محتاجة مساعدة ضروري الله يخليكم

[XoxAnGeLxOX]

السلام عليكم و رحمة الله و بركاته
اولا
رمضان كريم و كل سنة و حضراتكم بخير
ثانيا
انا طالبة كنت تعليم سعودي لحد 1 ثانوي بعدين رجعت مصر في سنة 2 ثانوي بسبب النظام الجديد في الثانوية السعودية و ماما جابتني مصر عشان مصلحتي و كنت شاطرة هناك جدا جبت في 1 ثانوي 99.54 % و لما جيت مصر في 2 بدأت دروس بعد العيد و مكنتش متعوده عالنظام ابدا و نفسيتي وحشة و عياط طول السنة و اكتشفت اني مكنتش بتعلم اصلا هناك من الآخر فرق بين السما و الارض لان هناك مفيش حاجة اسمها تذاكر كتاب كله ده في مدرستي كانوا بيدونا ورق و فيه بعض الدروس مكوناش بنخودها المهم آخر السنة جبت مجموع وحش 74 % اتصدمت فعلا و ماما بهدلتني بس كله دلوقتي قاعد يقولي حولي ادبي و مفيش جامعة خاصة و انا مكنش ده طموحي اصلا خالص و مدايقة جدا و اوقات احب دروس ادبي و اوقات مش طايقاها و مش عارفة اعمل ايه ...
ثالثا
انا مجموعي من 155 مش من 205 لاني معفية من مادة الفرنساوي لانها مش موجوده في المناهج هناك يعني ان شاء الله في 3 مجموعي هيكون من 360 مش من 410 و السءال هنا هل تنسيقي هيكون زي الطلاب العاديين اللي مجموعهم من 410 و لا هيكون ليا تنسيق خاص انا و اللي زي ؟؟ لان اذا حسبت مجموعي في 2 ثانوي على 205 هطلع اني جايبة اقل من 50 % تقريبا يعني مش ناجحة عشان كده عايزة اعرف هل هيكون ليا تنسيق مختلف و لا ايه ؟ لان بجد حاسة كل احلامي اتدمرت عايزة نصيحة بجد في الموضوع ده كله الله يخليكم

[Faris881]

ازبك يا AnGeL كل سنة وانتي بجد بالف صحة وسلامــــة.
طبعا انا بكلمك وانا خبرة ف الموضوع ده لاني محول من سلطنة عمان ونظامي نفس نظامك بالضبط وطبعا الحمد لله المجموع برضو نفس كلامك بالضبط 348.5 من 360 وحاليا انا رايح اولى سياسة واقتصاد انجلش القاهرة
المهم خليني معاكي : يا ست الكل طبعا المناهج مختلفة وانتي اهم حاجة تحولي ادبي وتشدي حيلك هتلاقي كل كل خير طبعا وخلي بالك انتي كنتي علمي واسستي نفسك على كده فبلييز استحملي السنة ديه بكل ما فيها ممكن تلاقيها شادة حبة بس خلي بالك ان لكل مجتهد نصيب فلازم عليكي انك متكرهيش اللي بتعمليه ابدا ،خلي بالك ان تنسيقك هيبقى بالمعادلة زي الطلية المصريين وهيبقى من 410 بمعادللة بسيطة ناسيها حاليا وهتدخلي نفس الكليات اللمعروضة ما عدا الالسن بس عشان مبترضاش بالاعفاء
ومتخافيش اي اسئلة تانية انا موجود تحيياتي