قصر الرياسة

[عاشق البلانكو الابيض]

قصر الريس هذا الاسبوع
-------------
اولا حالة افراد الاسرة
...----------
ماما سوزي : بتتفرج على برنامج اخر موضة بتاع امينة شلباية
علاء مبارك : بيلعب بلياردو
جمال : حابس نفسه في الأودة بعد استقالته م الحزب الوطني
حسني مبارك : فاتح الفيسبوك
----------
الريس فاتح الفيسبوك و قاعد يكلم نفسه : الله عليك يا واد يا حسني الخطاب الاخير عامل شغل عالي و صوري محطوطة كصورة بروفايل ع الفيس اكتر من صور مصطفى شعبان بعد مسلسل العار , و ربنا انا استاذ و رئيس دولة
هههههههههههه , اما اشوف مين اونلاين م الفريندز عندي كدة .... القذافي , هيلاري كلينتون , احمد عز , اوباما , بن على...لما اكلم اوباما كدة
hosny : hi
obama : die
hosny : L O L..hey nigga whats up ?
obama : **** you
hosny : god forgive u
Your chat message wasn't sent because obama is offline
اه يا واطى تقفل في وشي الخط من غير ما تقولي باى اما اشوف زين العابدين حبيبي
حسني : اذيك يا مبتدىء ههههههههههههه
زين العابدين : لست بخير يا سخطة
حسني آلشا : سخطة بالطماطم و الخيار
Your chat message wasn't sent because obama is offline
لا مبقاش الا زين الهاربين اللي قاعد يترقع صوابع ملك السعودية اللي هيقفل في وشي الفيسبوك و ربنا لأقطع النت تاني
اما ادخل صفحة هيس و عيش كدة اقرا الأفشات المكتوبة ..واحد كاتب انا حاسس ان بعد كل الثورات دي مبارك هيطلع في خطابه و يقول انتو في برنامج الكاميرا الخفية و ال30 سنة دول اتصورا لو تحبوا نذيع هنذيع , ههههههه حلوة ياض لايك
اقوم بقى لأحسن سوزان تكبس عليا
سوزان : حسنيييييييييييييييييييييييييي
حسني : جبت في سيرة القط جيه ينط , يا ريتني افتكرت ميدان تحرير فاضي
سوزان : يا سونة
حسني : ايه يا شوزي امممم اقصد يا سوزي
سوزان : هتجيبلي ايه في الفلانتين
حسني في سره : الله يرحم امك اللي مشافتش ابوكي غير يوم الفرح
سوزان : بتقول حاجة يا حبيبي ؟
حسني : لا يا حياتي ده انا بفكر هجيبلك ايه في المناسبة السعيدة دي
سوزان : انا هجيبلك كرسي رئاسة احمر...أنت هتجبلي ايه ؟
حسني : تمانين مليون دبدوب احمر
سوزان : تعيش و تجيبلي
حسني : الا قوليلي , هو الواد جمال مجاش يفطر معانا النهاردة ليه ده انتي حتى كنتي عاملة بيض بالبسطرمة ؟
سوزان : يعني ما انتش عارف زعلان طبعا بعد عملتك المهببة , يا راجل في حد يبقى رئيس جمهورية و يخلي ابنه يقدم استقالته
حسني : ما انا لو معملتلش كدة الشعب هيعلقني من عرقوبي و ابقى عبرة لمن يعتبر و اقعد العب بنيج بونج مع بن علي في السعودية
سوزان : طب و النبي يا خويا ادخل الأودة عليه راضيه بكلمتين ده بقاله ساعتين من غير أكل
حسني : ساعتين من غير اكل يا نهار اسود , ده عايش ازاى ده انا داخله حالا
و يطرق مبارك باب غرفة جمال
حسني : افتح يا جيمي...افتح يا حبيبي , انت نايم و لا ايه ؟
جمال : ايوا نايم
حسني : طب انت فاكر لما اتصورت مع ابو تريكة في بطولة افريقيا 2008 , اهو انا بقى هحرق الصورة لو مفتحتش الباب
