بمناسبة شهر رمضان يا ريت الاساتذه الكرام يردوا على

[مصرى أنا]

كل عام وكل المعلمين فى هذا المنتدى العظيم بخير ، أسأل الله لنا ولهم المغفرة والرحمة والعتق من النار وان يرزقنا الجنة ويكتب لنا ثواب هذا الشهر الكريم وان يوفقنا لما فيه الخير . آمين
زملائى الكرام واساتذتى الافاضل عندى استفسار بخصوص السؤال السابع فى الامتحان ( Answer only four of Six )
هل الاسئلة تكون فى موضوع القراءة أم موضوع القراءة والاستماع بمعنى الطالب يذاكر اسئلة القراءة لانها التركيز عليها ولا يذاكر اسئلة الاستماع . وحضراتكوا عارفين ان السؤال ده ممل والطلبه بتستصعبه شوية . فما هو الحل الأمثل لهذا السؤال .
مثال الوحدة الثانية فيها موضوع الاستماع عن ( Charles Dickens ) وموضوع القراءة عن ( Oliver Twist )
اركز فى الاسئلة على مين بالضبط عشان الطلبة لا تمل من كثرة الاسئلة .
رجاء أى حد يقرا الموضوع وعندة رأى يا ريت ميبخلش بيه . بارك الله لكم وكل رمضان وانتم بخير .

[Mr.Ahmed Elswaify]

الاسئلة تكون فى موضوع القراءة والاستماع

[bodi 22]

اولا كل عام وانتم بخير الاسئلة طبقا للمواصفات الامتحانية تاتى فقط من موضوع القراءة حيث تهدف كذلك باالخروج بوجهة نظر الطالب وكذلك ماذا تعلم من تلك الموضوعات ولكن بعض المدرسين الاوائل ....................................وعلى العموم هو سؤال بصراحة غبى ملوش لازمة

[مصرى أنا]

يا جماعة حيرتونا عايز رد شافى ، رد بيقول القراءة والاستماع ، ورد اخر بيقول القراءة فقط ، مين الصح
يا ريت حد يدينى رد على ذلك وله الجزاء بأذن الله .

[مستر احمد نور الدين]

ان شاء الله من الاتنين يا مصرى يعنى استمع واقرأ

[nadyadel]

استاذى اخى العزيز حسب مواصفات ورقة الامتحان فان الا سئلة تاتى منreading فقط وشكرا و فقك الله

[شرقاوى جدا]

يا جماعة ربنا يكون فى عون الطلبة فى السؤال الرخم قوى ده ، لما المدرسين مختلفين على الاسئلة فى القراءة ولا فى القراءة والاستماع ، يبقى الطلبة تعمل ايه . ماتشوفوا حل بقى .