بتحب بلدك؟!!!!!!!!!!!!!!!!!!!

[theghost_eng]

بتحب بلدك مصر؟!

بتحب مدينتك اللى انتا عايش فيها؟!

بتحب المكان اللى انتا ساكن فيه؟!

ولامش طايق نفسك؟!

مش طايق اى حاجة حواليك؟!

نفسك تهاجر باسرع وقت ولاى حتة فى العالم؟!




الموضوع بجد يا جماعة كل واحد يقول رايه بصراحة فى كل اللى حواليه ويجاوب على اسئلتى


فى ناس كتير هاتقول عليا عبيط ومش هاترد على الموضوع


بس انا متاكد ان فى ناس فعلا عاقلة وشايفين اللى حواليهم بايجابياته وسلبياته


الموضوع اشبه بتصويت ولكن مع ابداء الراى


يلا مستنى الردود

[Ahmad™]

اه طبعا بحب بلدي
في حد ميحبش بورسعيد
ومصر


انا او واحد رديت
:P :P :P :P :P :P :P :D :P :P

[MohammeD el_SadaT]

<div align="center"><span style="color:#0000ff">أنا بحبها بس زهقت من الفساد اللى فيها
فين لما كان مصطفى كامل
بيقول لو لم اكن مصري لوددت أن اكون مصرى
دلوقتى طبعا كله عكس المقوله دى وعندهم حق ما اللى بيشفوه مششويه

</span> </div>

[theghost_eng]

شكرا على الردود والمشاركة


ارجو ان الكلام يكون باستفاضة شوية

[mR . mOstafa Fathi]

اكيد احب بلدى
يا بلدى يا حتة منى اشتقلك غصب عنى اصل اتربيت فى خيرك
ياه
يسلمو للتوبيك

[عبدالرحمن طارق]

شوف بقى بالنسبة للموضوع جميل وشكرا

لكن بالنسبة لحب بلدى طبعا بحبه مفيش حد مش بيحبها ده حتى الأغراب عنها بيحبوها

وبالنسبة لحب مدينتى طبعا دى الإسكندرية أجدع ناس

لكن بالنسبة للمنطقة اللى أنا ساكن فيها بحبها و بكرهها

بحبها لأنى اتربيت هناك لما كانت الناس اللى هناك حلوة

ولأنى أصحابى كلهم فيها والناس اللى أعرفهم

هى المنطقة حلوة بس اللى مخلينى أكرهها هو الناس والحرامية اللى فيها

ده فيه ناس بتوع مخدرات هناك علشان كدة الواحد نفسه يهج من المنطقة دى

بس يروح منطقة تانية تكون فى بلده و مدينته

[أحمد2025]

<div align="center">والله ياجماعة بلدنا جميلة جدا
بس منهم لله بقى الحرامية اللى فيها
شكرا على الموضوع يامان </div>

[theghost_eng]

شكرا على المشاركة يا جماعة

[سيليا]

بص انا كلمه بحب مصر دى قليله اوى انا بعشقها بس زهقت من الفساد اللى فيها يعنى انا بحبها من غير الحرميه اللى فيها وبتمنى انى ارجع وابقى فى زمن السادات وجمال عبد الناصر موش جمال وبابا والاربعين حرامى بس فى الاخر انا بعشقها جدا جدا وكمان فخوره انى من مصر
وشكرا جدا ع التوبيك الجميل ده واهلا بيك معانا فى المنتدى

[theghost_eng]

طيب ليا سؤال :

لو جاتلك وظيفة محترمة فى الخارج وباجر عالى جدا بس ليها شرط انك تشتغل فيها مدى الحياة بدون توقف وفى اى بلد غير مصر هاتختارها ؟؟؟؟؟؟


ولو فى نفس الوقت جاتلك وظيفة بين اهلك بس تبع الحكومة وبربع المرتب اللى كنت هتاخدو بره ؟؟؟؟؟؟؟؟


هتعمل ايه؟!!!!!!!!!!!!!!!!!!

[Angel90]

بتحب بلدك مصر؟! الحمد لله بحبها جدا و نفسى تبقى احلى بلد ف العالم

بتحب مدينتك اللى انتا عايش فيها؟! اه بحبها برضه الحمد لله

بتحب المكان اللى انتا ساكن فيه؟! اه بحبه

ولامش طايق نفسك؟!لا طايقه نفسى اه بس حاسه انى عايزه اعمل حاجه تخدم بلدى و هى ايه بالضبط مش عارفه بقول يمكن لما اشتغل هعرف بس

عايزه حاجه اقدر اعملها دلوقتى

تفتكروا ايه؟؟ لو حد عارف يقول لى

مش طايق اى حاجة حواليك؟!لا طايقاهم و بحب كل اللى حواليا الحمد لله

نفسك تهاجر باسرع وقت ولاى حتة فى العالم؟! لا مش نفسى اهاجر

بس متهيألى مفيهاش حاجه لو هجره مؤقته يعنى حد يكون نفسه يعنى و ييجى تانى او يدرس بره و ييجى تانى عشان نستفيد من خبراته

ولا ايه؟؟

و اسفه لو طولت عليكم