|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
18-07-2012, 06:57 PM
|
||||
|
||||
محتاجه رايكوا في مجموعي !!
السلام عليكم ورحمة الله وبركاته
انا طالبه في كنت في تانيه ثانوي السنادي وطبعا لسه النتيجه ظهره امبارح بعد طوول انتظار !! وانا كنت معشمه بصراحه في مجموع كويسه ميقلش عن 96 ونص حتى لان الامتحانات زي الكيميا والانجلش جت وحشه بجد وكانت الصدمه اني الاقي مجموعي 94.2 يعني بجد مجموع يكاد يغمن عليا منو اساسا انا كان حلم عمررري اني البس بلطو ابيض وادخل صيدله بجد حباها جدا وحبه الاحياء جدا جدا لكن بجد مجموعي ده صدمني انا معترفه ان الواحد نام كتير وضيع وقت كتير واستهزأ بالسنه بصراحه لكن انا مش عارفه اعمل اييييه ؟؟؟ ماما فقدت الامل وقالتلي خلاص مش قدامي الا علمي رياضه عشان يدوبك ان شديتي حيلك تدخلي هندسه وانا مش حسه اني هنفع في رياضه 2 خالص حساها عايزه مخ الولاد والدماغ الرايقه والذكيه وانا طبيعتي بتوتر ومش ليا في الجو ده وفي نفس الوقت انا لو دخلت احياء وشديتي حيلي خايفه لفي الاخر اتحدف في علوم يبقى انا كده بقى ضعت بجد لان فعلا علوم ملهاش مستقبل ..... عايزه رايكو بجد وان كان حد عندو تجربه شبيهه بجد قولولي من غير مجامله او خوف عليا من الاحباط انا عايزه الراي بصراحه وميرسي ليكو |
|
#2
18-07-2012, 11:14 PM
|
||||
|
||||
أولا السلام عليكم ورحمة الله وبركاته ، ثانيا ألف مبروك على النجاح ، الخطوة الى جاية هى انك تحاولى انك مضيعيش الانجاز الى وصلتيلو ، هنا انتى قدامك اما علمى علوم او رياضة ، ومظنيش من خلال كلامك انك عاوزة تدخلى ادبى ، بس تعالى نحسبها بالعقل لو انتى شديت حيلك ، وحاولتى تتعلمى من أخطائك ومتستهزئيش باى حاجة ، فممكن السنة الجاية باذن الله وبدون مقاطعة تجيبى مثلا 97 % ، يعنى كدة تجيبى 96.5 % بالمستوى الرفيع ، و هنا فى احتمال انك تدخلى مثلا صيدلة او علاج طبيعى أو بيطرى أو أسنان ،بس دا فى الآخر معتمد على الله ثم مكتب التنسيق يعنى لو زادت المجاميع ممكن متحصليش كلية طبية ، فهنا انتى لازم تقررى مع نفسك الطريق الى هتختاريها و مش لازم تضيعى كل حاجة لمجرد فرصة نفسك بتوهمك انها الوحيدة و مفيش غيرها ، طب انا رأيى ان هندسة حلوة جدا ومجالتها واسعة وبعدين فرصتك فيها أكبر ، و لو انتى حابة العلوم و مش ميالة للرياضة ، ممكن تكملى علمى علوم و تشدى حيلك اوى فى المذاكرة تموتى نفسك فى المذاكرة ، و تشوفى بعد كدة التنسيق ممكن يعمل معاكى ايه .
