بدر: لو حد ليه نصف "نمرة" هياخدها

[محمد البوتلي]

بالفيديو.. جولة مفاجئة لوزير التعليم داخل لجان تظلمات الثانوية العامة بالجيزة.. وأولياء الأمور: أبناؤنا ظلموا فى الدرجات.. وبدر يرد: "لو حد ليه نصف نمرة هيخذها"

الثلاثاء، 13 يوليو 2010 - 17:52 اليوم السابع

فاجأ الدكتور أحمد زكى بدر وزير التربية والتعليم، مسئولى مديرية التربية والتعليم بمحافظة الجيزة، وموظفى لجان التظلمات بمدرسة السعيدية الثانوية وأولياء الأمور، بجولة مفاجئة ظهر اليوم الثلاثاء.

وقال بدر خلال جولته رداً على شكاوى عدد كبير من أولياء الأمور أمام أبواب لجان التظلمات "إحنا مفيش حد فينا ولا فى المدرسين يرضى بالظلم وكل ولى أمر أو طالب حاسس إن ابنه اتظلم فى نصف نمرة بعد التظلم ياخذها".

وقام أحد أولياء الأمور، باعتراض جولة الوزير بشكل مفاجئ، قائلا له: "يا معالى الوزير ابنى اتظلم فى درجات الثانوية العامة ومش عارف أعمل إيه"، الأمر الذى جعل الوزير يرد "اعمل تظلم وستأخذ حقك وحق ابنك لو كان مظلوماً".

وبدأت جولة بدر المفاجئة بمقر مديرية التربية والتعليم بمحافظة الجيزة، والتى اكتشف خلال جولته فى مكاتب المديرية، تغيب وكيل وزارة التربية والتعليم محمود العرينى، وخلو مكتب خدمة المواطنين من العاملين رغم وجود عدد كبير من المواطنين أصحاب الشكاوى، وحالة من عدم الانضباط والتنظيم داخل المديرية.

واستمع بدر لعدد من شكاوى المعملين الذين أكدوا له تعرضهم لحالة من الظلم التعسفى إثر نقلهم من وظائفهم رغم قضائهم 25 عاماً فى خدمة التعليم، ولم يتعرضوا خلالها لحالة "جزه" واحدة.

وعلى سلالم باب المديرية، توقف بدر لسماع شكوى من عزت حماد عبد الباقى مدرس أول ثانوى صناعى بمدرسة الجيزة الثانوية الكهربائية، والذى أكد له أنه تعرض للنقل من وظيفته بدون سبب من الموجه العام له، وأنه اشتكى منذ شهر أبريل الماضى فى مكتب الوزارة ولم يجب أحد على شكواه، الأمر الذى جعل الوزير يرد عليه قائلا: "لو ليك حق هتاخذه".

وبعد انتهاء جولته بالمديرية، دخل بدر مدرسة السعيدية من أحد الأبواب الخلفية لمديرية التربية والتعليم المتصلة بمطبعة المديرية، واستمع خلالها لشكاوى عدد كبير من أولياء الأمور وأبنائهم أمام أبواب لجان التظلمات للثانوية العامة، والتى شهدت تزاحماً كبيراً من أولياء الأمور وأبنائهم.

وخلال استماع بدر للشكاوى والتظلمات من درجات الثانوية العامة، حضر محمود العرينى وكيل وزارة التربية والتعليم المدرسة، ورافق الوزير الذى أكد لأولياء الأمور أنه "علشان محدش يتظلم عملنا لجان التظلمات، وكل واحد حاسس إن ابنه اتظلم فى نصف نمرة أو نمرة أو حتى 100 نمرة، سيتم مراجعة ورقة الإجابة كاملة، ولازم تعرفوا إن إحنا والمدرسين مفناش حد يرضى بالظلم، ولكن متعملوش ذى إحدى البنات اللى كتبت فى أحدى الجرائد أنها اتظلمت فى الدرجات، وبعد مراجعة ورقة إجابتها وجدنها حاصلة على صفر".

والتف عدد كبير من أولياء الأمور والمدرسين حول الوزير لتقديم شكواهم المختلفة، وهو ما جعل الوزير يأمر أحد المرافقين له بكتابة أسماء كل من له شكوى لفحصها والتحقق منها، وإعطاء كل واحد حقه، كما كلف وكيل الوزارة بفحص هذه الشكاوى والرد عليها.

وفى نهاية الجولة وقبل ركوب سيارته، أمر بدر، محمود العرينى وكيل وزارة التربية والتعليم بمحافظة الجيزة، بضرورة تغيير العاملين بمكتب خدمة المواطنين بالمديرية، وتجديد بعضهم بسبب ما وصفه بـ "خلو المكتب من العاملين وعدم تفاعلهم رغم وجود كثرة فى الشكاوى من أولياء الأمور والمدرسين الموجودين فى الشارع".

وقال بدر لوكيل الوزارة: "مقر المديرية كويس وشكله جيد، ولكن لازم تعمل حركة تجديدات وتغييرات فى خدمة المواطنين، علشان ما ينفعش الناس تشتكى كده فى الشارع"، الأمر الذى دفع وكيل الوزارة بالرد "حاضر يا فندم".

رابط الفيديو:

[Mohamed.Helmy]

تماااااااااام جدا ...ربنا يحميه وينفذ كلامه

[كونان العرب]

و الله لو كان صادق .. يبقي ربنا يجازيه علي اد نيته

[جمال البلتاجي]

يارب يكون صادق

[smooth_criminal]

ياااااااااااااارب

[*يارب نور دربي*]

طيب نشوف بقي


ال هيروح يعمل تظلم و لو خد ياريت يبلغنا علشان نعرف ضروري

علشان اروح اعمل انا كمان بس انا مش هروح غير لما اتاكد فعلا ان ف ناس خدت علشان متصدمش تاني

[angle girl]

فى ناس بيقولو اصلا انه ادى تعليمات بمنع التظلم وقراتها هنا على البوابه انا مش عدت عارفه هو عاوز ايه بالظبط

[طالب مخنوق اوووى]

يا رب بس ما اظنش

[last_net]

شاكرين الافضال