هام جدا للزائرين والاعضاء قبل اي اعتصام

[المعلم الحزين]

اوجه تحية شكر وحب خالصه لكل اعضاء هذا المنتدي وزواره انا ياجماعه والله العظيم مش مدسوس عليكم ولا حاجه وانا لو مدسوس عليكم ولا جاسوس كنت هكتب الكلام اللي يحظر عضويتي 3 مرات اكيدلا يا جماعه والله العظيم انا زيكم بالظبط اكتر واحد شاعر بالظلم وقلة القيمة واكتر واحد نفسه يصرخ ويقول كفايه عقد مميز اكتر واحد نفسه يقول كفايه انا عايز اعيش انسان مش عايز اعيش شبه مدرس مش عايز اكون مسخ للمدرس انا عارف اني تغيير رايي في الوقت وراه غموض بس صدقوني انتم مش حاسين بالوضع فيه حاجه تاني انا عارف انه يمكن فيه اعضاء كتير دخلو المنتدي بسببي وبسبب ناس تاني وبسبب حماسنا بس اللي حصل اكبر من اي حد يستوعبه انا الوقت من رايي نتخذ وضع الهدوء شوية لحد البلد ما تستقر انصحكم انا مش بهبط حد بس لو خرجنا بكره زي ما الاخوة ما بيقولوا مش هنطول حاجه غير شوية مننا هيموتوا ويخسر حياتهم وشوية هيتم اعتقالهم ومحدش هيلبي طلباتكم صدقوني انا مش مندس عليكم ولا بحبط حد بس واللله والله انتم اخترتم التوقيت الغلط اعتصامكم كان لازم يحصل من زمان بكرة الجمعه مش يوم تلبية طلبات اي حد عشان تكونوا عارفين بكره احتمال البلد تتحول لمجزرة والوقت منمتلكش سوي الدعاء للشرفاء فقط ويا اخواني اللي قريب من قلب الاحداث عارف كلامي مش زييننا احنا اللي بعيدين عن الحدث نفسه فكروا في كلامي وانتم تفهموه كويس وغدا لناظره قريب ومحدش عارف بكره فيه ايه بس فيه حاجه بدات تحصل في مصر واحساسي بيقولي انها مش هتخلص الوقت ابدا
اشكركم لسعة صدركم وتقبلوا اسفي اللي عايز يراسلني خاص انا مستعد للتواصل

[محمدطعيمة]

المشاركة الأصلية كتبت بواسطة معلم مساعد حزين2

اوجه تحية شكر وحب خالصه لكل اعضاء هذا المنتدي وزواره انا ياجماعه والله العظيم مش مدسوس عليكم ولا حاجه وانا لو مدسوس عليكم ولا جاسوس كنت هكتب الكلام اللي يحظر عضويتي 3 مرات اكيدلا يا جماعه والله العظيم انا زيكم بالظبط اكتر واحد شاعر بالظلم وقلة القيمة واكتر واحد نفسه يصرخ ويقول كفايه عقد مميز اكتر واحد نفسه يقول كفايه انا عايز اعيش انسان مش عايز اعيش شبه مدرس مش عايز اكون مسخ للمدرس انا عارف اني تغيير رايي في الوقت وراه غموض بس صدقوني انتم مش حاسين بالوضع فيه حاجه تاني انا عارف انه يمكن فيه اعضاء كتير دخلو المنتدي بسببي وبسبب ناس تاني وبسبب حماسنا بس اللي حصل اكبر من اي حد يستوعبه انا الوقت من رايي نتخذ وضع الهدوء شوية لحد البلد ما تستقر انصحكم انا مش بهبط حد بس لو خرجنا بكره زي ما الاخوة ما بيقولوا مش هنطول حاجه غير شوية مننا هيموتوا ويخسر حياتهم وشوية هيتم اعتقالهم ومحدش هيلبي طلباتكم صدقوني انا مش مندس عليكم ولا بحبط حد بس واللله والله انتم اخترتم التوقيت الغلط اعتصامكم كان لازم يحصل من زمان بكرة الجمعه مش يوم تلبية طلبات اي حد عشان تكونوا عارفين بكره احتمال البلد تتحول لمجزرة والوقت منمتلكش سوي الدعاء للشرفاء فقط ويا اخواني اللي قريب من قلب الاحداث عارف كلامي مش زييننا احنا اللي بعيدين عن الحدث نفسه فكروا في كلامي وانتم تفهموه كويس وغدا لناظره قريب ومحدش عارف بكره فيه ايه بس فيه حاجه بدات تحصل في مصر واحساسي بيقولي انها مش هتخلص الوقت ابدا
اشكركم لسعة صدركم وتقبلوا اسفي اللي عايز يراسلني خاص انا مستعد للتواصل

بارك الله فيك
وأكيد بعد الظروف دي سوف تتغير عقليات كثيرة في طريقة تفكيرها صوبنا ورب ضارة نافعة وحما الله مصر وشعبها

[تامر الفاضل]