طب انتى عارفة انا ابن عمى زيك كدة كان علمى وشاطر جدا المهم هو كان نفسه موت يدخل كليات قمة بس التنسيق جابلو علوم المهم هو دخل علوم قسم جيوفيزيا ، بعد ما اتخرج مفيش يادوب علطول اطلب بالاسم فى شركة بترول كبيرة وهو حاليا بيقبض آلاف كتيرة ، من غير أر و الله . هههههههه . يعنى عاوز اقولك بلاش تبيقى سطحية وتبصى على الأمور من برة ، فى حاجات ممكن تكون أحسن حاجة لينا و هى قدمنا و مش عاوزنها ، فلازم تدورى اكتر وبلاش تاخدى الحاجة من اسمها محدش عارف الخير فين ولا زم تستغلى كل الامكانيات المتاحة ليكى عشان تحققى حلمك ، والضربة الى متموتش تقويك . أنا طولت عليكى و عندى كام موقف كدة حصلوا مع أصحابى كنماذج نجاح ، لو عاوزة احكيلك أنا مستعد بس المهم انك تنوى انك تفكرى بايجابية وردى على كلامى و هنبقى نتقابل فى شكل محادثة على النت ، عشان يكون توارد الخواطر بشكل اسرع و المشاركة أول بأول ، و أتمنى لك النجاح والتفوق و للأمام دائما .   :slap1q k6: |
|
#3
18-07-2012, 11:34 PM
|
|||
|
|||
الاول سلام عليكم
ثانيا مبروك علي النجاح انا عايزة اقولك انا في صيدلة وكان ليه صاحبتى جابت 94 في سنة تانيه وفي تالتة مجموعها بقي 98.4 ودخلت طب يعنى الحمد لله في تالتة قفلت المواد ومع المستوى مجموعها اترفع جدااااا كملي علمى علوم واجتهدى وشدى حيلك وباذن الله خير ومستنياكى معايه في صيدلة واى استفسار تحت امرك
__________________
دقات قلب المرء قائلة له ......... ان الحياة دقائق وثوانى. فارفع لنفسك بعد موتك ذكرها...... فالذكر للانسان عمر ثانى. |
|
#4
19-07-2012, 02:25 AM
|
||||
|
||||
اقتباس:
اولا بشكر حضرتك جدا على اهتمامك وردك لاني بجد دلوقتي محتاجه جدا لاي نصيحه
 ثانيا انت بتقولي لو شديت حيلي على الاخر وجيبت 96 ونص احتمال ادخل صيدله انا شايفه اني بردو اكيد مش هدخل صيدله بالمجموع ده لان حوليا مجاميع عاليه بصراحه وحسه احتمال كبير هيجي التنسيق عالي ... وبعدين انا شايفه اني لو شديت حيلي اقدر اجيب 98 لكن المشكله في الحوليا كمان محدش مقتنع بكده وكولو بيقولي مستحيييييييييل ولايمكن وهتضيعي نفسك وهيبقى اخرك علوم  ... مش عايزه اقولك لدرجة والدتي بتفكر تسال في موضوع اعادة السنه عشان احسن بتقولي انتي لو سقطتي كان ارحم  وكل مقولهم ده فلان كان جايب كذا في تانيه ومشاء الله جاب كذا ودخل صيدله يقولولي يا ماما ده تلاقي كان عندو ظروف في تانيه ومكنتشي دي طبيعتو يعني بجد مشاء الله الاحباط حوليا من كل جهه .. وبعدين انا مش سطحيه ولا حاجه انا ببص للواقع الي حوليا بجد كتير جدا دخلوا علوم وقعدوا في البيت وانا معتقدشي اني هطيق البس بلطو ابيض في علوم وانا كان نفسي اشيلو في كليه تانيه .... هي اوك في الاول وفي الاخر غلطتي اني استهبلت السنادي بس اعمل اييييه ؟؟؟ وحتى مفيش تشجيع عشان بجد اظهر قدراتي واخدها جد .. وبعدين حضرتك بتقولي اصحابك كان عندهم نماذج نجاح انا اكيد عايزه اعرف اي حاله مشابهه ليا كانت نهايتها ايييه انا محتاجه اي خيط امل بجد موقفي صعب وانا دلوقتي مش عارفه اخد قرار في اي حاجه ومش عارفه احجز دروس لو عند حضرتك اي حاجه تفيدني كتجارب او كده ياريت تقولها .. وحابه اعرف ازاي مجموع السنتين اعرف اجيب منهم المجموع انهائي عشان انا بعملها بطريقه حساها غلط حبتين |
|
#5
19-07-2012, 02:29 AM
|
||||
|
||||
|
اقتباس:
فاطمه ونبي يا فاطمه فهميني عملت كده ازاي ؟؟؟ وهل هي كانت جايبه زيي عشان ظروف حصلتها ولا بردو مجرد انها مخدتشي السنه جد ؟؟ وكانت احياء ولا كيميا في 2 ؟؟ وعملت ايه عشان توصل لكده بجد يا جماعه انا محتاجه استفاضه في الموضوع ده محتاااااااااجه لكل معلومه تفيدني سواء تقربني من اني ادخل علمي علوم او علمي رياضه حولوا تساعدوني وميرسي ليكي جداااااااااا
|
|
#6
19-07-2012, 03:32 AM
|
|||
|
|||
لو سمحتي كملي علمي رياضة لاني كنت في نفس موقفك من خمس سنين كنت دايما الاول علي مدرستي لغاية تانية ثانوي بس انا بقي كنت بذاكر كويس جداااا وجيت قبل امتحان الكيمياء في الكام يوم الي قبلها وجالي دور حمي واتبهدلت جامد والدكتور نصحني مادخلش الامتحان يس انا عاندت ودخلت الكيمياء وتعبت ف الامتحان ونمت ف اللجنة وسيبت الورقة ونقصت 5% بس ف الكيمياء ونص% في باقي المواد وجيبت 94.5% وصممت اني اكمل احياء لان حلمي ادخل طب وكله كان معارض بس كملت باردوا احياء وجيت بعد امتحان العربي والانجليزي والفيزياء لقيت الامتحانات جايه سهلة جدااا والناس كلها طالعة مبسوطة ومقفلة الامتحان خفت جداااا وقررت اني ماادخلشي الاقتصاد والاحصاء والاحياء لان المجاميع كانت عالية جداا في تانية ومع سهوله الامتحانات هتعلي اكتر وانا الي هضيع وفعلا مدخلتش الامتحانات والتنسيق كانت الحد الادني لكليات المجموعة الطبية كان 97.3 واصحابي الي جابوا 97 دخلوا بيطري وتمريض وانا ضيعت سنة وحولت رياضة وكانت اصعب امتحانات ف تاريخ رياضة 2 علي حظي بس لحقت هندسه ولكن دخلت حاسبات ودلوقتي بدور علي اي طريقة اقدر اني اعيد بيها الثانوي تاني سواء في مصر او بره علشان باردوا ادخل الطب لانه طموحي مع اني لسه مخلص كليتي ومناقش مشروع التخرج من يومين
شوفي ده كله بسبب العناد وعدم التعامل مع الامر الواقع بشكل صحيح علشان كده ارجوكي كملي رياضة لان المجموع ده وحش جداا في علمي علوم بس معقول في الرياضة يارب اكون قدرت احكيلك تجربة تفيدك وبالتوفيق |
|
#7
19-07-2012, 04:18 AM
|
||||
|
||||
|
اقتباس:
اها مهو فعلا ده الي اهلي كمان بيقولوه ليا ان الي بيجيب مجموعي ده وناوي يحسن يبقى حصليتلو ظروف وانت فعلا يا عيني ادمرت قبل الكيميا انا مش عارفه انا خايفه اعصر على نفسي لمونه واحاول احب الرياضه معرفشي ... بس انا مستغربه ان حضرتك حتى مش فكرت انك تقفل المواد كلها في تالته زائد المستوى كان في ناس كتير بتجيب في تالته بعد المستوى 100 في الميه ومجموعها بيعلى وبيجيب صيدله ولا حضترك كنت مش بتفكر الا في طب ؟؟ ... عموما شكرا جدا ليك واديني بفكر وبفكر وبفكر
__________________
 هــل سـمـعـتـم يـومــا بـالـحـزن الـراقـي ؟ هو ذاك الحزن الذي يحرق العيون دون دموع .. ويسكن في ايسر الصدر ♥ لايعلم احد بــه .. لان صاحبه لايشكيه ولايبكيه بل يتعايش معه و فيه .. |
|
#8
19-07-2012, 04:23 AM
|
|||
|
|||
|
وعليكم السلام ورحمة الله وبركاته
أنا لو مكانك هختار علمي رياضة أضمن وأسهل في تحصيل المجموع. لكن ليه أتعب أعصابي وأجازف بحاجة ولآخر ممكن مش هلحق؟ وساعتها مش هينفع الندم. ومع ذلك هقول أخويا كان جايب 94.8 في 2 وفي سنة 3 قفل وزاد بالمستوى ويدوب جاب 97% دخل بهم صيدلة والحمد لله. بس كانت أعصابه مشدودة لآخر يوم. فبصراحة أنا لا أحب شد الأعصاب خاصة للبنات. والهندسة مش وحشة. وتقدري تدخلي علمي رياضة وتشدي حيلك برضه ويمكن تلحقي هندسة بترول. صلي استخارة واستشيري أهلك لأنهم برضه أدرى بحكم بخبرتهم. بالتوفيق. |
|
#9
19-07-2012, 04:35 AM
|
||||
|
||||
اقتباس:
