد السنة احسن عشان حرام تضيع عمرك كله عشان مستخسر تعيد سنه .. وان شاء الله ربنا يكرمك

[love_diod]

انا اعمل ايه انا جايب 155 و شايل تلاته و مش عارف احصل 50 فى مية ولا ناس تقولى ادخل دور تانى و ناس دقواى عيد تالته ثانوى تانى

[Mohamed.Helmy]

المشاركة الأصلية كتبت بواسطة love_diod

انا اعمل ايه انا جايب 155 و شايل تلاته و مش عارف احصل 50 فى مية ولا ناس تقولى ادخل دور تانى و ناس دقواى عيد تالته ثانوى تانى

عيد السنة أفضل ...بشرط .(( مستواك يتحسن )) لكن لو هاتعيدها بنفس مستوى المذاكرة ده..يبقى ملهاش لزمة انك تعيد السنة

[البرنس 2]

قدم كمال اجسام

[Beta Traceur]

هو صحيح فى كام واحد بيقولوا لازم اعيد علمى على اساس انى خعيد فى المواد الى سقط فيها بس ولا فى كله
ولو فى كله ده يعتبر كانى داخل ثانوى من جديد يعنى ليا الحق ادخل علمى او ادبى

ياريت رايكم

كمان عندى استفسار حد جرب المنااااازل ولا لا لانى مستحيل حقدر اكمل عادى عايز اعرف رايكم فى المنازل من نحيه اللجان والتنسيق وكده

[asmaa ahmedr]

يا جماعة انا في ثانية و عايزة اعيد السنة عشان مجموعي وحش ينفع ولا مفيش الكلام دة

[Mohamed.Helmy]

المشاركة الأصلية كتبت بواسطة asmaa ahmedr

يا جماعة انا في ثانية و عايزة اعيد السنة عشان مجموعي وحش ينفع ولا مفيش الكلام دة

لو نجحتى فى كل المواد ...يبقى ماينفعش تعيدى السنة ...لكن لو رسبتى فى أكتر من مادتين ..تقدرى تعيدى السنة كلها

[asmaa ahmedr]

المشاركة الأصلية كتبت بواسطة Mohamed Helme

لو نجحتى فى كل المواد ...يبقى ماينفعش تعيدى السنة ...لكن لو رسبتى فى أكتر من مادتين ..تقدرى تعيدى السنة كلها

للاسف نجحت في كل المواد و يارتني ما نجحت بجد نفسي اعيد و شكلي هسقط نفسي السنة الجاية عشان اللي بعدها اعيد من الاول