طريقة لحل مشاكل الشعر

[ayooosh]

<div align="center">الوصفة دي للي عاوزة شعرها يطول و ينعم وكمان بتعالج الشعر من التقصف وجفاف الشعر

ولها من الفوائد الكثير والكثير

والسبب اني بضيف لها كل اللي ممكن يفيد الشعر

وهاقول لكم فايدة كل إضافة

ومحتويات الماسك كالتالي

1- موزة

2- بيضة او اكثر حسب طول شعرك(طبعا معروف ان البروتين اللي موجود في البيض وخصوصا الصفار مفيد جدا للشعر الجاف)

3- زيت جوز هند (وهو من افضل الزيوت للشعر الجاف انا شخصيا بجربه من سنين)

4- زيت ذرة(يعرف زيت الذرة بأنه اقدر زيت علي اختراق ساق الشعرة وبالتالي يخفف جفاف الشعر بس صعب استعماله بانتطام لدهونته ورائحته)

5- زيت زيتون (فائدته في تقوية الشعر معروفه منذ الأزل ولذلك يفضل لذوات الشعر الجاف استعمال الشامبوهات التي تحتوي عليه أو علي البيض، واستخداماته في مستحضرات

التجميل غير معدودة، واهمها بالنسبة لي ماسك للوجه لعلاج جميع عيوب البشرة، ممكن ابقي اقوله لكم بعدين لو تحبوا)

. 6- ملعقة عسل نحل(غني عن القول فوائد العسل )

7- زيت خروع (ودا العلاج الاكيد لمنع تساقط الشعر وبيزيد طوله كمان ولذلك يستخدم لدهان الرموش يوميا كل مساء فتصبح طويلة وغزيرة ولامعة ،وأيضا لدهان الاطافر

لتقويتها ومنع تكسرها).

8- ملعقة قهوة(لعلاج تقصفات اطراف الشعر)

9- ملعقتين زبادي (بيطري الشعر ويساعد علي اطالته وتقويته،ويمكن ان تحصلي علي نتائج رائعة لزيادة طول الشعر وتطريته إذا دلكتي به فروة الرأس قبل كل غسيل بنصف

ساعة أو اكثر )

10- ثمرة افوكادو (دا مفيد جدا جدا للشعر لأنة الفاكهة الوحيدة اللي معظم تكوينها دهون واستعماله بانتظام ينعم الشعر ويطيله)

بالنسبة لكمية الزيت فهو حسب طول شعرك وممكن تضيفي كل الزيوت اللي عندك ولو معلقة من كل نوع،

الزيوت الطبيعية كلها مفيدة للشعر ، وبالذات لما تتخلط معا

وما تزودوش الزيوت قوي عشان كل ما بقي الخليط سايل

بيبقي سهل سقوطه من الشعر وممكن يضايقك

أما عن بقية المكونات فزي ما قلت كلها مفية للشعر وممكن تستغني عن بعضها إذا لم يوجد

انتم عارفين صعب مع طول الشعر عمل ماسك كل اسبوع

طريقة الاستعمال


ضعي المحتوايات كلها في الخلاط واخلطيها جيدا

والآن تصبح جاهزة للاستعمال

يفضل استخدامها فورا لكن لو الكمية كانت كبيرة

احفظيها في الفريزر ويمكن استخدامها فيما بعد

ضعيها علي فروة الراس وعلي خصلات الشعر تماما مثل الحنة

اتركيها علي شعرك مدة كافية(من4 إلي 8 ساعات)

غطي شعرك ببونيه الحمام او بكيس وبعد ذلك اشفيه بالماء الفاتر ويفضل ماء مضاف له ماء ورد

ولا افضل غسل الشعر بالشامبو فورا

يستخدم هذا الماسك مرة كل اسبوع

ممكن إضافة التوم للخليط للي تستحمل ريحته لانه يحتوي علي مضادات حيوية تقتل الفطريات المسببة للقشر

وتعطي لبصيلات الشعر قوة وتساعد علي طول الشعر بشكل ملاااااااااااااااااااااحظ،

مع انه يعمل علي تساقط الشعر الضعيف في بداية استخدامه لينمو بدلا منه شعر قوي وصحي،بس مش بيوقع الشعر كله ما تخافوش

اخيرا أتمني تجربوا الخلطة دي وابقوا عرفوني النتيجة
سلاااااااااااااام يا احلى بناتيت :D </div>

[The Happy Angel]

الموضوع جميل اوي انا هجرب الموضوع دا بجد انا شعري طويل بس مش اوي كدا بس انا عادي يعني بشتري توك بس بشتريهم غامقين

المهم انا هجرب بس انتي عملتي الموضوع بصيغه للبنت ليه هو حد قالك ان الاولاد قرع كلهم

وصحيح انتي جربتي الموضوع دا ولا بتفتي

اوعي شعري يبوظ يا شيخه حرااااام عليكي