شكرا لحضرتك هي شكلها هترسم على كده المشكله ان اختي مهندسه ومش لاقيه شغل  وده عملي قرف من نحية الكليه دي بس اما نشوف اخرتها لان فعلا حتى لو معايا شهاده محترمه وقعده بيتي حساها احسن اما لا يكون معايا شهاده ولا بشتغل على الاقل انا ممكن اضحي واتغرب عشان اشتغل غير اختي ميرسي لحضرتك جدااااااااا
__________________
هــل سـمـعـتـم يـومــا بـالـحـزن الـراقـي ؟ هو ذاك الحزن الذي يحرق العيون دون دموع .. ويسكن في ايسر الصدر ♥ لايعلم احد بــه .. لان صاحبه لايشكيه ولايبكيه بل يتعايش معه و فيه .. |
|
#10
19-07-2012, 04:47 PM
|
|||
|
|||
|
هو الفكره مش اني اقفل المواد كلها الفكره ان الامتحانات سهلة جدااا حتي لو انا كنت عليت كنت هوصل لكام مثلا السنتين علي بعض 97 ولا ليهم لازمة انا والله في ناس في دفعتي دي جابت 97.3 والله في تمريض وبيطري المنصورة وانا طموحي كان ولا زال كلية طب بس انا بالنسبة لي والله اسنان ذي صيدلة ذي بيطري ذي علوم مش فارقة لو ماجتش طب يبقي مااتعلمتش انا بفكر كده ويمكن ده غلط بس الي حصل يعني والحمد لله فاركزي وادخلي علمي رياضة واعملي ذي وادخلي كلية حاسبات انا لحقت هندسة ودخلت حاسبات علي فكره انا مبحبهاشي بس انا خلصتها خلاص وبصراحة هي كلية ظريفة جدااا ع الاقل احسن من الهندسة بكتير عندي وبالنسبة لك بنت صعي تدخلي مدني او كهربا او ميكانيكا والحاجات الرخمة دي فاخليكي في حاسبات وربنا يعوض عليكي ضياع حلمك وبالتوفيق لو احتجتي حاجة اسألي وانا متابع التوبيك
|
|
#11
19-07-2012, 05:59 PM
|
||||
|
||||
اقتباس:
شكرا لحضرتك باذن الله لو احتجت حاجه هسال انا بس دلوقتي الاقليه هي الي عماله تقولي ادخل احياء واجيب مجموع فوق 98 واقفل المستوى يمكن احصل صيدله اقاليم وبعدين احول للمدينه الي انا فيها هو مفيش غير اني اصلي استخاره واخد خطوة وانا متوكله على ربنا وخلاص بقى
__________________
هــل سـمـعـتـم يـومــا بـالـحـزن الـراقـي ؟ هو ذاك الحزن الذي يحرق العيون دون دموع .. ويسكن في ايسر الصدر ♥ لايعلم احد بــه .. لان صاحبه لايشكيه ولايبكيه بل يتعايش معه و فيه .. |
|
#12
19-07-2012, 06:07 PM
|
|||
|
|||
|
استخيري ربنااا ومتضيعيش فرصة الرياضة من ايدك لو حاسة انك ممكن متقدريش تعملي حاجة
انا في اللحظة دي بتمنى اكون اخدت كييمياء عشان افكر في رياضة بدل ما اضيع كل حاجة رغم ان حلم حياتي ادخل اسنان لكن للاسف كان معايا السنادي احياء والحمد لله بقا جبت 96.8 ربنا يسترها معانا كلنا .. ومتنسيش " تستخيري ربنا " .... واعملي اللي قلبك مطمن ليه اكتر ومزعليش اهلك حاولي تقنعيهم بالراحة ...
__________________
حسبي الله ونعم الوكيل ..... وكلتك يارب ... |
|
#13
20-07-2012, 03:13 PM
|
||||
|
||||
|
باذن الله انا استخرت ربنا والي فيه الخير ربنا هيوديني ليه ميرسي لحضرتك
__________________
هــل سـمـعـتـم يـومــا بـالـحـزن الـراقـي ؟ هو ذاك الحزن الذي يحرق العيون دون دموع .. ويسكن في ايسر الصدر ♥ لايعلم احد بــه .. لان صاحبه لايشكيه ولايبكيه بل يتعايش معه و فيه .. |
|
#15
22-07-2012, 08:54 AM
|
|||
|
|||
|
على فكرة رياضة 2 مش صعبة ولاعايز دماغ عالية للدرجادى والمجهود العالى فيها وحل المسائل الكتير يفوق التفكير فلو عايزة تضمنى كملى رياضة ومتخافش من امتحانات الرياضة ان شاءالله السنة لجاية هتيجى سهلة امتحان الرياضة السنادى كانت تصفية مجاميع بس
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:49 PM.
