|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
20-11-2010, 02:59 AM
|
||||
|
||||
حوار بين الجد وحفيدته عام 2090
عام 2090
الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدو الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا الحفيدة : أيوه بس مش حاسس إنك مخنوق وانت لابسه؟ الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة الحفيدة : ياه يا جدو .. ده انتوا كان ليكم تقاليد غريبة خالص الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا جدو؟ للدرجة دي؟؟ الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي الحفيدة : يا خبر .. وإيه كمان ياجدو الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني الحفيدة: ومين الست دي يا جدو الجد: في حد مايعرفش الست...نانسي عجرم طبعا الحفيدة : وبعدين الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح .. )بعد عدة دقائق) هيه يا جدو .. وبعدين الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بستين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟ الحفيدة : ما هو علشان كده كان الجواز على أيامكم كان سهل خالص الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها الحفيدة : ده انتوا كنتوا متزمتين خالص ياجدو!! الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيام الحفيدة : رايح فين يا جدو الجد :كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ للامانة منقول للضحك والفرفشة
__________________
انا حديثي سكات علي الضمير اللي مات  |
|
#2
20-11-2010, 03:02 AM
|
||||
|
||||
|
نفسي اشوف ردودكم ع الموضوع ده بقي
__________________
انا حديثي سكات علي الضمير اللي مات |
|
#3
20-11-2010, 03:05 AM
|
||||
|
||||
|
جيل جيل جيل ماله حل
__________________
انا حديثي سكات علي الضمير اللي مات |
|
#4
20-11-2010, 01:24 PM
|
|||
|
|||
|
هههههههههه
دمك خفييف وجزاك الله خيرا |
|
#5
20-11-2010, 04:06 PM
|
||||
|
||||
|
اقتباس:
انا بشكر مرورك الجميل
__________________
انا حديثي سكات علي الضمير اللي مات |
|
#7
20-11-2010, 08:19 PM
|
||||
|
||||
|
:كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ هههههههه يالهوى 3 الاف عربون بس !! امال الكيلو بكام ؟؟؟ موضوع جميل جزاك الله خيرا |
|
#9
20-11-2010, 08:34 PM
|
|||
|
|||
|
اقتباس:
مع ان الموضوع يبدو في ظاهره انه للضحك والفرفشة , إلا انه في الواقع يدعو للحزن والحذر ( والصوات واللطم كمان ) !! للأسف الشديد نحن في الطريق لحدوث هذا , ونسعي إلي حدوثه بأسرع وقتت ممكن , وهذا ما يؤرقني ويحزنني أشد الحزن !!!!!!!!!!! |
|
#10
22-11-2010, 03:51 AM
|
||||
|
||||
|
انا باحكى الحكايات اللى كان والدى بيحكيهالى عن الاسعار زمان ولادى بيصعقو والا اول موبايل ليا لما والدى شافو وكان محتاج يستعمله بيقولى ولا سلك اتكلم كده على طول الكلام ده من عشر سنين بس امال 80 سنه بيتهيالى رحلات المدرسه هتبقى للقمر والاكل شم والعلاج شعاع يعدى العيان عليه و العربيات بتطير والام تخلف العيال على المدارس الداخلى ويادوبك تعرف ان ليها اولاد عددهم كذا وبدل الاسامى ارقام ممكن تقابلهم قدرا وممكن لا انا اوعى لما اللحمه وصلت 5جنيه كان فى مظاهرات وايه الغلا ده ولغاية امتى الغلا ده كيلو اللحمه بخمسه جنييييه
__________________
 |
|
#11
22-11-2010, 06:10 AM
|
||||
|
||||
|
اقتباس:
__________________
انا حديثي سكات علي الضمير اللي مات |
|
#12
22-11-2010, 06:16 AM
|
||||
|
||||
|
موضوع جميل
بس ياترى هو ده اللى هيحصل؟ يعنى احنا هنبقى اسوا من دلوقتى بصراحة انا خايفة
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#13
22-11-2010, 06:16 AM
|
||||
|
||||
|
اقتباس:
__________________
انا حديثي سكات علي الضمير اللي مات |
|
#14
22-11-2010, 06:49 AM
|
||||
|
||||
|
اقتباس:
__________________
انا حديثي سكات علي الضمير اللي مات |
|
#15
22-11-2010, 07:01 AM
|
|||
|
|||
|
موضوع جميــــــــل
لكن بلاش اليأس ده قال تعالى : ( إقتربت الساعة وانشق القمر ) وقال تعالى : ( إقترب للناس حسابهم وهم فى غفلة معرضون ) يعنى خلاص هانت وتظهر العلامات الكبرى واللى من ضمنها ( المهدى ) المنتظر بس مش قصدى اللى فى السرداب عند الشيعة  وفى عهده هتنزل البركة تانى ان شاء الله حتى ان قشرة الرمان ستظل الفئام من الناس. تفاءلوا ......... اخوانى (ان الله يدافع عن الذين آمنوا)
__________________
قالوا كذبا : دعوة رجعية -- معزولة عن قرنها العشرين
الناس تنظر للأمام ، فما لهم -- يدعوننا لنعود قبل قرون؟ رجعية أنّا نغارُ لديننا -- و نقوم بالمفروض و المسنون! رجعية أن الرسول زعيمنا -- لسنا الذيول لـ "مارْكسٍ" و " لِنين" ! رجعية أن يَحْكُمَ الإسلامُ في -- شعبٍ يرى الإسلامَ أعظم دين ! أوَليس شرعُ الله ، شرعُ محمدٍ ------ أولى بنا من شرْعِ نابليون؟! يا رب إن تكُ هذه رجعيةً ------ فاحشُرْنِ رجعياً بيومِ الدين ! |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:01 PM.
