انتبه ! أخطاء شائعة جدا عن بعض المصلين

mohamed_oweis · #1 26-07-2006, 03:09 PM

1انتبه أخى المسلم إلى تلك الأخطاء الشائعة التى يقع فيها أغلبنا فى الصلاة
1. الصلاة بملابس النوم (( البيجامات ((والثياب الضيقه (( البنطلون الضيق ((

2. إرخاء الإزار في الصلاة (( إسبال الثياب أسفل الكعبين ((

3. اتخاذ الرجل مكانا معينا في المسجد لا يصلي إلا فيه

4. زيادة لفظ (( حقا (( بعد ان يقول المؤذن في آخر إقامة الصلاة (( لا إاله إلا الله ((

5. الجهر بالنية للصلاة

6. قول كثير من الناس إذا كبر الإمام تكبيرة الإحرام ((سمعنا وأطعنا ((

7. عدم تحريك اللسان في التكبير وقراءة القرأن وسائر أذكار الصلاة

8. وضع اليدين على السره والصحيح وضعها على الصدر

9. ترك دعاء الاستفتاح بعد التكبيرة والاستعاذة قبل قراءة الفاتحة

10. ترك رفع اليدين عند تكبيرة الإحرام والركوع والاعتدال منه وعند الوقوف من التشهد الأول

11. اعتاد بعض الناس على ان يرفع صوته بتكبيره الإحرام وهذا خطأ

12. رفع الصوت بقراءة القرآن والأذكار أثناء الصلاة

13. عدم إقامة الصلب في الركوع والسجود والقيام والجلوس

14. بعض المصلين يجول ببصره أثناء الصلاة فتارة ينظر إلى موضع القدم وتارة أمامه وتارة إلى جنبه وتارة يرفع رأسه والسنه ان ينظر المصلي الى موضع السجود

15. كثرة الحركة في الصلاة مثل العبث في الأنف او حك الرأس او تعديل الغترة وغيرها

16. نقر الصلاة والاسراع في ادائها وعدم الطمانينه في الركوع والإعتدال منه والسجود والجلوس بعد السجود

17. مسابقة الإمام في الصلاة فمثلا يركع او يسجد او يقوم قبل الامام او مع الامام او يتأخر كثيرا عن الامام

18. بعض الناس اذا رأى المصلين في أثناء الركوع اسرع في مشيه حتى يدرك الركوع

19. بعض الناس اذا دخل والامام راكع تنحنح أو قال (( إن الله مع الصابرين ((

20. اذا جاء المصلي والأمام راكع فإنه يكبر تكبيرة الإحرام وهو منحني إلى الركوع والواجب عليه ان يكبر وهو قائم غير منحني الظهر

21. انتظار الإمام ان كان ساجدا حتى يرفع او جالسا حتى يقوم وعدم الدخول معه في الصلاه إلا اذا كان قائما او راكعا

22. يلاحظ على بعض المصلين أنه اذا رفع من الركوع رفع يديه على هيئة الدعاء والسنة ان يرفع يديه الى حذو منكبيه او الى اطراف اذنيه

23. زيادة لفظ (( والشكر ((عند قولهم ((ربنا ولك الحمد((عند الاعتدال من الركوع

24. البسمله وقراءة الفاتحة أثناء الاعتدال للركعه التاليه والصحيح هو بعد الاعتدال

25. زياده لفظ (( سيدنا ((في التشهد او في الصلاة على الرسول صلى الله عليه وسلم

26. ان يقوم المسبوق لقضاء مافاته من الصلاة قبل ان يكمل الامام تسليمه (( التسليمتين ((

27. هز الرأس في اثناء السلام من الصلاة ((رفع الرأس ثم خفضه ((

28. مصافحه المصلي لمن يجلس بجانبه عقب الصلاة وقول (( تقبل الله((او ((حرمـــا((

29. إنتظار المصلين للمؤذن في صلاة الجمعه حتى ينهي الاذان الثاني ثم يصلون . والاولى عليهم ان يصلوا ركعتي تحيه المسجد فور دخولهم المسجد ولا ينتظرون إنتهاء الاذان

30. رفع المصلين ايديهم للدعاء عند جلوس الامام بين الخطبتين في صلاة الجمعه

31. رفع المصليين ايديهم تأمينا (( آمين ((عند دعاء الإمام في خطبه الجمعه

32. مسح الوجه بعد الدعاء

33. رفع اليدين والدعاء بعد الصلاة الفريضة

34. تشبيك الأصابع. وقد نهى الرسول صلى الله عليه وسلم تشبيك الأصابع من بعد الوضوء وحتى الانتهاء من الصلاة

35. عدم التراص في الصفوف و ترك الفرج بين المصلين .

