اكاديمية المعلمين ببورسعيد

[tatateto]

يا جماعة برجاء الانتباه

انا لسه حالا متصلة بالاكاديمية المهنية للمعلمين وسألتها عن التعيين وتوزيع الرخصة زي الوزير ما قال لكنها متعرفش حاجة وقالتلي ان الموضوع ده تتصلي علي رقم تاني ولما طلبت منها تديني الرقم قالت ماأعرفش
بعدها اتصلت بالرقم الساخن الخاص بالوزارة وسألتها علي تصريحات الوزير الخاصة بتوزيع حوالي 461رخصة في بورسعيد ردت علية وقالت ( انت ايه مشكلتك) لسة شويه علي الموضوع ده ومش عايزة أقول لكم مدى الاستهتار بينا

ما فيش حل غير الاعتصام

ارجو ان اسمع ردكم حالا للاهمية

[محمد حسين الشربينى]

!!!!!!!!!!!!!!!!!!

[علي عضاضلي]

يا ست الكل متتعبيش نفسك.. محش فاااااهم حاجة
احنا هنعيدة من تاني؟!!!!!

[هانى عادل ه]

احنا هنعيدة من تاني؟!!!!! ابقى قابلينى

[الأستاذ سامي المنوفي]

أنا من بورسعيد ارجو الأتصال بي للتنسيق المواقف وده ميلي على الياهو mr_samy4400201

[اميمة طه]

اولا : متبقيش حساسة اووى كده .... معروف ان الوظايف الخدمية غير الوظايف الاكاديمية وان الناس اللى بتبقى شغالة فيها تفتقد للاسلوب وده لكترة تعرضه للمواقف بالاضافة انه ميهمهوش الطريقة على قد ما يهمه توصيل المعلومة باى طريقة

ثانيا: دايما هم اخر ناس بتعرف فهى بتتكلم عن جهل مش عن علم يعنى متقلقيش

ثالثا: وظيفتهم بتعتمد اكتر على الرد ومش على المضمون

اخر حاجة بقا ..... المحافظات اللى ذكر اسماؤهم فى التعيين وزعت على المديريات الاسماء ولما سالت النهارده قالوا لى ان الاسم هيروح الاول الادارة وبعدين على اساس الاسم اللى فى الادارة هتاخدى جواب عشان تروحى تستلمى بيه من الاكاديمية

[العلم صدقة]

يا جماعة زي ماقولنا قبل كدة دي حقن ومسكنات عوزين يهدونة بها لازم يتم الاعتصام السلمي حتي ترجع كرامة المعلم اساس الدولة الي يوم الكرامة 30/1/2011 امام الوزارةالساعة 10 والي يوم الكرامة

[علي عضاضلي]

المشاركة الأصلية كتبت بواسطة اميمة طه

اولا : متبقيش حساسة اووى كده .... معروف ان الوظايف الخدمية غير الوظايف الاكاديمية وان الناس اللى بتبقى شغالة فيها تفتقد للاسلوب وده لكترة تعرضه للمواقف بالاضافة انه ميهمهوش الطريقة على قد ما يهمه توصيل المعلومة باى طريقة

ثانيا: دايما هم اخر ناس بتعرف فهى بتتكلم عن جهل مش عن علم يعنى متقلقيش

ثالثا: وظيفتهم بتعتمد اكتر على الرد ومش على المضمون

اخر حاجة بقا ..... المحافظات اللى ذكر اسماؤهم فى التعيين وزعت على المديريات الاسماء ولما سالت النهارده قالوا لى ان الاسم هيروح الاول الادارة وبعدين على اساس الاسم اللى فى الادارة هتاخدى جواب عشان تروحى تستلمى بيه من الاكاديمية

الاسم هيروح الاول على الادارة ...وبعدين يطلع من الادارة على الاكاديميه ... ومن الاكاديميه على الوزارة ... ومن ... على ....
م الاخر كدة بيقولونا:
ودوخيني يا لمونــــــــه.!!

[مروة المصرية]

حسبى الله ونعم الوكيل فى حكومتنا

[ymash]

تجمع لاعتصام الان في التحرير

[ymash]

لاتلقوا حجرا، لا تشهروا عصا، لا تهتفوا ببذاءة، لا تدعوا لفحاشة، لا تبطشوا بشرطي، لا تحرقوا شيئا، لا تتحرشوا بأحد، لا تروعوا امننا، لا تعطلوا مصالح الناس، لا تكسروا صحيحا، لا تتركوا جريحا، لا تضربوا ضعيفا، لا تعطلوا مسعفا، لا توقفوا مطفئا، لا تغفلوا عن صلاة، لا تهتفوا في اذان، اسئلوا ولا تغلوا، اطلبوا ولا تتمنوا، تجمعوا ...

[عمر العدوى]

فلا بديل عن الاعتصام أو اصدار الوزير قرار التعيين قبل يوم الاحد 30/ 1

[أبوووووعبدالرحمن]

يا عم والله العظيم أنا من كفرالشيخ
ما فيش حاجة من اللي سمعتوها صح
كله كذب في كذب علشان ينيموا الناس
موعدنا بإذن الله الأحد 30/01

[mmagdy_81]

حسبى الله ونعم الوكيل

[فارس الليل]

المشاركة الأصلية كتبت بواسطة ymash

لاتلقوا حجرا، لا تشهروا عصا، لا تهتفوا ببذاءة، لا تدعوا لفحاشة، لا تبطشوا بشرطي، لا تحرقوا شيئا، لا تتحرشوا بأحد، لا تروعوا امننا، لا تعطلوا مصالح الناس، لا تكسروا صحيحا، لا تتركوا جريحا، لا تضربوا ضعيفا، لا تعطلوا مسعفا، لا توقفوا مطفئا، لا تغفلوا عن صلاة، لا تهتفوا في اذان، اسئلوا ولا تغلوا، اطلبوا ولا تتمنوا، تجمعوا ...

خير الكلام ما قل ودل