و بالفعل بفتح جمال الباب بعد ان لعب مبارك على نقطة ضعفه
جمال :اتفضل ادخل
حسني : ده انا قاعد في البلد غصب عن 80 مليون مصري مش هعرف ادخل اودتك يا اهبل هههههههههههه
جمال : كدة يا بابا تفضل الشعب عليا ده انا ابنك من 40 سنة هما شعبك من 30 سنة
حسني :يا بني انا مش عاوز اتعبك حزب وطني ايه و زفت ايه عاوز تبقى رئيس العب city ville ع الفيسبوك و متوجعش دماغي و بعدين انت طريقتك في الكلام بقت غريبة معايا انا حاسس ان وراك اجندة , اطلع بالاجندة اللي فجيبك
جمال : عيب يا والدي انا عمري ما ابيعك و اجيب اجندة من وراك
حسني : اصيل يا بني و عشان كدة بقى انا جبتلك هدية انت اول واحد في العالم يشوفها
جمال : ايه , اجندة اى فون ؟
حسني : لا , بلاى ستيشن 4
جمال : يا حبيبي يا بابا ربنا يخليك ليا
يخرج حسني من غرفة ابنه بعد ان صالحه و يذهب ليجتمع بالوزراء في قاعة المؤتمرات
حسني : انت مين ؟
احمد شفيق : شفيق يا راجل
حسني : ههههههه اعذرني يا شفشق الزهايمر بقى
شفيق : عادي عادي نفس المشكلة عندي انا ساعات بنسى انا رئيس وزرا لبلد ايه
عمر سليمان : انت رئيس وزرا في أرض الكنانة
الريس آلشا : مش الكنانة دي اللي العيال كانوا لابسينها عشان القنابل المسية للدموع ؟ هههههههههه
عمر سليمان : حضرتك ده مش وقت هزار خالص البلد بتولع و اكتر من 300 واحد ماتوا منهم طفلة عندها 6 سنين كانت واقفة في البلكونة
حسني : اهلها السبب عيلة عندها 6 سنين تطلع البلكونة في الساقعة دي تعمل ايه , ميبقاش قلبك رهيف كدة يا مارو
عمر سليمان : و في حضرتك واحد كان متجوز بقالو شهر و اتقتل
حسني و هو بياكل بسكويت لمبادا : اه ما انا اتفرجت على عمرو اديب و قال ان عنده 3 اخوات , خلاص يا عم يعني مش هيفرق في الاسرة بتاعته اوي
عمر سليمان : انا بقول ان حضرتك تتنازل عن الحكم
حسني : هع هع هع هع هع هع هع هع هع , يا عم سليمان خليك كوول متبقاش سيلي مان ههههههههههههههههه و استمر في حكاية الاجندات دي عجبتني اوي...يلا تصبحوا على خير انا رايح اتفرج على مسلسل العشق الممنوع
اولا حالة افراد الأسرة
-----------
...سوزان : بتعمل بيض بالبسطرمة
جمال : لسة حابس نفسه في الاودة من ساعة ما قدم استقالته
حسني : متدفي تحت البطانية بيأزاز لب و هو بيتفرج على ميلودي تيونز
علاء : في ميدان التحرير
ثانيا قبل لقاء وائل غنيم في برنامج العاشرة مساء
------------------------
حسني : يا سوزاااااااااااااااااااااان...يا سوزييييييييي....ردي يا ولية صوتي راح
سوزان : استنى يا سونة هحضر العشا و اجيلك
حسني :تاك يور تايم يا حياتي
و يفتح الريس ميلودي تيونز و يتفاعل مع الأغاني
حسني : شاكيراااااااااااا شاكيراااااااااااااااااااااااااااااااااااااااا
سوزان : بتنادي يا حياتي ؟
حسني : أكيد لأ يا حياتي استمري في عمل البسطرمة....قال انادي عليكي قال
ثم تدخل سوزان بصنية العشا
حسني : امال فين الكوسة يا سوزي ؟
سوزان : في حد هياكل كوسة بليل كدة
حسني : مليش دعوة انا عاوز كوسة انا مقدرش اعيش من غير كوسة دي سر نجاحي
