لازم نفهم الصح إيه ؟؟؟؟

[محمد صفوت قرنة عطاالله]

عشان نفهم
بعد خطاب عمر سليمان اللي وضح فيه إن التعديلات الدستورية هتستغرق وقت يستمر أكتر من 70 يوم
ووضح إن الرئيس مبارك مش هيرشح نفسه لا هو ولا جمال ولا أي حد من أفراد الأسرة الحاكمة
وفتحي سرور قال إن أي طعن في عضوية مجلس الشعب هتتم مناقشته
أحب أوضح للناس المعترضة اللي نازلة بكرة كام حاجه :
1- لما حسني مبارك يمشي فجأة هيمسك مكانه حكومة مؤقته لمدة 60 يوم مش من سلطتها حل مجلس الشعب أو تعديل الدستور ، يعني حسني مبارك يعدل الدستور قبل ما يمشي أحسن ما حكومة إنتقاليه تمسك الحكم لمدة 60 يوم وبعدها ياتغير الدستور يا ما تغيروش " الله أعلم " وما أعتقدش إننا هنعمل مظاهرة جديدة ضد حكومة لسه ماسكة الحكم .
مادة(82): إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه، ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشوري أو إقالة الوزارة.

2- النظر في الطعون بيستغرق وقت مايقلش عن 15 يوم وما يزيدش عن 90يوم وعمر سليمان قال 70 يوم
مادة(93): يختص المجلس بالفصل فى صحة عضوية أعضائه وتختص محكمة النقض بالتحقيق فى صحة الطعون المقدمة إلى المجلس بعد إحالتها إليها من رئيسه ويجب إحالة الطعن إلى محكمة النقض خلال خمسة عشر يوما من تاريخ علم المجلس به، ويجب الانتهاء من التحقيق خلال تسعين يوما من تاريخ إحالته إلى محكمة النقض.
وتعرض نتيجة التحقيق والرأى الذى انتهت إليه المحكمة على المجلس للفصل فى صحة الطعن خلال ستين يوما من تاريخ عرض نتيجة التحقيق على المجلس.


3- لو حسني مبارك مشي فجأة .. مين اللي هيمسك مكانه ؟؟؟؟ المفروض حكومة مؤقته برئاسة رئيس مجلس الشعب " اللي هو أصلاً مزور " هنبقي عملنا إيه ؟؟؟


4- لو مبارك مشي فجأة لازم الناس تلاحظ إننا كنا عايشين في تعتيم سياسي وإعلامي لمدة 30 سنة ومحدش فينا عنده أي خلفيه عن الأحزاب ومدى فاعليتها وتأثيرها في البلد ، بمعنى إنك مش هتقدر تميز الكويس من الوحش .


5- لو مبارك مشي بعد 6 شهور زي ما قال / هتكون فرصة حلوة جداً للإنتقال السلمي للسلطة عشان الأحزاب هيكون عندها فرصة تعمل برامج إنتخابيه وتعرضها علي الناس والناس تقدر تختار منهم وتقدر تحلل الكويس من الوحش



أخيراً عايز أوضح للمرة المليون إني لا قابض من الحكومة ولا عميل للخارج زي ما الإخوه المتخلفين بيقولوا
إحنا مش في وقت يسمحلنا نرمي إتهامات متبادله مع بعض
وبالمناسبة عايز أسأل سؤال
الناس اللي بايته في التحرير دي عندها شغل ؟
عندها بيت بتصرف عليه ؟
بياكلوا ويشربوا ويصرفوا علي أهلهم منين ؟
أنا كنت بنزل مظاهرات ونزلت يوم 25 بس لما البلد إتقلبت وحصل حظر تجوال كان عندي بيت وشغل لازم احافظ عليهم عشان أقدر أكمل حياتي وخصوصاً إن مطالبنا إتحققت أصلاً
يبقي لازم أشوف مين من مصلحته إن الرئيس يمشي فجأة كده
إحنا لازم نشوف مصلحة بلدنا فين
وواضح جداااا إن الناس بتدور علي حد تخالفه وتعترض معاه وخلاص
بدليل إنك لو روحت على صفحة كلنا خالد سعيد اللي عمالة تقول للناس إنزلوا مظاهرات هتلاقي الناس كلها معترضة وتقولك بطلوا خراب
ولو جيت علي الصفحات اللي بتقول كفاية مظاهرات هتلاقي الناس كلها معترضة وتقول علينا عملاء وخونة .
في النهاية
ياريت كل واحد يفكر ألف مرة قبل ما يعمل أي حاجه
عشان دي بلدنا وإحنا اللي هنحافظ عليها
وبجد المرة دي اللي هيتمسك في مظاهره أنا أكتر واحد أؤيد إنه ياخد إعدام عشان كده هو بيبوظ البلد بجهله

