قالوا :اللى نعرفه احسن من المنعرفوش

[mrweb]

جمله من اكتر الجمل استفزازاً

جمله بتقضى على اغلى مافى الانسان وهو الطموح

جمله بتخلينا نستسلم للواقع حتى لو الواقع ده أسوأ مايكون

لو اللى نعرفه أحسن من اللى مانعرفوش كانت الأسره المالكه حكمت مصر الى الأن ومصر مابقتش جمهوريه

لو اللى نعرف احسن من اللى مانعرفوش مكنش فيه ولا ثوره قامت فى اى بلد

لو اللى نعرفه احسن من اللى مانعرفوش كان الحاكم فى أى بلد فضل فى الحكم لغاية مابقى فرعون

لو اللى نعرفه أحسن من اللى مانعرفوش مكنش هيبقى فيه أمثال جيفارا وغاندى

لو اللى نعرفه احسن من اللى مانعرفوش كان كل أب جوز بنته لابن عمها او خالها حتى لو كان أوحش الوحشين

الجمله دى بتخلينا نقضى على المجهول .. على المستقبل .. على الأمل

الجمله دى بتخلينا نقضى ونحكم على جيل له الحق فى اختيار " اللى يعرفه أو اللى مايعرفوش "

الجمله دى زى المنوم اللى بناخده عشان ننام ونهرب من مشاكلنا

اللى ماتعرفوش ده مجهوووووول مممكن يكون حلو وساعتها تستفاد منه

وممن يكون وحش وساعتها برضه هنستفاد منه لان " من لا يخطىء لا يفعل شىء "

اللى نعرفه احسن من اللى مانعرفوش

بتحسسنى بالاستسلام واليأس زى بالظبط ما تكون بتقول ادينا عايشين

الجمله دى معناها اننا بنقضى على روح المغامره والتجربه والاحساس بالنجاح و التعلم من الفشل

عشان كده " اللى منعرفوش احسن من اللى نعرفه "

اللى مانعرفوش يعنى أمل فى بكره

يعنى شمس ممكن تطلع

يعنى فجر ممكن يشقشق

يبقى ليه نموته بإيدينا؟؟؟ بس علشان منعرفوش!!!!!

http://b7l2a.net/nezam/2548.html