مصيبة مصيبة مصيبة احذروا

[هانى بهجت اسماعيل]

يا جماعة الكتاب بتاع الوزارة لسه واصلنى من ساعتين والنص بتاع عبد القادر المازني مش في الكتابوبعض الدروس غلط الكتاب والله معايا يا ريت الموضوع بتاع المازني يتحذف ساعدوني في تحرير الكتاب المنهج طويل ودروس النحو زي بتاعة ثانوية عامة تماما / مستر هاني بهجت
/بشتيل

[ghada farid]

غلط ازاى يعنى ؟
يا ريت توضح اكتر

[احمد ابراهيم غريب]

الف شكرااااا

[aboomar]

ايه هي موضوعات النحو ؟ وايه هي موضوعات القراءة والنصوص ؟
لو عندك شيء تفيد بيه ارفعه على الموقع وبلاش فرقعة على الفاضي

[احمد ابراهيم غريب]

هو النص ده صح ممكن الرد حصريا النص الاول من النصوص ثلاث ايات من سورة الانعام

[المصطفى نصر]

مصيبة مصيبة
طيب إيه الصح يافالح
طالما أن الكتاب معك
ألم يكن الأولى أن تكتب المقرر من واقع الكتاب
بدلا من أن تصرخ
مصيبة مصيبة

[nowara90]

أحدثت بلبلة كبيرة دون دليل
ممكن صورة الكتاب المزعوم

[حلمى رجب]

مش فاهمين مش إنت برده اللى نزلت بعض الموضوعات من قبل
ماذا يحدث أفيدونا
يا ريت تصور لنا عنوان الوحدة و الدروس التابعة لها بالموبايل و ترفعهلنا على الموقع علشان نعرف إيه الصح
و جزاااااااااااااااااااااااااااااااااااااااك الله خيرا

[ممادوهيما]

هى ناقصة لخبطة مش معقول يا جماعة يا ريت نتأكد من معلوماتنا

[التلميذ ميدو]

يا جماعة انا النهارده الصبح الساعة 10 هنزل المدرسة اجيب الكتب علشان وصلت امبارح واتاكد واصورهالكم اوكى

[learnme1000]

من المفترض على الاقل اخي لتثبت القول
أن تكتب فهرس الكتاب ليس فيه مجهود
صح و لا غلط

[أشرف إمام]

أرجو من الأخ الكريم محاولة رفع الكتاب المدرسى على البوابة حتى تعم الفائدة ما دام الله عز وجل من ّعليك واستطعت الحصول على هذه النسخة وجزاك الله عنا خبرا كثيرا .

[وحيدة شكلى]

يااجماعة فهمونا أين الصح ، وأين الخطأ؟؟؟؟؟!!!!!!!!!!!!
لو فى كتاب نزل ممكن حد ينزله هنا .
وبلاش اللعب بالأعصاب ..
افيدوووووووووووونا

[هانى بهجت اسماعيل]

الاخوة اللى بيردو علي كلامي بالشكل ده يؤسفني بكده انى منسحب وانا نادم تماما علي اعلامكم بكل كبيرة وصغيرة عن السادس الابتدائي لاني في النهاية غير مشكور وعموما موضوعات النصوص =8 نصوص بمعدل نصين لكل وحدة :
1- عباد الرحمن قرآن كريم
2- كن جميلا ايليل أبو ماض
3- رحمة ومحبة نثر قاسم أمين
4- آيات العلم شعر محمد الهراوي
5- فضل العلم حديث شريف
6- الكتاب شعر أحمد شوقي
7- من دروس الحياة نثر للمازني
8- نداء للشباب ابراهيم ناجي

و موضوعات القراءة = 8 موضوعات:
1- فن التواصل
2- قصة أثر
3- سميرة موسي
4- طريق النور
5- زراعة الفضاء
6- جنود لانعرفها
7 الحضارة العربية و العالم
8- حكمة قاض

ودروس النحو تدرس تفصيليا مثلما درستها بالجامعة :

1- المنادى كاملا + نداء ما فيه ال
2- البدل بأنواعه الثلاثة فقط
3- المدح والذم وفاعل نعم وبئس وحبذا ولاحبذا وحالات التقديم والتأخير أيضا واردة بالكتاب
4- الممنوع من الصرف من أول صيغة منتهي الجموع لحد مثنى وثلاث ورباع بالتفصيل تماما وغير مقرر اعرابه
ودى آخر مشاركة لي علي هذا المنتدي وشكرا لمن أحسن الرد وألف شكر لمن أساء الرد

[omar-2]

جزاك الله خيرا
وألف شكر
يا أخي لا تحزن
فقد أخطأت أنت أيضا فلو كتبت المنهج منذ أول الأول لانتهى كل شيء
وجزاك الله مرة أخرى