هــــام وعــاجل لمعالى وزير التربية والتعليم : الكمبيوتر الى أين.....

[آدم البرنس]

نرجو من سيادتكم الاهتمام بمادة الكمبيوتر فى المرحلة الاعدادية والثانوية
وعيب قوى لما يكون الكمبيوتر ( لغة العصر ) واللى بنطلب من المعلمين ضرورة الحصول على شهادة icdl يكون عليه ( 20 درجة ) فقط على مدار الترمين ونصفهم ضايع فة الانشطة يعنى المحصلة ( 10 درجات ) يعنى ولا حاجة وعايزين ولادنا يهتموا بالكمبيوتر وينموا عقولهم وهما عارفين ان المادة على الهامش .
أما المرحلة الثانوية للأسف لا يوجد منهج ولا كتاب ( اسف يوجد كتاب بس فاضى ( فارغ) من حيث المحتوى )
ولا يضاف للمجموع يعنى سد خانة
فنرجو من معالى الوزير الذى يسير على خطى التصحيح ( وربنا معاه ويوفقه ) ان معاليه يلقى نظرة على هذا الموضوع ويحاول يرفع درجات الكمبيوتر اكثر من كدة لان ده الوقت اللى لازم نعلم فيه ولادنا الكمبيوتر .
وارجو لكل مدرسى الكمبيوتر أن يشاركونى وتعاونوا معايا فى هذا الموضوع .

اخوكم أحمد ( بنى سويف )

[مصطفى فريج1]

أخى العزيز مادة الكمبيوتر ليس لها معالم واضحة وخصوصا فى المرحلة الثانوية كمان حال معلم الكمبيوتر لا يسر عدو ولا حبيب فين بدل الشاشة او حافز مثل الاخوة اخصائى التطوير يا ناس عالم تشتغل ومتشفش جنية وعالم ليس لها أى دور وتصرف حوافز خاصة بالتطوير فين العدل فين الوزارة فين المبيوتر التعليمى

مدرس كمبيوتر تعليمى ثانوى

[ugd ugd ugd]

سيدي الفاضل في المدارس التجارية مادة الكمبيوتر وجبة دسمة جدا لمن اراد ففي الصف الأول كلما يخص الويندوز حتي الاحتراف وفي الصف الثاني الورد بكل مافيه من خفايا وكذلك حت الاحتراف ويكف لمن اراد ان يحترف هذين المديولين ان يقرا هذين الكتابين لأنه لن يجد كتب خارجية تضارع هذين الكتابينولا أعلم بما سيأتون به بالصف الثالث ولكنه سيكون اكسل وعلي نفس المستوي

[محمد بيولوجى5]

المشاركة الأصلية كتبت بواسطة آدم البرنس

نرجو من سيادتكم الاهتمام بمادة الكمبيوتر فى المرحلة الاعدادية والثانوية

وعيب قوى لما يكون الكمبيوتر ( لغة العصر ) واللى بنطلب من المعلمين ضرورة الحصول على شهادة icdl يكون عليه ( 20 درجة ) فقط على مدار الترمين ونصفهم ضايع فة الانشطة يعنى المحصلة ( 10 درجات ) يعنى ولا حاجة وعايزين ولادنا يهتموا بالكمبيوتر وينموا عقولهم وهما عارفين ان المادة على الهامش .
أما المرحلة الثانوية للأسف لا يوجد منهج ولا كتاب ( اسف يوجد كتاب بس فاضى ( فارغ) من حيث المحتوى )
ولا يضاف للمجموع يعنى سد خانة
فنرجو من معالى الوزير الذى يسير على خطى التصحيح ( وربنا معاه ويوفقه ) ان معاليه يلقى نظرة على هذا الموضوع ويحاول يرفع درجات الكمبيوتر اكثر من كدة لان ده الوقت اللى لازم نعلم فيه ولادنا الكمبيوتر .
وارجو لكل مدرسى الكمبيوتر أن يشاركونى وتعاونوا معايا فى هذا الموضوع .

