|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-08-2010, 11:02 AM
|
||||
|
||||
الشباب ضحيه ولكنه مش برئ
السلام عليكم ورحمه الله وبركاته كلنا بنتحامل علي الشباب وعلي اخلاقهم ودايما شايفنهم هما الذئاب المفترسه اللي بتاكل في البنات بس تعالي نحط نفسنا مكان الشاب ده ونشوف ايه اللي وصله لكده والكلام للبنات بصي لحال الشاب وهو ماشي في الشارع وبيشوف البنات المتبرجين طبعا فيه راي بيقول طب وهو يبص ليه هو لو مؤدب مكنش بص ياسلام هو يصح انك تحط قدام انسان جعان مائده من الطعام وتقوله اوعي تقرب او حتي تبص عليها طب حد حيقولي مش كل البنات اللي بتمشي في الشارع متبرجين حقولك تقصد المحجات بس ارجوك حددلي شكل الحجاب اصل دلوقتي فيه بنات كتير شايفين الحجاب علي انه موضه مش فريضه دينيه او بتحب تشيل لقب محجبه مجرد لقب مش اكتر طيب حنغمي الشباب ونقولهم متمشوش في الشارع نيجي بقي لمواقف تانيه تعالا مثلا شوف في الكليات شاب محترم وكويس واخلاقه زي الفل تلاقي البنات مبيسبهوش في حاله اللي تعمل فيها اصل ايه هي عايزه تساله علي حاجه واللي بترمي نظرات من بعيد لبعيد علشان يندب المحترم ويجلها بنفسه اصلها ال ايه محترمه ملهاش في انها تروح تكلم ولد وياسلام بقي لو شاب ناجح في مكان معين تلاقي البنات تستغله احلي استغلال ال ايه بيستفيدو من خبرته وتلاقي ميله وموبايله ملكيه عامه للناس كلها ويدخلو البنات الشات معاه يسالوه فيدنا بخبرتك اصل احنا لسه مفهمناش نعمل ايه في الحته دي وياعيني هو بيبقي مبسوط من اللمه اللي حواليه وياويله لو مردش علي حد يبقي قليل الزوق ومش محترم ويطلع عليه اكلام اكيد مشغول في الكلام مع بنت تانيه ده غير ان كل بنت بتبقي نفسها يحبها اصله شخص ناجح وحتفشخر بيه قدام صحباتي ومن هنا تبدا كل واحده تحاول تكلم معاه في حاجات شخصيه يعني مثلا لو غاب يوم تنقلب الدنيا ومتقعدش انت مالك طب احكيلي احنا زمايل احنا اخوات وطبعا ياعيني الغلبان مش حيستحمل نيجي بقي لنوعيه تانيه من الشباب اللي ملوش في اي حاجه بس عمال يشوف البنات اللي مع الولاد واللي رايحين واللي جايين وهو يعيني بينكسر من جوه اشمعني انا اشمعني انا هو انا ناقص حاجه ويبدا يحس بعقده نقص وده بقي مبيصدق يلاقي عشر فرصه ساعتها تلاقيه استفرس بالبنت صحيح ده حال الشباب ضحايا ولكن ده مش معناه انهم يحملو البراءه لا طبعا لو اي شاب من دول عارف دينه كويس وقلبه عامر بالايمان عمر ما حيبص علي بنت في الشارع مهما كانت لانه عارف ان النظره سهم مسموم وانه بيغضب ربنا بالنظره دي وبرضو الشاب اللي بيقع تحت اغراءات البنات الكتير دي هو لو متدين حيقطع الطريق من الاول ومش حيسمح لاي بنت تدخل عالمه الا بما يرضي الله اما بقي الشاب اللي بيحقد علي الاولاد اللي بيكلمو بنات ده بقي لو فعلا متدين مش حيبص لدول انما حيبص للشاب اللي اكثر تدين منه وبالنسباله مجموعه الشباب والبنات دول ما هما اللي شئ مقزز اسف اني كنت عنيف حبتين لكن للاسف ده واقع انا شفته قدامي ومحدش يقدر ينكره طبعا ده لا يمنع ان البنات المحترمات المتدينات علي حق موجودين لكن لكي تصل الا لؤلؤه عليك ان تغوص الا اعماق البحار وتبحث عنها وسط الطحالب والاحجار فيا ايتها البنت اجعلي نفسك لؤلؤه لا يجدها الا الفارس اللذي يشقي ليحصل عليها
وانت ايها الشاب كن الفارس ولا ترضي بحجاره الشاطئ منقول,,,
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم  |
|
#2
31-08-2010, 03:19 PM
|
|||
|
|||
|
اللهم اهدى شباب المسلمين يارب
