|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
30-10-2010, 11:01 AM
|
|||
|
|||
الانتخابات فى مصر
الانتخابات فى مصر
حاجة كدا فوق الوصف معجزة العصر وكل عصر كل اللى بيتكلموا ... ويقولوا ان فية تزوير أنا بقولهم ولا كلمة ولا حرف أنتم الا عندكم نقص وأنا من هنا بقول المفروض كل بلاد الدنيا والاخرة يتعلموا ويستفدوا ولو لجزء بسيط ويأخدوا لو نقطة من محيط من النزاهة والشفافية ويتعلموا شوية مننا الحرية هما نسوا اننا مهد الحضارات هما نسوا اننا بلد النيل والحزب الوطنى والاهرمات احنا اللى بندوا دروس للعالم فى الديمقراطية طيب أنا راضى ضميركم شوفتوا اموات بيحضروا انتخابات الا فى مصر علشان تعرفوا اننا ارض الحريات اللى بجد والحرية عندنا تفوق الحد ياريت كل واحد يخلى عند اهلة دم ويعرف ان الحزب هو اللى شايل الهم كل واحد لسانه طويل لازم يتقص الناس دى مش عارفة قيمة مصر لا والغريب ان فية ناس بتطالب برقابة دولية بالذمة دة اسمه كلام هيجوا يرقبوا اية هو احنا ياناس عندنا انتخابات احنا عندنا مسرحية بقالها خمسين سنة بتتعرض على مسرح الدولة والابطال هية هية شوفتوا الصناديق المتعبية بكامل الحرية والديمقراطية وبكل نزاهة وشفافية الا فى مصر من قبل الانتخابات مستنية لحظة الحسم علشان ميبقاش فيه زحمه ووش وغير كدا الانتخابات عندنا لها شكل ولون اصحى للون اوعى تحط فى بالك لو خدت حتى اصوات التمانين مليون اوعى تفكر ان الانتخابات عندنا بأصوات الناخبين الانتخابات عندنا مش محتاجة اكتر من مكالمة تليفون الانتخابات فى العالم بتبقى ما بين اطراف احنا عدينا المرحلة دى خلاص هو طرف واحد وخلاص هو اللى على ايديه الخلاص هما اصحاب البلد انما احنا وجودنا ملوش اساس الشاعر عبد الحميد بدوى 
|
|
#2
29-11-2010, 10:29 PM
|
|||
|
|||
|
الانتخابات فى مصر
معجزة العصر وكل عصر …كل اللى بيتكلموا …… ويقولوا ان فية تزوير أنا بقولهم ولا كلمة ولا حرف أنتم الا عندكم نقص وأنا من هنا بقول المفروض كل بلاد الدنيا والاخرة يتعلموا ويستفدوا ولو لجزء بسيط ويأخدوا لو لنقطة من محيط من النزاهة والشفافية ويتعلموا شوية مننا الحرية هما نسوا اننا مهد الحضارات احنا اللى بندوا دروس للعالم فى الديمقراطية طيب أنا راضى ضميركم شوفتوا اموات بيحضروا فى اى انتخابات الا عندنا هو احنا فيه زينا علشان تعرفوا أن مصر ارض المعجزات وملتقى الحضارات وارض جمال ومبارك صاحب الانجازات اللى اشبه بالمعجزات نعيش لمصر ونموت لمصر ياريت كل واحد يخلى عند اهلة اصل كل واحد لسانه طويل لازم يتقص الناس دى مش عارفة قيمة مصر شوفتوا الصناديق المتعبية بكامل الحرية والديمقراطية وبكل نزاهة وشفافية الا فى مصر من قبل الانتخابات مستنية لحظة الحسم علشان ميبقاش فيه زحمه ووش وغير كدا الانتخابات عندنا لها شكل ولون اصحى للون اوعى تحط فى بالك لو خدت حتى اصوات التمانين مليون اوعى تفكر ان الانتخابات عندنا بأصوات الناخبين الانتخابات عندنا مش محتاجة اكتر من مكالمة تليفون الانتخابات فى العالم بتبقى ما بين اطراف احنا عدينا المرحلة دى خلاص هو طرف واحد وخلاص هو اللى على ايديه الخلاص هما اصحاب البلد انما احنا وجودنا ملوش اساس الغريب الناس بتطالب بمراقبة دولية طيب انا راضى ضميركم هتيجى تراقب اية ولا اية هو احنا عندنا انتخابات احنا عندنا مسرحية ابطالها رجال الدولة اللى بيضحكوا علينا بالديمقراطية احنا عايشين فى كدبة كبيرة قال انتخابات قال احنا عندنا اكبر عملية نصب على الشعب احنا عندنا خيبة قوية احنا عندنا قتل سحل ومسجلين خطر ورشاوى وواسطة محسوبية وربنا يبارك فى البلطجية قولوا معايا ربنا يكرمة حزب الاغلبية هو الامل فى بكرة وبعد بكرة والسنين اللى جاية الفين سلام وتحية لكل البلطجية الفين سلام تحية على الانتخابات اللى فاتت والانتخابات اللى جاية الشاعر عبد الحميد بدوى
|
|
#3
01-12-2010, 07:37 PM
|
||||
|
||||
|
يا سلام
حضرتك عندك حق فعلا هو فيه أعدل من انتخابات مصر بس اعيب على الشاعر قوله الحزب الوطنى لأنه قد تم تطوير الإسم الى الحزب الوثنى ********************** ولا الموضة اليومين دول نفصل الدين عن السياسة الدين مية والسياسة زيت ((دة كلام الحزب الوثنى)) دى ناس بتقول من الآخر كدة احنا مش هنتقى ربنا فيكم يا جماعة فوقو بقى حرام عليكو اتقو الله لو الكلام دة صح لى بقى ربنا نزل التشريعات السياسة فى القرآن أين وشاورهم فى الأمر أين حديث الرسول كلكم راع وكلكم مسئول عن رعيته اين قوانين حدود الله فى الشريعة الاسلامية هو ربنا كان أمر بكدة ووضحلنا وعلمنا ازاى يبقى الحكم السياسى وسنة الرسول عليه افضل الصلاة والسلام الذى هو كان قائد سياسى كان كل دة عشان احنا نقول الدين حاجة والسياسة حاجة عرفتو لى بقى اسمه حزب وثنى اللهم رد المسلمين اى دينك مردا جميلا .. حسبنا الله ونعم الوكيل
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:27 PM.