أنا موافقك جدا أننا أتاخرنا جداً وإننا كان من المفروض نستغل ظروف تونس مباشرة بس أعتقد أن الأحداث تسارعت بشكل غير متوقع وغير مسبوق وعلى العموم إحنا هنعمل اللى علينا والباقي على ربنا

[أبوووووعبدالرحمن]

إحنا بإذن الله رايحين ويا ريت اللي عنده كلمة يخليها لنفسه

لا تراجع عن الإعتصام موعدنا 30/01/2011

[أبوووووعبدالرحمن]

اللي بيقولوا ارجعوا عن الإعتصام ثلاث أشخاص بس انقلبوا من أقصى اليمين لأقصى الشمال وأظن إنهم في الأول كانوا بيقولوا تصريحات شجاعة علشان الناس تعجب بيهم ويسمعوا كلامهم وفاكرين بعد ده كله إنهم لما يقولوا إرجعوا الناس هتسمع كلامهم وأظن إن ده تخطيط الامن
لا تراجع موعدنا الأحد القادم بإذن الله 30/01

[المعلم الحزين]

لا تعليق لكي الله يامصر ياعم انا قولت اللي عندي وانت اعمل اللي انت عايزه

[saber samy]

لا تراجع موعدنا الأحد القادم بإذن الله 30/1

[Le Samurai]

مبدئيا مين طلب رأيك
مين قالك إن الإعتصام بكرة
الإعتصام 30/1
وبعدين مش عايز تروح أو خايف تروح خلاص خليك في الوحل إحنا رايحين ياننطف ونطفكم معانا يا ننطف منكم
سلام وسلملى ع المشرف

[المعلم الحزين]

ماشي ياعم انا متشكر بس مش زعلان منكم لاني ياما رديت علي المشرفين والاعضاء بطريقه وحشه بس لازم ده يكون جزائي وكما تدين تدان

[أبوووووعبدالرحمن]

لم تعد هناك ثقة في المنتدى نظرآ لوجود الكثير من المندسين بيننا في هذا المنتدى خلوا بالكم من الموضوع ده يا إخواننا ويا ريت اليومين الجايين ما حدش يخش المنتدى ده

[M.Ahmed Elsaid]

اعلم يا اخى الفاضل ان مطالب المعلمين هى جزء من المطالب التى نادى بها الشعب يوم 25 يناير ..
نحن جزء من الشعب ومطالبنا واحدة ..
المتظاهرين نادوا بفرص عمل وتحسين معيشتهم ورفع الاجور .....
اليست هذه مشاكلنا ..

وماذا فعلت الحكومة .. اعتقالات وضرب واهانة .. واعطاء مسكنات للشعب بأن مطالبهم فوق الرؤوس وسوف يتم مناقشتها ..

اعلم جيدا ان الحكومة تعلم كل شئ عن الشعب .. واعلم ايضا ان وزير التربية والتعليم يعلم كل شئ عن المعلمين ..


الحكومة الان ترفض اى اعتصام .. سلمى او غير سلمى .. والدليل ما جرى فى ميدان التحرير منذ يومين ..

رد الوزارة سيكون كالتالى .. سندرس مشاكلكم فى القريب العاجل ونفس الكلام مثل كل مرة ..
او من المحتمل ان تجد جميع الاتجاهات المؤدية للوزارة عبارة عن مدرعات وعربات امن مركزى ..

تم الترتيب ليوم 30 يناير للاعتصام .. ولكن لسوء الحظ قامت المظاهرات يوم 25 اى قبل الميعاد المحدد .. ورأينا جميعا ما حدث للمتظاهرين ..
ارى اننا نستخدم عقولنا فى التفكير وليس قلوبنا .. ولا نندفع الان على اى عمل
ونصبر حتى يتم المراد من المظاهرات الى قامت .. فمن الممكن والله ان نجد كل شئ محلول من عند الله


وفى الاخر لن نرى شئ سوى ما كتبه الله لنا

[eslamic]

اول مرة تتكلم كلام موزون وبعد تفكير
وعلي فكرة انا كنت واحد من اللي اتلطو منك بس مش مهم
احييك علي الكلام الجميل دا

[علي عضاضلي]

كلام كويس ،،،،

[المعلم الحزين]

المشاركة الأصلية كتبت بواسطة eslamic

اول مرة تتكلم كلام موزون وبعد تفكير
وعلي فكرة انا كنت واحد من اللي اتلطو منك بس مش مهم
احييك علي الكلام الجميل دا

يعم معلهش سامحني اذا كنت غلظت فيك والكل يسامحني

[eslamic]

مسامحك طبعا من ساعتها
بس في حاجة الكيبورد القديمة كانت بتكتب الشين سين
والكيبورد الجديدة ربنا مكتر من النقط بتاعتها وبقت بتكتب غلطت غلظت
ههههههههه انا بهذر معاك وان شاء الله هتفرج قريب من غير ولا اعتصام ولا حتي رفع قواضي
بس نقول يا رب