طلاب الصف الأول الثانوى

[فلة الصداقة]

السلام عليكم ورحمة الله وبركاته :
يسعدنى أن أقدم لكم اقتراحا متواضعا وان شاء الله نستفيد منه جميعا ، ألا وهو :
تبادل الأسئلة بيننا وذلك كالآتى :
على من يواجه سؤالا يصعب عليه فهمه أو الاجابة عنه أن يكتب السؤال ، ثم ياتى دور باقى الطلاب الكرام فيضع كل منهم الاجابة لهذا السؤال ، ويستطيع صاحب السؤال أن يناقش الاجابة وكذلك باقى الطلاب ، وهكذا نتمكن من مساعدة بعضنا البعض فى الأسئلة الصعبة وان شاء الله نتمكن من التوصل للحلول الأفضل .
وأيضا يسعدنى أن أقدم دعوة خاصة للمعلمين الكرماء بأن يشاركونا بفكرهم المستنير ، وآرائهم الحكيمة ، وأن يشرفوا على اجاباتنا ويبينوا مواطن الضعف والقوة فيها وذلك اذا سمحوا وتفضلوا بذلك طبعا .
وأرجوا من الله أن يكون فصلا دراسيا سعيدا لى ولكم والله الموفق والمستعان ، وشكرا جزيلا .

[فلة الصداقة]

السلام عليكم طلاب الصف الأول الثانوى الكرام :
يبدو ان الفكرة لم تنل اعجابكم ، ولهذا لا اجد اى حماسة لها ، وعلى كل أنا على أمل أن يشترك أى منكم بأسئلة نفكر فى حلها سويا ، وأنا أرحب بكل سؤال يعرض للمناقشة ، وما أجمل العمل الجماعى فى سبيل الوصول الى التفوق وتحديد الغايات .

[سندريلا 4444]

لأ هية فكرتك جميلة اوي بس يا بنتي محدش بيدخل كتير بأيت ادخل مش بلقي اي حد
انا لسة ما بدأتش دروس اول ما يقابلني سؤال صعب هاجي
انا ناوية ادخل كل جمعة بعد المغرب ولو شوية صغيرة

[فلة الصداقة]

[QUOTE=سندريلا 4444;4283840]لأ هية فكرتك جميلة اوي بس يا بنتي محدش بيدخل كتير بأيت ادخل مش بلقي اي حد
انا لسة ما بدأتش دروس اول ما يقابلني سؤال صعب هاجي
انا ناوية ادخل كل جمعة بعد المغرب ولو شوية صغيرة[/QUO

أهلا بيكى صديقتى سندريلا ، بجد اتبسطت أوى ان الفكرة عجبتك ، وفعلا احنا لسة بادئين مذاكرة ، يمكن أنا اللى اتسرعت شوية فى عرض الموضوع ، وعلى كل حال أنا فى الخدمة دايما وأى سؤال مش تترددى أبدا فى عرضه ، وبالتوفيق ليكى يا قمر .

[بسمة فجر]

انها فكره اكثر من رائعه انا اسفه جدا على التأخير فى الرد بس المشكله زى ما قالت صديقتى سندريلا اننا كنا لسه بدأين مذاكره واعدك ان اول سؤال يقف ادامى هحطه
والف شكر على الافكار الرائعه

[فلة الصداقة]

المشاركة الأصلية كتبت بواسطة بسمة فجر

انها فكره اكثر من رائعه انا اسفه جدا على التأخير فى الرد بس المشكله زى ما قالت صديقتى سندريلا اننا كنا لسه بدأين مذاكره واعدك ان اول سؤال يقف ادامى هحطه
والف شكر على الافكار الرائعه

أهلا بصديقتى الرائعة والجميلة بسمة الفجر ، وبجد اتبسطت اوى ان احنا رجعنا تانى نراسل ونناقش بعض فى امور الدراسة اللى مش ورانا غيرها ، وانا منتظرة منك اى سؤال كالعادة يا قمر وربنا يوفقك انتى وكل الأصدقاء .

[مي زيدان]

على فكرة الفكرة دى جميلة جدا وربنا يخللنا امثالك يا فلة بس احنا لسه بنذاكر على جديد

[فلة الصداقة]

الله يخليكى يا مى ، وأنا مبسوطة كتير ان الفكرة عجبتك يا قمر وربنا يوفقك واتشرفت كتير بمعرفتك .

[عبد الرحمن محمد كامل]

هو معلش التوبيك ده للبنات فقط ولا ايه؟؟؟؟؟

[فلة الصداقة]

المشاركة الأصلية كتبت بواسطة عبد الرحمن محمد كامل

هو معلش التوبيك ده للبنات فقط ولا ايه؟؟؟؟؟

أهلا بمشاركتك ، والحقيقة الموضوع ده لجميع طلبة وطالبات الصف الأول الثانوى ، والموضوع بيتيح لك انك تكتب الأسئلة اللى بتواجه صعوبة فى فهمها أو حلها وباقى الأعضاء المشتركين فى الموضوع بيبدأوا يتناقشوا فى الحل عن طريق المشاركات فى الموضوع .

[فلة الصداقة]

السلام عليكم أصدقائى الكرام :
أود أن أودعكم من بوابة الثانوية العامة لمدة شهرين ، على أمل اللقاء بكم بعد هذه المدة أو أقل منها ان شاء الرحمن ، مع تمنياتى للجميع بامتحانات سهلة وراااااااائعة ، وشهادة مفرحة ومرضية ومغمورة بنتائج تفرح الجميع وترضيهم ، وأجازة مليئة بالمتعة والفرح بعد تعب طويل ، ووفقنى الله واياكم ، والسلام عليكم ورحمة الله وبركاته.

[نجمة البحر]

لو سمحتي ممكن سوال هو هيطبق النظام الجديد علي الصف الاول الثانوي الحاليين ولا اية ؟ارجو الاجابة

[فلة الصداقة]

السلام عليكم أصدقائى الأعزاء :
يسعدنى جدا أن أخبركم بأننى لن أضطر الى مغادرة بوابة الثانوية العامة لمدة شهرين ، وانى باذن الله سأظل معكم جميعا وسأحاول بقدر الامكان أن أتلقى أسئلتكم والله الموفق والمستعان .

[فلة الصداقة]

المشاركة الأصلية كتبت بواسطة نجمة البحر

لو سمحتي ممكن سوال هو هيطبق النظام الجديد علي الصف الاول الثانوي الحاليين ولا اية ؟ارجو الاجابة

أهلا بيكى يا نجمة البحر ، بالنسبة لسؤالك ففى الحقيقة انا مازلت بدور على الاجابة ، فى ناس بتقول أيوة وفى ناس بتقول لأ ، بس الأغلبية بيقولوا لأ وان النظام ده هيطبق على اولى ثانوى اللى جاية وده لأن احنا خلاص اتفرض علينا منهجنا الدراسى وكمان اخترنا المجال اللى هندرسه اذا كان أدبى أو علمى ومن الصعب ان احنا نقدر نتأقلم مع النظام الجديد ، ده غير ان لسة مفيش حد عارف ياترى النظام ده فى مصلحة الطالب ولا ضده ، وده كل اللى أنا اعرفه ، وان شاء الله نلاقى الاجابة الأكيدة فى القريب العاجل ، وبالتوفيق .

[فلة الصداقة]

السلام عليكم أصدقااااااااااااائى الكرام :
ألف مبروك على الاجازة السعيدة بعد عناء طويل مع الدراسة وأولى ثانوى ، وان شاء الله اجازة سعيدة وهيا لنلهو :romar ioxp6: