محتاج مساعدة

[commando133]

*-*بسم الله الرحمن الرحيم*-*

**السلام عليكم ورحمة الله و بركاته**

انا عضو جديد هنا فى المنتدى و عندى مشكلة انا جايب مجموع زبالة فى الثانوية العامة السنة دى 52.8% فقولت مش حقدم فى التنسيق العادى عشان اكيد حيودينى معاهد وكمان اقاليم انا على فكرة من اسكندرية المهم فقولت اقدم فى الكليات المفتوحة و خلاص و بعد فترة واحد صحبى قالى مدام انت بتحب الكمبيوتر بدل ماتدخل كلية مفتوحة و تكون داخلها و انت مش عايزها فى معهد للكمبيوتر كويس تعالى نسأل فيه قولت ماشى نروح بكره المهم روحت وسألت فقالوى المفروض كنت اقدم عندهم بس عن طريق التنسيق فقلت بس انا مش مقدم فى التنسيق خالص الراجل الصراحة وجب معاية و اتصل بادارة التنسيق و سالهم فقالوا له ان احتمال الوزير يعمل تعديل رغبات فى الكام يوم اللى جايين دول و ممكن اقدم فى الفترة ديه

المشكلة بقى انى مش لاقى طريقة اعرف بيها هما حيعملوا تعديل رغبات و لا لا

بمعنى صحيح الاخ اللى سألناه قالى تابع على النت بس انا مش عارف اعمل ايه ادخل على انهى موقع عشان اعرف الاخبار

ارجوا الرد واى حد عندوا نصيحة يقولهالى و اسف على الاطالة

شــــــــكــــــرا

[الأستاذة أم شاهندة]

التأنيب لن ينفع ولن يعود بفائدة


كان يجب عليك الاهتمام أكثر من هذا ومبكراً عن هذا


الأمر لله
كل واحد بياخد نصيبه


تنسيق الثانوية العامة انتهى بجميع مراحله وبالمتخلفين ايضاً


لا يوجد إحتمال لفتح باب التنسيق من جديد بأى حال من الأحوال


وعلى العموم حتى لا أكون قصرت معك هذا هو رابط التنسيق

http://www.tansik.egypt.gov.eg/application/


لو عادوا وفتحوا التسجيل ستجد أمام جملة
خدمات تنسيق الثانوية العامة كلمة مفتوح

ولكن الوزير أعلنها أنه لا فتح له مرة أخرى فقد تم استقبال طلاب الدور الأول ثم تقليل اغترابهم ثم طلاب الدور الثانى والمتخلفين عن الدور الأول ثم تقليل اغترابهم
وأعلن أنه بهذا انتهى هذا العام تنسيق الثانوى العام


تابع قد يجد جديد


وفقك الله

[commando133]

طيب هو الاخ اللى سالته قاللى ان لو معملوش حكاية التعديل دى ابقى اروح القاهرة

و ممكن اقدم من هناك ؟؟ فهل ده ينفع؟

[الأستاذة أم شاهندة]

جرب ولا تتكاسل

اسعى وراء كل فرصة
يمكن لأن عدد الطلاب قليل يسمحوا ببعض الاستثناءات

بالتوفيق