36. عدم تمكين الأعضاء السبعة، ورفع القدمين، خاصة عند السجود. أو جعل إحداهما على الأخرى .

37. إتيان المسجد بعد أكل الثوم والبصل .

38. تغميض العينين .

39. اعتقاد أفضلية الوقوف عند قول المؤذن " قد قامت الصلاة ".

40. عدم كظم التثاؤب وتغطية الفم .

41. التمايل في الصلاة .

42. قول : " سبحان من لا يسهو " ، في سجود السهو .

43. عدم أداء تحية المسجد .

44. تقبيل المصحف

المرجع/ كتاب القول المبين في أخطاء المصلين

لمؤلفه/ مشهور حسين سلمان

راجعه : الشيخ إبراهيم الأنصاري
__________________

basmala · #2 25-07-2007, 12:28 AM

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

2. إرخاء الإزار في الصلاة (( إسبال الثياب أسفل الكعبين (([/b]

يعنى ايه كلمه الازار

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

8. وضع اليدين على السره والصحيح وضعها على الصدر[/b]

بس العلماء اختلفوا فى الموضوع ده

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

11. اعتاد بعض الناس على ان يرفع صوته بتكبيره الإحرام وهذا خطأ[/b]

خطأ ليه دى بتتعمل من الشيوخ

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

13. عدم إقامة الصلب في الركوع والسجود والقيام والجلوس[/b]

يعنى ايه اقامه الصلب

basmala · #3 25-07-2007, 12:32 AM

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

25. زياده لفظ (( سيدنا ((في التشهد او في الصلاة على الرسول صلى الله عليه وسلم[/b]

طيب ايه المشكله

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

28. مصافحه المصلي لمن يجلس بجانبه عقب الصلاة وقول (( تقبل الله((او ((حرمـــا(([/b]

اه برده ايه المشكله

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

31. رفع المصليين ايديهم تأمينا (( آمين ((عند دعاء الإمام في خطبه الجمعه[/b]

بتحصل فى الحرم نفسه

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

32. مسح الوجه بعد الدعاء[/b]

ايه الغلط فى كده برده شيوخ كتير بتعملها
<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

33. رفع اليدين والدعاء بعد الصلاة الفريضة[/b]

؟؟
<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

41. التمايل في الصلاة .[/b]

مش فاهمه تمايل ازاى

<div class='quotetop'>إقتباس(mohamed_oweis @ Jul 26 2006, 04:09 PM) [snapback]168902[/snapback]</div>

اقتباس:

44. تقبيل المصحف[/b]

ده حسنى مبارك نفسه بيقبل المصحف

جزاك الله خير محمد عويس على الموضوع ..بس انا كان ليا شويه الاستفسرات اللى فوق ...وجزاك الله خير مره تانيه

Angel90 · #4 25-07-2007, 12:38 AM

جزاك الله خيرا على الموضوع

JuMpO · #5 25-07-2007, 02:09 AM

<div class='quotetop'>إقتباس(mohamed_oweis @ Jul 26 2006, 03:09 PM) [snapback]168902[/snapback]</div>

اقتباس:

2. إرخاء الإزار في الصلاة (( إسبال الثياب أسفل الكعبين ((

كنت بعملها وبحاول ابطلها
12. رفع الصوت بقراءة القرآن والأذكار أثناء الصلاة

لأ تقريبا لازم تقرى بصوت بحيث اللي جنبك يسمع (قرأن) الا لو كنت في جماعة فأنا معرفش

13. عدم إقامة الصلب في الركوع والسجود والقيام والجلوس

يعني ايه اقامة الصلب

14. بعض المصلين يجول ببصره أثناء الصلاة فتارة ينظر إلى موضع القدم وتارة أمامه وتارة إلى جنبه وتارة يرفع رأسه والسنه ان ينظر المصلي الى موضع السجود

