العلم والعمل هما الحل لكى يتم التثبيت

[esamamer]

الإخوة الافاضل كم يحزننى انكم متألمون ومتأزمون من هذا الوضع ولكى يتم التثبيت لابد من العلم والعمل العلم الكلى الشمولى الذى ينفعنا فى المهنة وخارجها كالعلم بمعاد القفة الإِحتجاجية وأماكنها والساعة التى تبدأ فيها والعمل بالقف عن العمل والإضراب العام فى بداية العام الدراسى لكى يحدث فشل فى العملية التعليمية وتصبح الحكومة عاجزة مذلة مهانة كما أذلتنا وأهانتنا ما ضاع حق وراءه مطالب ونحن لابد أن نطالب بحقوقنا بطريقة متحضرة تليق بنا كمعلمين لهذه الأمة وهذا الشعب ولنكسب ثقة الشعب وإحترامه ولنكسب ثقتنا فى أنستا ولترجع لنا الهيبة والعزة والكرامة التى أهدرت كثيرا فى هذا البلد التى لاتعرف من هو المدرس صانع الأجيال والذين يصنعون حضارة الامم وفقكم الله
اخ أزهرى لايرى الحل الأكيد لمشاكلنا إلا بالعلم والعمل ولنعتزل هذه الفرق كلها التى تدعى أنها تحكم بما أنزل الله كذبا وزورا وتجعل من الاديان حلولا لمشكلاتنا فيزدوا مشاكلنا بذالك تعقيدا

[the keng]

الله ينور عليك

[ahmad alex]

اطمن حضرتك ده مش هيحصل ابدا
احنا لا بتوع اضرابات ولا علم ولا عمل
احنا يدوب نشكى ونبكى زى العيال ووقت الجد كله يجرى
مشكلتنا الحقيقية اننا مش مسئولين
ومش مصدقين اننا لنا قيمة ومهزوزين
وفينا كتير ميستحقش لقب مدرس والمهنة نفسها مش زى الاول

المتعاقدين ملهمش صوت لانهم عيال
وبيفتكروا ان مرتبهم ده مجرد مصروف بياخدوه من مامتهم
عشان كده عينهم مكسورة
وعمر العيل مايبقى راجل

[mratwa7]

كلامك صح وربنا يهدينا جميعا لما فيه الخير لنا و لبلدنا الحبيبه

[roosy]

الحل عشان نجتمع اننا نعمل باب او موضوع مثبت عن الوقفه دا لو كنا عايزين نعمل حاجه لكن المنتدى اصلا شكله مش مؤمن بدا وسايب كل واحد يقول اللى عنده وخلاص

[hishamhassan]

كلامك مظبوط

[ايهاب2323]

اللى حصل للمتعاقدين ده عمره ما حصل لحد قبل كده

[احمد ناجى على سميع]

الله يرحم أيام زمان كان التعيين أجبارى و ألزامى على كل خريج جامعى أو دبلوم معلمين أو حتى خريج معهد فنى اما الايام دى اللى ما يعلم بيها اللى ربنا التعيين بقى بطلوع الروووووووووووووووووووووووح ..........حسبى الله ونعم الوكيل فى كل فاسد ظالم

[مستر / طاهر أبو خزيم]

كلنا نتألم من اللى احنا فيه بس برضوا دا سببه الظلم والفساد اللى فى الحكومة ولسنا نحن بالمرة وان كنا مقصرين بعض الشىء فنحن تعلمنا وتخرجنا ونحاول ان نثبت للجميع اننا على قدر المسؤلية فى عملنا ولكن الحكومة لا تريدنا ان نكون مصلحين تريدنا ان نفسد ونخرب ونبقى بلا هويه فهى لا تعطينا حقوقنا نحن الشباب الذين يقع على عاتقهم الأصلاح فهى لا تعطينا الفرصة لذلك ولكن لا ينبغى علينا ان نسكت ونقف صامدين متفرجين لا بد ان يكون لنا دور ايجابى فى قمع الظلم والفساد اللى استشروا فى البلد لازم نتحد ونطالب بحقوقنا ونعمل وقفات لا وقفة فاذا لم يجدى نعمل اعتصام واضراب عن العمل فى بداية الدراسة الى حين ان يتم تثبيتنا وحسبنا الله ونعم الوكيل فى الظالمين حكاما وحكومة
مدرس انجليزى متعاقد بالأزهر