والله العظيم كارثة لو كان كلامه صحيح ويبقى بانت لبتها

[boudy1983]

كشف د. أحمد درويش وزير التنمية الادارية ان قصور اجهزة وزارة التعليم ادي الي الفجوة التي تسببت في وقف تعيين المعلمين وارجع الوزيرذلك إلي عدم التزام إدارات شئون العاملين بوزارة التربية و التعليم بتقديم الأعداد الحقيقية للمعلمين المتعاقدين وقت إقرار الكادر الجديد حيث التزمت التنمية الادارية بتثبيت المدرسين المتعاقدين و بالفعل تم تثبيت 80 ألف معلم ثم فوجئت الوزارة بطلبات لتثبيت 40 ألف آخرين بعضهم من خريجي عام 2008 بما يعني أنهم وقت إقرار القانون لم يكونوا قد حصلوا علي مؤهلاتهم الدراسية و بالتالي لم تكن لديهم عقود مؤقتة و ليس لهم حق في التثبيت.

و أضاف درويش أن الوزارة بدأت في توخي الحرص بعد "دس" أسماء لمدرسين متعاملين بالحصة بدون عقد وسط جداول المتعاقدين ،و قال :أطمئن أبناءنا من المعلمين المؤقتين بأنه لن يتم الاستغناء عن أي منهم فهم "أحسن فئة في مصر". ولكننا سنحاسب إدارات شئون العاملين التي أرسلت أعدادا مغلوطة.

وشدد الوزير علي أن تثبيت المعلم المساعد ليس مسئولية وزارة التنمية الادارية وحدها اذ يضم الكادر هؤلاء المدرسين لافتا إلي أن القانون حدد طريقة واضحة و لتثبيت المعلم المساعد و هي الحصول علي مؤهل تربوي و إجتياز الامتحان الذي تضعه الأكاديمية ليتم بعدها الترقية وفقا لحكم القانون و يحصل علي درجة معلم و هي درجة وظيفية لا تحتاج إلي قرار من التنمية الادارية و لا لدرجة.

وفي سياق آخرشهدت واقعة دهس أتوبيس مدرسة الزهراء الخاصة بالإسكندرية للتلميذ محمد ناصر عبدالرءوف تطورا جديدا، حيث تقدم أولياء أمور التلاميذ بالمدرسة بشكوي جماعية إلي الدكتور أحمد زكي بدر وزير التعليم ضد إدارة المدرسة بعدم وجود فناء للمدرسة.

إلي ذلك بدأت نيابة قسم أول الرمل التحقيق في واقعة وفاة التلميذ محمد ناصر، حيث استمعت النيابة لأقوال والد التلميذ الذي اتهم إدارة المدرسة بالإهمال مما أدي إلي مصرع نجله.

ومن ناحية أخري تغيب أمس 500 تلميذ بمدرسة العديسات الابتدائية بالأقصر احتجاجا علي نقلهم إلي مدرسة علي العديسي التي تبعد 2 كيلو متر عن محال إقامتهم وذلك لتطوير مدرستهم.

وفي سياق آخر أصيب أمس 55 تلميذا بمجمع مدارس الريانية الابتدائي بحالات تسمم بعد تناولهم «بسكويت» فاسدًا من الوجبة المدرسية في المجمع.

http://www.rosaonline.net/Daily/News.asp?id=88242


انتو اخدين بالكم من الجملة باللون الاحمر يعنى مفيش تثبيت على درجة مالية يعنى احنا زى ما احنا معلم مساعد بدون درجة وبردو هنترقو ونبقو معلم بردو من غير درجة هى دى اللعبة اللى كانت متوقعة

[أ/محمد على عاشور]

اولا : الموضوع مكرر
ثانيا : الكلام دة كله مشكوك فى صحته انا شخصيا مش مصدقه (هما فين 80 الف اللى اتثبتوا دول)
ثالثا: يقصد لدرجة مالية خالية وفارغة لان المتعاقد على اغلب الاقوال على الثالثة او معمول حسابه ياخدها
(لو رجعت للكادر ومستوياته هتلاقى المعلم امامه الدرجة الثالثة) يقصد كمان انه مش هيدينا لادرجات ولا قرارات تعيين احنا مش تبعه احنا لينا قانون خاص درجات من التنظيم والادارة
رابعا : لاتقلق قال تثبيت بصراحة
خامسا : حرام عليكم والله الياس والبحث عن اخطاء وزلات الكلام ونشرها
والله مش عارف انتم مش عاوزين تصدقوا لية ومش عاوزنا نفرح ليه

[المفاجئة]

لانة نحن مجرد ترقية فقط لا نحتاج درجة من معلم مساعد الى معلم ومعلم مساعد موضوعة ضمن السلم الوظيفى اذن ترقية فقط نحتاجها

[المفاجئة]

بارك الله فيك استاذ محمد لانة فى هذة اللحظات نحتاج من يقوينا ويببث فينا الامل والتفاءل وليس العكس