__________________
فلتسقط اسرائيل اللهم لا ترفع لهم راية ولاتحقق لهم غاية واجعل دعائنا عليهم نهاية |
|
#3
31-08-2010, 03:49 PM
|
|||
|
|||
|
موضوع جميل
وجزاك الله كل خير ياغالى عليه المشكلة ان البنات دى عن نفسى بتعب نفسيا من المناظر اللى بشوفها وانا فى الشارع لاهى بتراعى نفسها وممكن تكون البنت ماشية جنب امها ولابسه لبس يشد النظر اليها مش لازم يكون مينى جيب او بنطلون ممكن يكون لبس عادى او طريقة لفه حجاب بشكل يلفت النظر اليها او او او مواقف كتيرة |
|
#4
31-08-2010, 04:32 PM
|
|||
|
|||
|
بسم الله الرحمن الرحيم قال الله تعالى ( لا يكلف الله نفسا الا وسعها ) صح ... طيب ربنا امرنا بغض البصر يبقى ده دليل انه امر ممكن وليس مستحيل وايضا قال رسول الله ( ص) : ( النظرة الاولى لك والثانية عليك )
__________________
 |
|
#5
31-08-2010, 09:58 PM
|
|||
|
|||
|
طبعا ده لا يمنع ان البنات المحترمات المتدينات علي حق موجودين لكن لكي تصل الا لؤلؤه عليك ان تغوص الا اعماق البحار وتبحث عنها وسط الطحالب والاحجار فيا ايتها البنت اجعلي نفسك لؤلؤه لا يجدها الا الفارس اللذي يشقي ليحصل عليها وانت ايها الشاب كن الفارس ولا ترضي بحجاره الشاطئ كلامك رائع .. جزاكم الله خيرا |
|
#6
01-09-2010, 08:33 AM
|
||||
|
||||
|
جزانــــــــا الله وايـــــــــــــاكم
شكرا لمروركم الجميل
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم |
|
#7
01-09-2010, 10:32 AM
|
|||
|
|||
|
موضوع جميل تشكر عليه
|
|
#8
01-09-2010, 03:24 PM
|
||||
|
||||
|
أولا شكرا على موضوعك الجميل ده....جزاكم الله خيرا
ثانيا أحب أقول أن الشباب معذور لأن له عنفوان وثورة وبيكون الواحد مننا فى مطلع شبابه فميكونش عنده خبرة أد كده وبيقع فى غلط كتير لكن ده مش عذر لينا...... قال الله عز وجل قال فى سورة ال عمران:- ( زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث) يعنى مصدر الفتنة بين بنى أدم هى النساء....يعنى حضرتك متقوليش الشباب بيبصوا علينا ليا هو أنت لابسه كده ليه أصلا أنت اللى خلتيهم يبصوا عليكى.....محدش يرمى جركن بنزين فى وسط النار ويقول مش هيولع ثالثا يا أخى فى الله كل واحدة قدامك دى مسلمة زيها زى أختك وأمانة عليك يعنى متفكرش فى حاجة غلط دى وصية الرسول صلى الله عليه وسلم لك قبل أن يموت قالها فى حجة الوداع (فاتقوا الله فى النساء فإن فتنة بنى اسرائيل كانت فى النساء) بالله عليك خليك أمين مع نفسك ومع اى حد.....اللى مترضاهوش لاختك مترضاهوش لغيرك من المسلمات وكن حريص على غيرك ثالثا عاوز أقول للبنات حاجة لبسك ده بيدل على شخصيتك يعنى أنت ايه بالضبط علشان منتحكش على بعض ونقول موضة او مش موضة ولا الحاجات دى رابعا دروس وعبر لكلا الطرفين وعاوزين الناس تركز معانا هنا شوية 1- قصة سيدنا موسى والفتاتان:- نفتح مع بعض كده سورة القصص على الأية 23 (ولما ورد ماء مدين وجد عيها أمة من الناس يسقون ووجد من دونهم امراتين تذودان قال ماخطبكما قالتا لا نسقى حتى يصدر الرعاء وأبونا شيخ كبير) * وجد عليها أمة من الناس يسقون ووجد من دونهما امرأتين تذودان وجد على الماء جماعة كبيرة من الناس يسقون مواشيهم ووجد امراتين تحبسان اغنامهما حتى يفرغ النا ويخلوا بينهم وبين الناس....