لو سمحتم يااخوانى استفسار صغنن بعد اذن حضارتكم

[Eslam Esso]

السلام عليكم ورحمه الله
اخوكم اسلام ... استفسار بعد اذنكم وبالله عليكم لمن يعرف يفيدنى او يوصلنى بحد يفيدنى على ال هاقوله ده
... انا رابعه تجاره القاهره السنه دى الحمدلله هاتخرج يعنى السنه دى ... كنت ثانوى علمى رياضه محلفنيش الحظ اخش هندسه فدخلت تجاره والحمدلله ... عاوز اكمل بعد تجاره دراسه لمعهد فنى صناعى سنتين ( سواء كان معهد الصحافه او معهد المطريه او المساحه ) .. السنه ال خلصت فيها ثانوى عام مجموعى كان جايب كل المعاهد دى لانى جايب 85 % اياميها .. السؤال بقى ياترا ينفع اخش بعد تجاره بورق ثانوى عام علمى رياضه اى معهد من دول والتحق بدراسته زى اى طالب عادى وربنا يكرمنى منه واكمل واحقق حلمى ال موفقتش فى تحقيقه من ثانوى او انى دخلت المعهد قبل تجاره .. ياترا ينفع اخش بعد متخرج السنه دى ولا لا ؟؟؟ بالله عليكم محتاج ردكم ضرورى
.. اخوكم فى الله اسلام

[a7mad3ali]

ماشاء الله
بصراحه انا بيعجبني جدا الناس اللي عندها طموح
انا عن نفسي معرفش الاجابه بصراحه
بس هحاول اسالك ان شاء الله
وان شاء الله برده يكون فيه ناس تعرف ايه النظام ويجاوبوا عليك بسرعه قبل ما انا اسال

[Eslam Esso]

شكرا يااستاذ احمد وبجد الله يخليك ارجو الرد من حضارتكم او اى شخص عنده خلفيه بخصوص الموضوع ده انا اها سايبها على ربنا ومش مستعجل بس يهمنى اوى اعرف من دلوقتى .. وجزاك الله كل خير

[abdelRhman772007]

حضرتك أقصر لك تدخل فى سكة كورسات الاتصالات أو الآى تى مثلاً

و لنقل سيكسو و ميكروسوفت

المميزات هتشتغل مهندس اتصالات بدون أدنى اختلاف

و على فكرة ناس كتير من تجارة بالذات بيشتغلوا فى المجال ده

و لما بتيجى تشتغل أو تسافر بره مصر بيبقى الشرط شهادة جامعية + شوية شهادات سيسكو و ميكروسوفت

على الأقل واحدة أو اتنين

أنصحك نصيحة أخوية لو غاوى شغل الهندسة تدخل فى السكة ده

حاول تبحث شوية على النت فى الحكاية ده و الميزة هنا إن مدة الدراسة تعتمد على العزيمة

ممكن شهر اتنين تلاتة بس المتوسط سنة و تكون فى المجال ده مستريح


بالتوفيق يا هندسة

[المحب لله]

انا بتهيالى انو من حقك عادى انك بعد ما تخلص كليتك تخش اى كليه تانيه فى ناس هندسه وبيكملوا مثلا يخشوا فنيه عسكريه ويبقى ظابط مهندس وفى ناس معها اداب وتجاره

[Eslam Esso]

روحت الشؤن بتاعت طلبه معهد الصحافه قالولى مينفعشى عشان تيجى هنا بعد تجاره خش 3 سنين ثانوى عام تانى وابقى تعالى هههههههههههههههه .. صراحه ضحكت جدا وقالولى ده يتفع مع بتوع ثانوى صنايع بس عام لا وفضلو يتنكو كده على اساس انى بقولهم هاجيلكم من اسرائيل ده انا بقولهم تجاره وجامعه القاهره كمان محسيسنى انى والله ولا ليا اى لزمه وانهم مهندسن بالجامعه الامريكيه ... تحيــــــــــــــــــــــــــــــــــــــــــــا مصــــــــــــــــــــــــر فعلا ام الدنيــــــــــــــــــــــــــا

[abdelRhman772007]

يا عم اسلك فى حوارات سيسكو صدقنى