الوحدة الثالثة مش وقتهاااااااااااااا حديوصل صوتي للوزارة

[queen84]

الوحدة الثالثة في منهج العلوم لسنة 6 مش وقتها دلوقتي خااااااالص
لأنه مديله عناصر وجزيئات ومركبات وهو عمره ماشرحله قبل كده الفرق بين العنصر والجزئ والمركب
يعني مثلاO2 العيل يقول ازاي يعني O2 ويقوله داخل في مركبات وهو ماقالش قبل كده يعني ايه مركبات
وجايبله طريقة التحضير وثاني أكسيد المنجنيز وفوق أكسيد الهيدروجين اسماء صعبة بالنسبة له ومش فاهم جت ازاي
الكلام ده احنا اخذناه في اعدادي وكانت المعادلة بتسهل الموضوع وطبعا عمرنا ماهنجبلهم سيرة المعادلة
ويقوله متعادل التأثير على دوار الشمس وهو عمره ماشرحله يعني ايه دوار الشمس وإيه خصائصه المنهج القديم كان شارح كل ده
لكن الجديد ناطط والعيل مش مستوعب هو قصده ايه وبضطر اشرح سبعين حاجة مش عليه علشان افهمه اللي عليه
ده منهج ده ولا حتى في تناسق في عرض الدروس بالنسبة للأخذه السنين اللي فاتت
ده انا لما خلصت الدرس ده حسيت اني في عركه وطبعاCO2وN2هيكون بنفس النظام والله حرام عليهم
لازم يراعوا القاعدة العلمية الموجودة عند الطالب ويكمله عليها
الولاد مش مستوعبة مع انهم أذكياء وشاطرين بس كده حراااااااام
نفسي اعرف مين ماسك منهج العلوم في ابتدائي
وقولولي انتم كمان ايه رأيكم وايه المشاكل اللي واجهتكم في الوحدة دي

[الاستاذ22]

بضطر اشرح سبعين حاجة مش عليه علشان افهمه اللي عليه
صح كلامك تمام و أنا قلت اللى وضع مناهج الابتدائى قال فى نفسه انا عايز التلميذ يعرف الغلاف الجوى ( مثلا ) بدأ يكتب وكل ماتخطر على باله معلومة يكتبها مجهود مشكور بس للأسف بعد كده لم ينظر لما كتب أخذ ما كتبه ( بعبله ) وكان ده المنهج

[Hisham_physics]

كلامك مظبوط ١٠٠ % يا أستاذ المناهج الجديدة وحشة جدا و واضع توزيع المناهج بيحط مواضيع المنهج دون أي إهتمام بالنظر إلى ما سبق دراسته
فالمواضيع بتتكرر من السنوات السابقة و بتضاف المعلومات بطريقة عشوائية
إنت عارف المناهج القديمة أرحم على الأقل كان فيها ترابط بين المعلومات
لكن هتقول لمين ؟؟؟
وداعا للعلوم و للعلماء لأن خلاص الطلبة معدتش فاهمة حاجة وكل طلبة الثانوي بقت بتدخل أدبي

[mak2007]

كتر خييييييييييييييييييييير ولادنا فى التعليم

[Mr.Abdallah Habashy]

الوحده دي فهلا ملهاش اي لزمه في المنهج جايه كده غلاسه وخلاص

العيال بيصعبوا عليا جدا لما بسالهم سؤال عن الوحده وبيتهتهوا في الاجابه لان الاسم مش عارف يقوله ولا حتى عارف يكتبه

بجد الوحده دي ملهاش اي لزمه واللي حاططها جاب كام معلومه من كذا حته حاططهم على بعض

احنا على العموم نعمل اللي علينا ونسيب الباقي على ربنا هو اللي شايفنا وعالم بحالنا

ومنقولش غير حسبنا الله ونعم الوكيل

[معاذ احمد يوسف]

حاجة بجد تقرف منهم لله

[اسلام صبرى عبد الرحيم]

بالظبط
كلامك صح مية المية
انا لما جيت اقرا الكتاب اول ما وصل عشان اعرف انا هاخد ايه السنة دى
الكتلة والوزن .. اسهل م الماية
الطاقة الحرارية .. زى الكتلة والوزن
بعديها نطيت على الاجهزة .. وحدة لذيذة
جيت اشوف الغلاف الجوى .. نعم ؟؟ عايز ايه ؟؟ ايه o2 ده ؟؟ وايه الجزئ وايه المركب ده ؟؟

يعنى بصراحة زى ما حضرتك قلت .. الوحدة مش وقتها
وبعدين السنة اللى فاتت كان قال توزيع الغلاف الجوى واتكلم شوية عن الاكسجين وثانى اكسيد الكربون .. كان المفروض قبليها يشرح الجزئ والمركب والكلام ده وميدينيش الغلاف الجوى السنين اللى فاتت وييجى السنة دى يديلى الغلاف الجوى على بعضه من غير ما ينسى حاجة بس هقول ايه .. حسبنا الله ونعمة الوكيل
وربنا ع الظالم والمفترى

[nononm]

الوحده دي فهلا ملهاش اي لزمه في المنهج جايه كده غلاسه وخلاص
حاجة بجد تقرف منهم لله

[أبوزكريا حمدى]

فعلا كل كلامكم صحيح
المناهج الجديدة بعد التطوير
كلها مناهج ترقيع

يعني اقطع من هنا ورقع من هناك ولزق هنا وقص هناك

[الجامد قوى99]

ممكن فى زحمه القرف من الوحده دى حد يقولنا على موقع لاجراء التجارب عمليا
ولا ينشر طريقه عمل التجارب دى عملى
علشان حتى اللى مش بيشوف التجربه زى ولادنا فى المعمل
( طلبه امتحانات السفاره)
يقدر يفهمها لان حضراتكم عارفين ان التجربه بتضيف بعد تانى للمعلومه غير مجرد القراءه
وشكرا لكل من يرد على

[مستر/ابراهيم عباس]

الله المستعان الله يكون فى عون اولادنا بيقاسوا والله بس الواحد عازرهم

[دره الرحمن]

صح كلامك الدرس مليان تجارب وحاجات محتاجه شرح دا غير اللى جاى النيتروجين وثانى اكسيد الكربون