[محمد حسن ضبعون]

[إلهام صلاح لاشين]

شكرا جزيلا

[اسد السنه]

طبعا كونك تسب اخوانك وتقول عليهم متخلفين ده عيب قوى يامقدم الموضوع
اطالبك بتقديم اعتذار سيبك من اسلوب ظباط البوليس اللى مش بيحترموا حد

[منى عمر عبد العزيز]

ان الاصرار على رحيل مبارك الآن وفوراً يدل على التفاهة وسطحية الفكر لأنه يدلبوضوح على الرغبة فى تقليد تونس فقط ولا يدل على حرص على الوطن الغالى مصر ، وخاصةبعد كم الاصلاح الكبير والتغيرات فى المواقف السياسية التى يعلنها النظام ، وأناأرى ان المستفيد الوحيد مما يجرى الآن هم الاخوان المسلمون وليس أى شخص آخر ، واريدان تنتبهوا الى هؤلاء جيداً لأنهم تابعين لايران وهى التى تدعمهم وتمولهم ، وهميعملون بنظام وتخطيط لاضعاف مصر حتى يستطيعوا التغلغل فيها أكثر ثم الانقضاض عليهاوسيكونوا مستبدين وطغاه الى اقصى درجة وسنندم فى وقت لن ينفع فيه الندم

[إليزابيث]

المشاركة الأصلية كتبت بواسطة منى عمر عبد العزيز

ان الاصرار على رحيل مبارك الآن وفوراً يدل على التفاهة وسطحية الفكر لأنه يدلبوضوح على الرغبة فى تقليد تونس فقط ولا يدل على حرص على الوطن الغالى مصر ، وخاصةبعد كم الاصلاح الكبير والتغيرات فى المواقف السياسية التى يعلنها النظام ، وأناأرى ان المستفيد الوحيد مما يجرى الآن هم الاخوان المسلمون وليس أى شخص آخر ، واريدان تنتبهوا الى هؤلاء جيداً لأنهم تابعين لايران وهى التى تدعمهم وتمولهم ، وهميعملون بنظام وتخطيط لاضعاف مصر حتى يستطيعوا التغلغل فيها أكثر ثم الانقضاض عليهاوسيكونوا مستبدين وطغاه الى اقصى درجة وسنندم فى وقت لن ينفع فيه الندم

أيوه هو تقليد تونس في الصح وكمان ده أكبر دليل على حب مصر واحنا مش لازم نرضى بالقليل لازم ننادي بحقنا كامل و الإصلاح الكبير اللي حضرتك بتقولي عليه كان لازم يحصل من زمان وبدون مناداة من الشباب كان لازم انه يتعمل كواجب للحاكم نحو الرعية اشمعن أوباما عمل كل المطالب ديه هو وغيره من الرؤساء بدون مناداة من حد ولكن حاسس وعارف ان ده واجبه ولو معاملهوش يتشال فيها أما باقي كلام حضرتك فملوش دليل لإن كل الأحزاب عندنا بتحاول تستفيد من الموقف أستاذتي الفاضلة

[سيف سالم]

الجلس سيد قراره
انسى يا عمرو