يعنى لشدة عفتهما لا يدخلان بين الناس ويحتكون بهما خشية أن يقع منهم شئ للرجال أو ماشابه ذلك * قالتا لا نصدر الرعاء وأبونا شيخ كبير الدرس هنا بقى أن الإجابة على أد السؤال وعاوز أقول برضه للبنات حاجة مجرد لما تذكر اسم ابويا بس قدام ولد مش كويس هو أصلا بيتعدل وجسمه بيتلبش الاية 24 فسقى لهما ثم تولى إلى الظل * لم يفصل الله عز وجل بين حديثهما وفعل موسى عليه السلام - الفاء هنا تعنى فلما سمع موسى كلامهما - يعنى أن سيدنا موسى لم يكن يريد إلا خدمتها وبعدها سقى لهما الإغنام وتوجه إلى الظل ليجلس فيه هنا بقى الدرس للشباب مثلا واحد شاب مننا ذو مروءة وشهم وكل حاجة قدم خدمة مثلا لأى واحدة مش شرط تكون زميلته أو معاه فى الجامعة أو غيره ميبقاش بقى هو فى دماغه الموضوع طول الأسبوع ويكون عاوز رقم الموبايل لأ أكلمها فى حاجة لا أعمل معرفش ايه.....يا أخى قدم الخدمة لوجه الله عز وجل ولا تكون نيتك فى غير ذلك الاية 25 * فجآءته إحداهما على استحياء قالت... هنا اختلف العلماء فى وجه الحياء هل هى جآءته على استحياء أم على استحياء قالت ولكنهم اتفقوا أن الحياء كان شاملا كان شامل الكلام وطريقة المشى(القول والفعل) * إن أبى يدعوك ليجزيك أجر ما سقيت لنا هنا بقى الدرس للولد وللبنت الفتاة قالت لسيدنا موسى (إن أبى) خوفا من أن يفهم سيدنا موسى قصدها خاطئ وهو -عليه السلام- لم تكن تعلم أنه نبى مرسل من الله عز وجل الشاب مننا - طبعا أن بكلم أصحاب المروءة والشهامة- لما يقدم خدمة لواحدة وتيجى هى له تانى طبعا أول حاجة هتيجى فى باله (خلاص يبقى هى معجبة بيا بقى) إلا من رحم الله من أصحاب المروءة الخالصة..... يا أخى خلى نيتك صالحة للأخر....ويقال فى رواية القصة أن سيدنا موسى مشى فى الامام وجعل الفتاة خلفه حتى لا يرى منها شئ وإذا كان الشارع اللى هيدخل منه على اليمين تلقى له بحجر على اليمين وكذلك مع اليسار.....هو ده الحياء يا شباب وطبعا البنت لازم تكون حريصة على نفسها وتكون خايفة لحد يفهمها غلط أو يشكك فى دينها ..... شوفى دى تانى مرة تذكر له الأب فى الحديث حتى رسول الله موسى عليه السلام لا يفهم خطأ.....هو ده الحياء يا بنات الاية 26 * قالت يأبت استئجره إن خير من استأجرت القوى الأمين هنا بقى دروس عديدة اول درس للشباب بتوعنا لازم يا أخى تكون حريص على سمعتك ميغركش أنك ولد ولا حاجة الشرف والكرامة لا يفرق بين اثنين.....ثانيا لازم تكون أمين مع القوة التى تملكها.....القوة التى تملكها من غير أمانة قوة زائفة مضرة.....أنت شاب وتمتلك ما لا يملكه الطفل وما لا يملكه الشيخ فكن حريص مع قوتك فالله استامنك عليها....خليك أمين مع نفسك ومع غيرك تانى درس للبنات الفتاة هنا رضيت من نبى الله موسى قوته الأمينه فاختارته على أساس الدين مش على أساس حاجة تانية ورضيته زوجا لها.....قال الرسول صلى الله عليه وسلم:-(إذا جاءكم من ترضون دينه وخلقه فزوجوه إلا تفعلوا تكن فتنة فى الأرض وفساد كبير) ثالث درس لأبائنا الكرام الأب هو أدرى بحال ابنته والبنت دائما يكون أبيها أقرب الي قلبها من امها.....الأب هنا فهم مراد ابنته أنها تريد الزواج من سيدنا موسى لعفته وامانته ودينه ولكنها لم تصرح بذلك امام ابيها لشدة الحياء ولكن عرضت بذلك....لكن الأب فهم ماذا تريد ابنته.....نشوف بقى الأيه اللى بعدها على طول الأب دخل فى موضوع الزواج بعدما اكتملت كل الشروط فى سيدنا موسى وبعدما فهم الأب مراد ابنته على الفور الاية 27 قال إن اريد أن انكحك احدى ابنتى هاتين على أن تأجرنى ثمانى حجج فإن اتمتت عشرة فمن عندك الأب هنا جعل شرط الزواج هو أن يأجره ثمانى حجج كما طلبت ابنته فى قولها ( يأبت استأجره) ده كان شرط ابنته هو أوفى بالشرط....وبرضه عاوزين نقول حاجة للاباء الكرام وهو مش شرط الرجل اللى أنت شايفه كويس وصالح لابنه حضرتك أن هو اللى يتقدم ليك يمكن ظروفه متسمحش أو عنده عذر....