بتحصل بس بيقى صعب اني ابطلها
بس المفروض النظر محل السجود صح؟؟

15. كثرة الحركة في الصلاة مثل العبث في الأنف او حك الرأس او تعديل الغترة وغيرها

مش بلبس غترة
بس الحك ده مش بأيدي :D

17. مسابقة الإمام في الصلاة فمثلا يركع او يسجد او يقوم قبل الامام او مع الامام او يتأخر كثيرا عن الامام

ده اهبل اللي يعمل كده

20. اذا جاء المصلي والأمام راكع فإنه يكبر تكبيرة الإحرام وهو منحني إلى الركوع والواجب عليه ان يكبر وهو قائم غير منحني الظهر

بشوف ناس كتيرة بتعملها وخصوصا السعوديين أغبية في الصلاة

21. انتظار الإمام ان كان ساجدا حتى يرفع او جالسا حتى يقوم وعدم الدخول معه في الصلاه إلا اذا كان قائما او راكعا

دي جديدة هحاول اعملها
طب لو كان في الركعة الأخيرة أعمل ايه ؟؟؟؟

25. زياده لفظ (( سيدنا ((في التشهد او في الصلاة على الرسول صلى الله عليه وسلم

ايه المشكلة في دي
ما احنا بنقول (لا اله الا الله ) (سيدنا محمد رسول الله)

28. مصافحه المصلي لمن يجلس بجانبه عقب الصلاة وقول (( تقبل الله((او ((حرمـــا((

دي في مصر بس بيحصل الكلام ده
بس انا مش بعرف أكسفه

31. رفع المصليين ايديهم تأمينا (( آمين ((عند دعاء الإمام في خطبه الجمعه

الرسول كان بيرفع ايده لغاية ما يبان ابطيه

32. مسح الوجه بعد الدعاء

ايه الغلط اللي فيها دي

33. رفع اليدين والدعاء بعد الصلاة الفريضة

ده غلط ازاي معنى كده ان كل الأدعية مش مستجابة

34. تشبيك الأصابع. وقد نهى الرسول صلى الله عليه وسلم تشبيك الأصابع من بعد الوضوء وحتى الانتهاء من الصلاة

ايه اللي هيحصل بعد ما أشبكهم في بعض عايز اعرف فعلا

36. عدم تمكين الأعضاء السبعة، ورفع القدمين، خاصة عند السجود. أو جعل إحداهما على الأخرى .

ايه هما السبعة
الركبتين والرجلين والأيدين والأنف والأورة

38. تغميض العينين .

ممكن يكون نوع من انواع الخشوع الله اعلم

40. عدم كظم التثاؤب وتغطية الفم .

يعني أكتمها ولا لأ مش عارف
افتح بقي زي البلوعة

44. تقبيل المصحف

نوع من انواع حب المصحف ولا ايه[/b]

بجد الموضوع حلو اوي بس يا ريت سرعة الرد

ومن يتق الله · #6 25-07-2007, 01:21 PM

جزاك الله خيراً
Thank you very much

dodo34342000 · #7 08-08-2007, 09:51 PM

شكرا علي المعلومات المهمة دي

QueeNo · #8 18-08-2007, 02:20 AM

جزاك الله خيرا على الموضوع

بس يا ريت تتأكد من انها صحيحة و تكون انتا الي جايبها بنفسك من المرجع الي بتقول عليه مش موضوع منقول

