معقولة هنستورد الغاز تانى من اسرائيل

[sympathique]

السلام عليكم ورحمة الله وبركاته
كل سنة وحضراتكم طيبين
طبعا مصر كلها عاصرت ومازالت تعاصر
مشكلة انقطاع الكهرباء والخسائر المترتبة عليها

تعددت الاقاويل والاسباب فى ذلك
وطبعا احنا شعبنا اكتر شعب يتكلم فى الحاجات اللى من النوع ده
اللى يقولك اصل التوربينات بتسخن فى الصيف
طب اشمعنى سخنت الصيف ده بالذات هو قبل كده مكنش فيه فصول صيف فى مصر ولا ايه
واللى يقولك فيه مشاكل فى السد والخزانات
طبعا بالاضافة الى مشاكل محولات الكهرباء اللى موجودة فى المدن والقرى
اللى حالها يصعب على الكافر زى ماحنا بنقول
واعتقد انها لو عارفة طريق الشرطة كانت هتروح تشتكى
طبعا بالاضافة لبيع مصر للكهرباء واخرها ثفقة الشركة الاردنية
سيبك من ده كله وندخل بقى فى الموضوع

فيه كلام برده بيتقال ان مصر هتستورد حصة من الغاز اللى صدرته لاسرائيل
بسبب ازمة الطاقة اللى احنا بنمر بيها دلوقتى
وده طبعا صدر فى بعض الصحف الاسرائيلية
الا ان المسئولين المصريين قد قاموا بنفى هذه وقالو ان من المستحيل ان مصر تستورد الغاز من اسرائيل
وايضا مسؤلين صهاينة برده نفوا هذا الكلام وقالوا انه مستحيل علميا وعمليا(ياحلولى) ان هما يصدرونا الغاز
الغريب فى الامر ان لو ده حصل فعلا فاحنا هنستور الغاز بسعر 7 اضعاف سعر التصدير ليهم
وبالمناسبة برغم ازمة الطاقة اللى حنا فيها دلوقتى فاحنا هنفضل نصدر الغاز لاسرائيل
وده بسبب ان هناك اتفاقيات مصر موقعة عليها
وطبعا احنا عارفين مصر وحكومتها بتحترم الاتفاقيات
بس ياترى الكلام اللى بيتقال ده حقيقى ولا لاء
وهل لو مصر فعلا استوردت الغاز من اسرائيل هيبقى فيه اتفاقيه جديدة وبشروط جديدة
ولا ده كلام على الفاضى
الحقيقة الناس دى حيرتنا معاها
ونجحوا فعلا فى اللى هما عاوزين يوصلوا ليه
انا مبتكملش عن الصهايبنة
انا اقصد الحكومة المصرية قدرت تعمل اللى هى عاوزاه
شوفولنا حل بقى
دمتم فى رعاية الله