ما تيجى معانا ..؟؟ حاول

[واحده من الناس]

بسم الله الرحمن الرحيم

الحمد لله ربى على نعمه الايمان بك وشرف الاسلام لك وأصلى واسلم على خاتم رسلك وخير انبيائك

سيدنا محمد أذن الخير التى استقبلك اخر ارسال السماوات لهدى الارض ولسان الحق الذى بلغ عنه مراده من الخلق

(رب اشرح لى صدرى ويسر لى امرى واحلل عقده من لسانى يفقهوا قولى )
___________________________________

ازيكوا أعضاء بوابه الثانويه العامه

يارب تكونوا بخير

فى الاول أقسم عليكم بالله

محدش يزهق محدش يمل محدش يكبر دماغه ويكل.

هادخل فى الموضوع بقه

موضوع........... معلش غلطت أقصد القضيه

قضيه ........ أيوه قضيه.........قضيه ايه.؟؟؟

قضيه احنا فيها المتهمين...

ايوه أنا وانت وهو وهى ..أحنا كلنا متهمين

ينفع يبقى احنا المسلمين اللى بنصلى ونزكى ونصوم

وبندعى رب الانام فى كل يوم . وعشان حبيبنا محمد كل شىء يهون.

احنا اللى هننصر المسلمين . احنا اللى هنرفع رايه الدين.

ينفع يبقى دا موقفنا.

(الجزيره والعربيه والمنار والاخبار) قنوات كل يوم شغاله

عارف شغاله ليه.......؟؟؟

شغاله على بيوت بتتدمر * وقنابل بتتفجر*وأباء بتتقتل

وأطفال بتتيتم * وأمهات بتتوجع * وبنات بتتقطع

قنوات شغاله على دم وحرب ونزيف

قنوات كل يوم عماله تعيد وتزيد

وبعدين........... هنعد نتفرج لحد ما الدور يجى علينا

لألألأ يله ياشباب يله يابنات

حطوا ايديكوا فى ايديا ونقف وقفه قويه

ونعلى حبايبنا شويه بشويه وننصر دينا نصره قويه

يله ياشباب...يله

مش لازم نضرب فانتا وميرندا وبيبسى

يله مش لازم نقرمش كرانشى وشيبسى

يله مش لازم نطرى بنستلى (Nestle)

يله
المقاطعه
يله نرفع شعار
قاطع منتجا تنقذ مسلما
محدش يقولى ده صعب

مفيش حاجه صعبه .اللى بيحط فى دماغه حاجه بيعملها

لو انت عايز تقاطع هتقاطع بس الموضوع عايز شويه اصرار

عايز شويه عزيمه.... يله نحمى نفسنا من الهزيمه

أنهم يقتلوننا بأموالنا

قاطعوهم

اذا قاطعت فانك لن تموت وان لم تقاطع فان غيرك سيموت.

يله نقاطع عشان

نمسح دمعه طفل صغير ملوش اى ذنب.

يله نفرح اسره أكبر امانيها تعيش فى امان.

يله نزف بنت جميله يله نفرح بنت الاسلام.

***يله نقاطع ***

قاطع منتجا تنقذ مسلما

_______________

أنا لقتنى مخنوقه من اللى بيحصل ومخنوقه من الدنيا كلها ومخنوقه من الكتب
قولت اكتب موضوع
حاولت على قد ما قدرت أنى اوصل فكرتى ليكوا بأسلوب كويس لكن هى دى امكانياتى
ياجماعه علشان خاطرى ارجوكم الناس دول غلابه ومحتاجين لينا نقف جنبهم
حتى علشان لما يجى الدور علينا ان شاء الله نلاقى اللى يقف جنبنا
علشان خاطرى حاولوا

(الدعاء __ المقاطعه __ التبرع)

السلام عليكم

خالص تحياتى وتقديرى واحترامى