و عموما يا ريت يا جماعة بالذات المعلومات الدينية ناخد بالنا من صحتها اوووووي

و ربنا يهدينا جميعا

mohamed_oweis · #9 19-08-2007, 11:57 PM

السلام عليكم ورحمة الله وبركاته
آسف على التأخر في الرد بس المنتدى مكنش شغال معايا و انا بصراحة مش عارف الموضوع دة طلع منين و لا إية اللي جابه في القسم دة بس خير
basmala
1-الإزرار إسبال الثياب أسفل الكعبين ( يعني الهدوم طويلة لدرجة انها طايلة الأرض ) بس انا اعتقد الموضوع دة خاص بالرجال يفضل تسألي شيخ
2- وضع اليدين انا سمعته من معظم الشيوخ على الصدر ...بس موضوع الأختلاف دة أنا بصراحة معرفهوش
3- رفع الصوت بيتعمل من الشيوخ بس لانهم بيكونوا هم الإمام..المقوله المشهورة اللي بيقولها معظم الأئمة قبيل الصلاة ( التكبير في السر عدا الإمام و النية محلها القلب )
4-
إقامة الصلب يعني استقامة الظهر ..يعني المصلي يقوم من الركوع و قبل و ما يستقر في الوقوف يقوم ساجد ( بيسموها الإطمئنان في الصلاة )
basmala المشاركة التانية
1- المشكلة أن التشاهد الصحيح الوارد عن الرسول صلى الله عليه و سلم مفهوش كلمة ( سيدنا )
2- المصافحة ..ناس بتعتقد انها سنة لكنها مش سنة لكن طبعا لو حد مد ايده اكيد هنسلم عليه
3- رفع المصلين أيديهم تامينا دي انا بصراحة بعملها و بشوفها بتتعمل في كل حتة وانا مش عارف برده هل هي بدعو ة لا اية ..الله أعلم ( وكذلك مسح الوجه بعد الدعاء و اللي بعدها ) ان شاء الله احاول اسأل حد فيهم
4- التمايل ..مش عارف اشرحها ازاي يعني المصلي يتحرك قدام وورا و هو بيصلي و دي بتحصل كتير عند الأئمة أو المنفرد في صلاة جهرية و السنة السكون في الصلاة و الله أعلم
5- حسني مبارك بيقبل المصحف !بس أنا سمعت أنها بدعة ! ...(مش فاهم يعني اية حسني نفسه بيقبل المصحف؟؟!! )
__________________________________________________ _________
وجزاكم بمثله بسملة و متاسف فعلا على التأخير في الرد
__________________________________________________ __________________________________
jumpo
1-بالنسبة للرفع الصوت ..الكلام للمأموم ..وانا كنت بعملها و بعد كدة مصلي جنبي قالي ان الرسول عليه الصلاة و السلام نهى عن كدة و ذكر حديث من سنن ابن ماجه تقريبا ..المهم أن الكلام دة للمأموم مش الامام
2-إقامة الصلب يعني استقامة الظهر والمطلوب إن المصلي يطمئن واقفا بعد الركوع ( يعني ياخد ثانية مثلا واقف تماما )
3-النظر محل السجود صحيح ودة من اهم دواعي الخشوع
4- موضوع انتظار الامام لو في الركعة الاخيرة انا سمعت انه في خلاف بين المذاهب لان في ناس بتقول أن صلاة الجماعة لا تحسب إلا بركعة تامة مع الامام و ناس بتقول طالما أدرك الإمام قبل التسليم له أجر الجماعة..اسال فيها شيخ دي..الله أعلم
5- بالنسبة للفظ سيدنا شهادة الإسلام ( أشهد ان لا إله إلا الله و اشهد ان محمدا رسول الله ) و في الأذان مذلك لفظ سيدنا غير وارد في السنة و دي انا سمعتها كتير ( على فكرة الموضوع دة كان مثبت و كان فيه كذا رد و خلافات في الموضوع دة ( سيدنا ) و كان في دروس و محاضرات ) انا مش عارف إيه اللي جرا جاب الموضوع هنا و الردود اللي وضحت موضوع كلمة (سيدنا ) راحت فين ع عموم هشوفها )
6-تغمييض العينين ..الأصل في الصلاة أن عينيك مفتحة إلا لو كان في قدامك ما يشغلك برؤيته عن الخشوع في الصلاة
7- عدم كظم التثاؤب انا بصراحة مش فاهم سؤالك لو متعرفش تكتمها حط أيديك على بؤك لان ناس كتير بتتاوب و هي فتحا بؤها على الآخر !
شكرا جمبو على المرور و انت هتعذرني على التاخير مقابل أني اعذرك على طول الرد :D
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
lenit و( ومن يتق الله يجعل له مخرجا ) .. و ( dodo )
جزاكم الله خيرا..وشكرا للمرور الكريم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
queeno
لا الموضوع منقول زي ما هو كدة ( بس انا غيرت الأسم )...أنا لما حد بيستفسر برد في إطار معلوماتي و الله أعلم
وبالنسبة للمرجع فالعهدة على الراوي و الله أعلم

mohamed_oweis · #10 20-08-2007, 01:14 PM

تم العثور على الموضوع الأصلي
http://www.thanwya.com/forums/index.php?sh...c=13713&hl=

M I D O · #11 21-08-2007, 12:20 PM

معظمها مش صحيح يا فندم

mohamed_oweis · #12 24-08-2007, 12:11 PM

طيب قولنا الصحيح أفادكم الله