اخوكم أحمد ( بنى سويف )

كلام ممتاز وانا معاك

[بنفسج]

يا ريت بجد الإهتمام
لإن الطلبة لا يهتموا بالمادة
ناهيك عن ذلك المدرسة وإدارتها فى أول القائمة بالإهمال فى هذه المادة

حيث إنها تضع جدول الحصص الخاص بالحاسب الالى فى آخر اليوم الدراسى
وده إذا كان عاجبك ومفيش تقديم للحصص
فأتمنى من سيادة الوزير الإهتمام بهذه المادة

[kholio_]

كل اللي أقدر أقوله
حسبي الله ونعم الوكيل


انا فيه مدرس قالي مرة "كمبيوتر ايه اللي عايزين يعلموه للعيال هي العيال وأهليهم لاأيين يأكلو"


مع اي العصر كله بتاع التكنولوجييييييييييييييييييييا



انا نفسي يكون فيه كتاب ومنهج وامتحان كويس يعني تطون زي أي مادة مش كمالة عدد


وإلا يشيلوها أحسن من المناهج

وبلاش لعب عيال

[sobhy333]

الكمبيوتر هو الوسيلة المستقبلية الاولى لتعليم جميع المواد الدراسية لذا يجب الاهتمام بها على مستوى المنهج والمعلم والبنية الاساسية من معامل وبرامج ، وانا معلم أول فى المرحلة الابتدائية الماده ليس لها درجات ولا كتاب وتكاد تكون مهمشة لولا اننا نفعل هيبتها ومعلم الكمبيوتر الآن يعانى من الكثير والكثير اهمها قواعد بيانات المعلمين والاحصاء الاستقرارى وتحديث بيانات التلاميذ الذى يفوق فى كل مدرسة الألف ونصف الالف طالب وكل طالب له صفحة بيانات كاملة ناهيك عن قيامه باعمال الصيانه من سوفت وير وعمل الجوست لعدد كبير من الاجهزة كل اسبوع وتركيب ويندوز اذا لزم الامر فى بعض الاحيان ايضا لعدد كبير من الاجهزة وتركيب مضادات الفيروسات وتحديث البرامج بالاضافة الى تدريس مادة الحاسب الآلى بما يعادل 3فترات فى اليوم هذا الرجل يعمل فى صمت والمدهش انه يدون كل كبيرة وصغيره فى برنامج الجوده المدرسية من أوراق وملفات ونشرات وحرق اسطوانات الفيديو لاعمال الصيانه والندوات وخلافه داخل المدرسة ما اجمل هذا المعلم (معلم الحاسب الآلى )

[kholio_]

المشاركة الأصلية كتبت بواسطة sobhy333

الكمبيوتر هو الوسيلة المستقبلية الاولى لتعليم جميع المواد الدراسية لذا يجب الاهتمام بها على مستوى المنهج والمعلم والبنية الاساسية من معامل وبرامج ، وانا معلم أول فى المرحلة الابتدائية الماده ليس لها درجات ولا كتاب وتكاد تكون مهمشة لولا اننا نفعل هيبتها ومعلم الكمبيوتر الآن يعانى من الكثير والكثير اهمها قواعد بيانات المعلمين والاحصاء الاستقرارى وتحديث بيانات التلاميذ الذى يفوق فى كل مدرسة الألف ونصف الالف طالب وكل طالب له صفحة بيانات كاملة ناهيك عن قيامه باعمال الصيانه من سوفت وير وعمل الجوست لعدد كبير من الاجهزة كل اسبوع وتركيب ويندوز اذا لزم الامر فى بعض الاحيان ايضا لعدد كبير من الاجهزة وتركيب مضادات الفيروسات وتحديث البرامج بالاضافة الى تدريس مادة الحاسب الآلى بما يعادل 3فترات فى اليوم هذا الرجل يعمل فى صمت والمدهش انه يدون كل كبيرة وصغيره فى برنامج الجوده المدرسية من أوراق وملفات ونشرات وحرق اسطوانات الفيديو لاعمال الصيانه والندوات وخلافه داخل المدرسة ما اجمل هذا المعلم (معلم الحاسب الآلى )

الله يكون في عون أي مدرس كمبيوتر



يجماعة لازم الوزير يسمعنا بجد

عشان خاطر ولادنا وتلاميذنا اللي في المدارس بيدرسوا المادة زي الالعاب ولا الموسيقي

[awm2005]

قولوا معايا يا رب