مدرس على اول الطريق و عايز المشورة

[medo442]

السلام عليكم
انا بالصدفة عرفت ان فى منتدى للمدرسين و اتمنى انى ان شاء الله اجد النصيحة و المشورة

انا مدرس لغة انجليزية و كنت اتعينت السنة اللى فاتت فى مدرسة تجريبى لغات فى القاهرة بعقد ، و نوع العقد دا اسمو "عقد داخلى" و مرتبى باخدو من فائض الكتب اللى اولياء الامو بيدفعو مع مصاريف السنة الدراسية. و العقد دا بيتجدد كل سنة، و طبعا مرتبى 250 جنيه. فهل انا كدة ماشى صح فى حياتى العملية ولا المفروش اعمل ايه؟ مع العلم انا دفعة كلية التربية 2010. ياريت يا حضرات الاساتذة الافاضل تشورو عليا امشى ازاى فى سكة الشغل...ناس كتير حذرونى من الشغل فى المدارس الخاصة و بيقولو الحكومة احسن...وانا بعقدى دا اعتبر غير معترف بيا فى الوزارة عشان عقدى اسمو عقد داخلى تبع المدرسة.
انا بعتذر على الاطالة و اتمنى ان شاء الله انى اجد من يساعدنى

[medo442]

حوالى 30 واحد شافو استفسارى ولا واحد يرد؟!!!
مهو لو بسأل فى حاجة صعبة كان ماشى، انما دا منتدى "مدرسين" و المفترد ان اعضائو "مدرسين" يعنى اكيد عندهم اجابة لسؤالى عشان غالبا اول متخرجو مرو بنفس اللى بمر انا بيه دلوئتى. و انا بستشير حد مر بالمرحلة اللى انا فيها دلوئتى. و طبعا اى "مدرس" او "مدرسة" هنا اكييييد مرو بالمرحلة اللى انا فيها دلوئتى، مرحلة ما بعد التخرج.فليه محدش عايز يساعدنى بالمشورة و النصيحة؟؟؟!!!

[ابوجنا2]

أولا :
على ما اعتقد أن العمل بالمدارس الخاصة يكون بعقد ويتم التصديق عليه من اداراة التعليم الخاص بالمديرية التابع لها ويكون ايضا مؤمنا عليك " هذا هو العقد القانونى الذى يتيح لك العمل فى اطار قانونى سليم وحتى لا تصبح عرضة لأى مشاكل .
ثانيا :
انا اعمل فى مدرسة تجريبية للغات وعلى ما اعتقد وممكن اقولك متأكد ان المدارس التجريبية للغات تابعة لوزارة التربية والتعليم والعمل بها يكون بالتعاقد الحكومى مثل كل التعاقدات ولا يوجد ما يسمى بالعقد الداخلى .
ثالثا والأهم :
اعتقد اخى الكريم ان العمل مهما طال بالمدارس الخاصة لا يستمر لذلك فنصيحتى لك بالبحث عن عقد فى وزارة التربية والتعليم حتى يتسنى لك التعيين مثل باقى زملائك وبعد
ذلك قم بعمل اعارة داخلية والله الموفق .