[عبدالمجيد الصباغ]

المشكلة ان اى واحد فاهم ولا مش فاهم وما اكثر هم فى هذا المنتدى بيقول اى كلام فى كلام كبير ما ينفعش فى هذا المكان

[طاهر الشاعر]

العقد لا يرقي انا المثبت يرقي

[ابوكريم2]

والله انا زهقت من ام التربيه والتعليم شكلى هسيب العقد والبلد واسافرر يمكن ارتاح فى بلد تانى تقدر معنى ان اضيع عمرى كله تعليم ابتدائى واعدادى وثانوى وكلية ودراسات عليا لكن فى بلدى كل ده ولا ليه لازمه حسبى الله ونعم الوكيل وحسبى الله ونعم الوكيل كمان فى وزير الاعلام اللى قفل القنوات الدينية المصرية والسلام ختام

[ربيع عيد]

يا خبر بفلوس بكرة يكون ببلاش بس يا رب ميكنش غلط علشان الواحد ممكن يتجنن من كتر التفكير انا جتلى فرصة سفر للخارج ورفضتها علشان خايف اسافر وربنا ميوفقنيش فى لسفر الاقى نفسى راجع قاعد فى الشارع بندب حظى واغنى اغنية لا عنب اليمن ولا بلح الشام ولا العقد كله راح كله ضاع كله اتكسر يا جماعة انا حدعى أمنوا على الدعاء (اللهم ثبت اقدامنا فى هذه الوزارة وارزقنا الثبات فى اماكنا ومدارسنا ووظيفتنا اللهم اهدىء درويش وبدر ونظيف لما فيه صالحنا اللهم لا يمر شهر نوفمبر الا والفرحة تملأ قلوب كل المتعقدين قصدى المتعاقدين وادخل البهجة الى قلوبنا وحبب فينا زملائنا وزميلاتنا وارضى عن آبآنا وامهاتنا ) الله آمين اخيكم ربيع عيد مدرس دراسات فاقوس شرقية

[مصطفى محمد ص]

الكل بيقول الوزير دة ميعرفش حاجة عشان بيقول كلام مظبوط لكن لو قال التثبيت بكرة للمعلم المساعد كلكم فى نفس واحد دا وزير عشرة على عشرة وفاهم شغلة
ياجماعة هل يعقل أكون متعاقد على الباب الأول من ست سنوات وأحرم من دخول الكادر ويتم إتاحة الفرصة لغيرى أحدث منى فى التعاقد والتخرج والتقدير بسبب إن له واسطة فى المديرية أو الإدارة ياجماعة والله لو حد فيكم مكان المتعاقدين دول لكان رأيكم إختلف
والله حرام

[منار على]

هههههههههههههههههه

ماهى باينه من زمان بس لاحد عايز يصدق ولا حد واخد باله

اصل احنا بنحب نعيش فى الوهم عشان نقدر نكمل

[m_nagib_2010]

جزاكم الله خيرا

[خادم المسلمين1]

المشاركة الأصلية كتبت بواسطة ابوكريم2

والله انا زهقت من ام التربيه والتعليم شكلى هسيب العقد والبلد واسافرر يمكن ارتاح فى بلد تانى تقدر معنى ان اضيع عمرى كله تعليم ابتدائى واعدادى وثانوى وكلية ودراسات عليا لكن فى بلدى كل ده ولا ليه لازمه حسبى الله ونعم الوكيل وحسبى الله ونعم الوكيل كمان فى وزير الاعلام اللى قفل القنوات الدينية المصرية والسلام ختام

استنى



خلى بالك يا مصرى برة فيه اوحش من كدة


مش هنسيب بلدا ابدا


مهما حصل

[خادم المسلمين1]

المشاركة الأصلية كتبت بواسطة منار على

هههههههههههههههههه

ماهى باينه من زمان بس لاحد عايز يصدق ولا حد واخد باله

اصل احنا بنحب نعيش فى الوهم عشان نقدر نكمل

احترم الناس اللى فاهمة وعايشة بوا قعية


العقل هنا فى هذا الامر

لا يصدق الا ما هو كائن

[علاء خليفه]

مش عارف ليه البعض عايز يصعب الكلام علي نفسه ويفسر الكلام بشكل صعب عليه ذي الطالب الي جيله سؤال سهل ومش مصدق نفسه ويفضل يفكر في السؤال لحد مالوقت يعدي عليه . الراجل بيقول سبب تأخير التثبيت نقوم احنا بفكرنا العالي نفضل نفكر في كلامه لحد منصدق انه بيلعب بينا في المفردات
حرام علينا كده خلينا نستبشر خير ان شاء الله

[M:Sayed Moftah]

ألاستاذ الدكتور أحمد ذكى بدر
أعتقد أن كلامه واضح تماماً فى قرار التعيين وأن سبب التأخير هو ماقاله صراحةً عن أن هناك تزوير وأخطاء هى التى عطلت التعيين كلام صادق والله أعلم .