هل من حقى وضع امتحانات النقل ؟

[اميمة طه]

انا مدرسة بالتعاقد طبعا......هل من حقى وضع امتحانات النقل؟ وهل من حقى وضع امتحانات الشهور؟
لاننا فى المرحلة الاعدادية المدير يقول المدرس الاساسى ........ وبصراحة المدرس الاساسى بايع القضية ومش همه وكل ما يتكلم يقول انا اللى هاتسال مش انتى ولحد دلوقتى معملناش التقويمات لملف الانجاز
فهل من حقى وضع الامتحانات لهم ولا اسيبه يتصرف براحته

[جارةالوادى]

انا فى ابتدائى وبحطهم كل سنة (تيرم اول وثانى )مع وجود المدرسة الاساسية لانها برضو مكبرة دماغها كما انها تسوية مدرسة فصل يعنى لاتربوية ولامؤهل عالى اصلا يعنى بفضل الله اانا الاحق بده وطبعا اللى يحط النقل يحط الشهر بس الاعدادى مختلف شوية عن الابتدائى انا اعرف ان الموجه هو اللى بيحط امتحان النقل على مستوى الادارة (عندنا فى البحيرة ) يعنى مش مدرس اصلا

[اميمة طه]

الاستاذ المحترم فاكر نفسه دكتور جامعة وبنتخانق باستمرار لو حطيت الامتحان وعديته وهو اصلا بيحط فى الشهور تصوير من ملخص كمان مش بيحطه هو المهم مش ده قصدى قصدى لو حصل وحد جه يتابع مين اللى هيتسال على فصولى انا ولا هو ووقتها هيقول انه المسئول ولا اتصرف من دلوقتى وامتحن التقويمات اللى اصلا المواد التانية مخلصاها من بدرى وع العلم ان امتحانات النقل عندنا تبدا يوم الاربعاء ان شاء المولى

[مدرسة الانجلش]

احنا بنحط الامتحانات عادي جدا

واحنا برده اللي بنصحح

وبنعمل كل حاجة عادي

انا مثلا بالرغم من وجود مدرسة اساسيه في المدرسة

انا اللي ماسكة شغل الجودة بالنسبة لمادة الانجليزي

في المدرسة بالرغم من وجود اتنين غير

عاااااااااادي يعني

وضع طبيعي

[محمدطعيمة]

عادي عندنا في مدرستنا (ابتدائي )
نضع الامتحان نصف وأخر العام كل لمادته

[جارةالوادى]

على فكرة انتى ممكن تحطى التقويم التحريرى لمادتك بتاع ملف الانجاز عادى مفيش اى مشكلةكمان انتى اللى هتتسالى عن مادتك وفصولك مش هو لان امتحانات نصف العام قربت ومفيش درجات اتحطت وده طبعا غلط ويعرضك للمساءلة
فى الاعدادى عاملين لملفات الانجاز عندكم حكاية ومصعبينها على نفسكم مع ان الحكاية عادى وطبيعى جدا فى الابتدائى يمكن لاننا شغالين فيه من الاول وخبرتنا اكبر شويةمنكم

[اميمة طه]

المشكلة عندنا فى مادتنا بس لانه بيدى دروس ودايما عامل انه اللى متحكم فى وضع الماده فى المدرسة رغم والله ان انا اللى متحكمه الفعلية فى كل حاجة مثلا فى ملفات المعمل وفى تحديد الانشطة المطلوبة على مستوى المدرسة وحتى فى التحضيرات اللى هو اصلا بينقلها منى مش عاوزه اقولكم ان الموجه او اى حد بيجى بيسال عنى وانا اللى باروح الدورات وكل حاجة خاصة بالمعمل او بالمادة او عمل الشفافيات او الصور انا اللى عارفاه هو ميعرفش حاجة بس مشكلته انه دايما باحس انه عاوز يثبت دايما انه احسن منى والله الموضوع ده مش فارق معايا بس معاه عامل مشكلة فى الامتحانات دى بالذات

[علي عضاضلي]

كبري دماغك ،،،،

[رامي ابو عاشور]

احنا في ابتدائي هنا في سوهاج بنحط الامتحانات سواء التقويمات الشهرية او نصف العام او اخر العام بنفسنا ( اقصد المتعاقدين ) وكمان ساعات في مدارس تاني تاخد امتحاناتنا من حسن وضعها وجودتها وخلوها من الاخطاء ومطابقتها للمواصفات .
ملاحظة المثبتين معظمهم دبلوم تربوي يعني متعودين علي المناهج القديمة اللي حفظوها صم ولما المناهج اتغيرت ومن ساعتها المدرسين المثبتين متلخبطين ومش عارفين يتعاملوا معها

[بدر البدور وائل]

هل بيتم تكليفك صعب اصدق انما التكليف للمدرس الأول وهو بدوره بيريح دماغه ويقولك اعمليه
هههههههههههههههههههههههههههههههههههههه

[mahmoud20002010]

okkkkkkkkkkkkkkkkkkkkkkkkkkkkkkkkkk

[mashaer_112]

سؤال هو احنا ف الاسكندرية ادارة العامرية الي بنحط امتحانات نصف العام ولا المرحلة والتوجيه

[اميمة طه]

هو حضرتك اعدادى...........اعدادى بيحط الامتحانات بس انا الاستاذ اللى معايا مش استاذ ده اكبر شوية من دكتور الجامعة

[salems]

في المرحلة الإعدادية
مدرس المادة الخاص بالفصول يضع امتحانات الشهور (التقويمات )
ويصححها ويرصدها لأنه المسئول قانونيا
أما امتحان نهاية الفصل الدراسي الأول والثاني يضعه المدرس الأول أو أقدم المعلمين بشرط
ألا يكون مدرسا للصف

[اميمة طه]

خلاص الامتحانات بكره للاعدادى .................... كل سنة وانتم طيببين