|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
19-02-2011, 03:45 PM
|
||||
|
||||
بعض المواصفات المستقبلية لرئيس الجمهورية
بعض المواصفات المستقبلية لرئيس الجمهورية  حيث إن الشعب يريد تعديل الدستور واختيار رئيس الجمهورية فالشعب عايز واحد (رئيس جمهورية) بالمواصفات الآتية أولا :المواصفات الجسمانية 1- شكله ما يكونش يقطع الخميرة من البيت يعني - صوتة حنين زي صوت العندليب الأسمر أوقريب الشبه شويه من صوت عبد المطلب - عنيه تكون سودة ومنيله بنيلة وأهم حاجة ما تكونش معمصة من كتر النوم - شعره مايكونش أكرت عشان ما يستخدمش سشوار ويستهلك كهرباء كتير ولو أصلع خالص يبقي خير وبركة والباروكات علي قفا من يشيل - لونه يكون قمحي لون نيلك يامصر ومايكونش أبيض كالح زي أبو قردان ولا غامق زي سود الغربان - مايكونش طويل و( مش عارف إيه ) ولا قصير و( أبصر إيه ) - ماكونش تخين ولا رفيع زي لوريل أو هاردي - ما تكونش شحمة ودنه مخرومة عشان ما يركبش فيها حلق ويتشبه بالنساء حتي لا يختلط الأمر علي الشعب فلا يعرف هل هو رئيس أو رئيسة ملحوظة :رئيسة مؤنث رئيس وليس أسم واحدة وألا يضع في رقبتة سلسلة عشان ماحدش يسحبه منها زي لامو آخذة .... كمل أنت بمعرفتك ثانيا :الشهادات والأفكار الأيدولوجية 2- أن يكون من أب مصري وأم مصرية وان تكون هذه المادة قالبة للتعديل مستقبلا نظرا لزيادة الجالية الصينية 3- ليس شرطا أن يكون حاصلا علي الدكتوراه سواء كانت حقيقية أو فخرية سواء من أي جامعة مصرية أو خاصة أو أهلية أو أجنبية ويكتفي بأن يكون حاصلا شهادة إتمام الدراسة الإلزامية من المدارس الحكومية ويمكن له الحصول علي أي دكتوراه بالمصروفات ومن مال الشعب وفي أي تخصص شريطة أن تكون من جامعة أو أكاديمية أهلية وتكون لسه ما خرَّجتش أي دفعة 4- أن يكون صاحب نظرية حديثة طبعا غير نظريه مندل اللي بيقول فيها أن الرئيس أصله بتاع 5- ألا يكون من أصحاب الأجندات أو الكشاكيل أو الكراسات لأن الطلبة عندهم الملايين منها ثالثا :الحالة الاجتماعية 6- ألا يكون من أصاب المعاشات عشان أنا مش ناوي أترشح واحنا في عصر ثورة الشباب 7- أن يكون لديه بطاقة تموين سارية المفعول ومش مهم بطاقة انتخاب أو حتي بطاقة شخصية رقم قومي 8- ألا يكون قد سبق له الحصول علي رخصة قيادة بالواسطة وإنه بيعرف يسوق كويس عشان ما يلبسش في أول عامود يقابله 9- أن تكون سيارته علي الأكثر 128 ومعمول لها عمرة صاج ومدهونة بوهية بيضا ومش مهم موديل سنة كام لأنها ما تفرقش المهم تكون باسمه حتي يدفع المخالفات من جيبه الخاص إذا كانت له جيوب ومازال حيا 10- ألا يكون من أصحاب المدارس الخاصة لأنهم بقوا اليومين دول أكتر من الهم علي القلب واللي كل واحد منهم يجيب له شقة ويقلبها مدرسة والوزارة تبص له وهيه فاتحة بقها ومبحلقه عنيها وتبتسم في سذاجة وبلا مبالاة ( أنا عارف إن بعض الزملاء حايستنوني لحد ما أبعد شوية عن المنطقة يتاعتي عشان ماحدش يحوش عني ) 11- ألا يكون من أعضاء مجلس الشعب الحلوين وخاصة السابقين لاننا مش عارفين اللاحقين 12- الا يكون قد سبق له التجنيد عشان ما تبقاش البلد ميرى وعلي رأي الشعب كفاية اللي شافوه من العسكر 13- الا يكون قد سبق الحصول علي شقة من مشروع ابني عشتك قصدي إخرب بيتك بإيدك معلش آسف اسمه ابني بيتك بإيدك من فروع الأشجار والخشب المسوس عشان تغيظ أحمد عز 14- أن يكون نقيا بريئا والا يكون قد سبق له الزواج لا شرعا ولا عرفيا ولا عاكس أي واحدة قبل كده ولا بصبص يمين أو شمال وإنه ما فيش واحدة استغلت سذاجته وضحكت عليه حتى يختار له الشعب زوجة صالحة من ناشطات الثورة أو أي واحدة بنت حلال تعمل ناشطة وتحط علي أكتافها كوفية مخططة بأحمر زى بتاعة أخونا شلبي كل دا بعد ما يكون كوِّن نفسه ويشوف له شقة صغيرة علي قده لأن الدولة ما عندهاش شقق ولكن طبعا عندها قصور قصور ( إفهمها زي ماتفهمها ) 15- الا يكون قد سبق له دخول القسم واتختم علي قفاه حتي لا ينعكس ذلك سلبا علي المجتمع 16- ....................فاضي لما يُستجد مستقبلا ولمن يريد أن يضيف 17 - تطبيقا لنص المادة التي تقول : الشعب هو مصدر السلطات الشعب يريد شاب حليوة ابن حلال تنطبق عليه بعض هذه المواصفات المستقبلية لرئيس الجمهورية ينشر علي حبل غسيل في عز الظهر حتي ينشف الجرح قصدي ينشف الغسيل ولا ينشف ريقنا توقيع
اللجنة المكونة من - العياذ بالله من كلمة أنا - كباية شاي سكر خفيف - فنجان قهوة عا الريحة - جهاز حاسوب ونت - نظاره عايزة كشف نظر جديد -عشا خفيف لم أتناوله بعد وعشان ما حدش يقول دي كوابيس
__________________
 |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 12:55 AM.
