كنت بحلم ابقي حاجة

[ديني الاسلام]

السلام عليكم ورحمة الله وبركاته

ازيكو عاملين ايه يارب تكونو دايما بخيـــــــــــر

انا حبيت بس اقول الكلام ده للي كان بيحلم يبقي حاجة حلوة في مجتمعه

للي كان بيتعب في مذاكرته وفرق معاه حلم حياته علي درجة او نصف درجة

للي اتظلم في بعض المواد وجاله مجموعه علي غير توقعه ومجهوده طول السنة

والله كل شي في حياتنا نصيب وان شاء الله كل انسان هيقدر يتكيف مع الكلية الجديدة اللي جاتله

وحبيت كمان احكيلكم علي مشواري

انا دخلت القسم الادبي وانا معرفش هدفي ايه

احيانا اقول لنفسي اعلام وابقي صحافية كويسة

واحيانا اقول ان شاء الله ادخل السن ويبقي معايا لغة

وجبت في سنة تانية 92.4 وحاولت علي قد مقدرت عشان احسن مجموعي

وجيت في تالتة وجبت 93.4

احترت ادخل ايه

سياسة واقتصاد واعلام استبعدتها لان مجموعي مجبهاش

كان مجموعي يجيب السن واثار بس في الاخر .....

قررت ادخل كلية تربية وحلمي ان شاء الله اللي لسة مستنياه ادخل قسم انجليزي

ياريت كلنا ندعي لبعض بظاهر الغيب

وادعولي كمان ادخل قسم انجليزي انا وكل اللي بتمناه

معلشي طولت عليكم

رمضان مبارك علينا وعليكم ان شاء الله