فهناك مشروعية عرض ولى المراءة على الرجل الكفء الصالح الايه 29 فلما قضى موسى الأجل الأجل كان العشرة أعوام قضاهم موسى فى خدمة والد زوجته طيب ليه سيدنا موسى خدمه العشرة أعوام ولم يكتفى بالثمانية؟ لأنه كان عارف قدر زوجته الصالحة وحتى يأخذها من أبيها وهو راض تمام الرضا....سيدنا موسى أدرك أن العشرة أعوام احب إلى والد زوجته من الثمانية فخدمه العشرة اعوام احب اقول أن الشاب إذا كان محترم ومتدين وواثق بالله مش هيبص لواحدة أصلا خالص وهيفرض احترامه عليها وهيخليها تحترم نفسها حتى ولو كانت مش كويسة.... احب اقول أن الفتاة إذا كانت محترمة ومتدينة وواثقة بالله مش هتخلى واحد يبص عليها وهتفرض احترامها عليه وهتخليه يحترم نفسه حتى ولو كان مش كويس.... وعاوزين الناس تبقى أمينه على شبابها نظرا لأهمية هذه الفترة من العمر قال رسول الله صلى الله عليه وسلم (لا تزول قدما ابن آدم يوم القيامة ، حتى يسأل عن خمس : عن عمره فيما أفناه ؟ وعن شبابه فيما أبلاه ؟ وعن ماله من أين اكتسبه ؟ وفيما أنفقه ؟ وماذا عمل فيما علم ؟) يعنى هيسأل عن عمره كله وهيسأل عن فترة شبابه بالذات تانى نظرا لأهميه هذه الفرتة ولأنها أساس عمر الإنسان فيما بعد الراوي: عبدالله بن مسعود المحدث: الألباني - المصدر: تخريج مشكاة المصابيح - لصفحة أو الرقم: 5125 خلاصة حكم المحدث: صحيح نكتفى بهذا القدر ويارب صاحب الموضوع يرضى بمداخلتى علشان اكتب الدرس التانى جزاكم الله خيرا وتقبلوا مرورى طبعا ده لا يمنع ان البنات المحترمات المتدينات علي حق موجودين لكن لكي تصل الا لؤلؤه عليك ان تغوص الا اعماق البحار وتبحث عنها وسط الطحالب والاحجار فيا ايتها البنت اجعلي نفسك لؤلؤه لا يجدها الا الفارس اللذي يشقي ليحصل عليها وانت ايها الشاب كن الفارس ولا ترضي بحجاره الشاطئ كلامك رائع .. جزاكم الله خيرا
__________________
أياااااااااااااااام |
|
#9
01-09-2010, 03:28 PM
|
||||
|
||||
|
رأيى
ان والله العظيم لو واحد محترم مش هيبص ولا هيجيى على باله اساسا بردة لو كانت البنت متبرجة ومذنبة فالشاب مخطئ أكتر
__________________
ربنا لك الحمد كما ينبغى لجلال وجهك ولعظيم سلطانك
|
|
#10
01-09-2010, 04:34 PM
|
||||
|
||||
|
فعلاً بنعرض لمواقف زى ده
فباضطر أرد بقسوة أو زى ما بيقولوا بتبلد مشاعر استهبل و اعمل نفسى فلاح صعيدى أى حاجة و السلام مع إنها لا تليق على شخصيتى بس زى ما بيقولوا أصحاب العقول اللبيبة بيقضوا على المشكلات فى مهدها حتى لو كان احتمال مش شىء أكيد و كلمة أخوات أصحاب على عينى و على راسى أنا متأكد من أدبى و أخلاقى و متأكد من أخلاق اللى قدامى كويس بس متأكد من إن الشيطان بيقوم بواجبه على أكمل وجه و قالوا فى الأمثال ابعد عن الشر و غنّى له
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم  |
|
#11
01-09-2010, 04:54 PM
|
||||
|
||||
|
اقتباس:
جزاك الله خيرا نورت الموضوع *
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم |
|
#12
01-09-2010, 04:55 PM
|
||||
|
||||
|
اقتباس:
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم |
|
#14
01-09-2010, 04:58 PM
|
||||
|
||||
|
اقتباس:
شكرا لمرور حضرتــك بس مش فاهم انت رايك ايه ف الصعايده ؟! حضرتك بتعتبرهم مش بيفهموا ؟؟
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم |
|
#15
01-09-2010, 04:59 PM
|
||||
|
||||
|
اقتباس:
شكرا اخى لمرورك الكريم
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:33 AM.