سوزان و هى غاضبة : بقولك ايه يا روح امك انا مستحملة قرفك بقالي 30 سنة فبلاش دلعك المنوفي ده لاحسن انزل ميدان التحرير
حسني آلشاً : خلاص خلاص يا سوزي ده انتي خلقك اضيق من شوزي...و ايه دي كمان جبنة تركي ؟ , تلاقيها 200 حلقة هههههههههههههههههههه و النبي انا عسل , قومي يا شيخة هاتي البوم الصور اما استعيد ذكرياتي الجملية
سوزان : اتفضل
حسني : دي صورتي ايام ما كنت بشتغل سايس عند السادات بس و الله كنت امور كنت شبه الممثل الهندي شاروخان..شاروخان الخليلي و ربنا انا عسل ههههههههههه.. و صورة تانية ليا كنت طالع كومبارس لفيلم مع كمال الشناوي , ابقي خلي انس الفقي يمنع عرض الفيلم ده الحكاية مش ناقصة فضايح ...و دي صورتي مع ابن علاء الله يرحمه , لحظة ابكي اهىء اهىء اهىء
الا صحيح يا سوزان الواد علاء فين النهاردة ؟
سوزان : نزل في ميدان التحرير
حسني : قلبي قلبي , قومي هاتيلي دوا البواسير و كوباية بيريل عشان ابلع البرشام
سوزان : يا خويا متعملش في نفسك كدة صحتك بالكرسي
حسني : صحتي ايه بس ده انتو عاوزين تموتوني ناقص عمر
سوزان : ناقص عمر ازاى انت كمان
حسني : اخرسي متستفزنيش , بقى انا ابني ينزل ميدان التحرير ده على كدة كريم حسن شحاتة بيحبني اكتر منه و طبعا ظرفاء الفيسبوك هيطلعه نكت و يقولوا يعني ايه كوك زيرو يعني تبقى نازل تشتم الرئيس و يجي ابنه يشتم معاك
و اللي يقول حتى ابنه مش طايقه...لا دي حاجة ميتسكتش عليها , الموبايل فيه رصيد
سوزان : فيه 80 مليون جنيه
حسني :طب هاتي اكلمه...و حاطط اغنية باربي جيرل كنغمة كول تون بروح امه
سوزان : احترم نفسك بدل ما امد ايدي عليك
حسني : ايوا يا علة يا زفت انت نازل التحرير تعمل ايه ؟
علاء آلشا : نازل احرر بول
حسني : يا ابن الظريفة جايب الحلاوة دي منين و انطق قولي بتعمل ايه في التحرير
علاء : اوعى تفكر يا حاج ان انا ممكن ابيعك لحد انا نازل بس ادور على اجندة
حسني : اصيل يا علوة طب مش خايف حد يتعرضلك كدة و لا كدة ؟
علاء : متخافش يا بابا المكالمة بتاعتي مع خالد الغندور بعد ماتش الجزاير عاملة شغل عالي مع الشعب
حسني : طب يا حبيبي و انت جاى ابقى هاتلي معاك باكو معسل سلوم
علاء : ماشي يا معلم يلا باى
حسني : الحمد لله مطلعش عميل
سوزان آلشة : عميل عمال ملوش مثال هههههههههههههههه
حسني آلشا : عمال مبارك ههههههههههههههههه , اه صحيح هو الواد جمال لسة زعلان ما انا قولتله هجيبله بلاى ستيشن 4
سوزان : ما انت اعتبرته خروف و ضحيت بيه عشان تفضل على كرسي الرئاسة المتحرك
حسني : ده انا خايف عليه من الحسد مش اكتر
في هذه اللحظات يجلس جمال مبارك في بلكونة غرفته و هو يغني اغنية ابو الليف و يقول : مبقاش عندي ثقة في حد م اللي انا شوفته فحياتي زمان انا خدت درس و غلطتي مذاكرتهوش انا خدت الضربة بجد من اقرب ناس فحياتي مش اهلي دول و الله لا اقسم بالله وحوش
حسني : الله الله عليك يا جيمي و الله لازم اقدملك في برنامج ستار اكاديمي 8 , مخلف فنان يا اخواتي
جمال : ملكش دعوة بيا
حسني ألشا : ايوا يا عم سامو زين
جمال : خليك هزر انت كدة و دلوقتي يطلع الواد وائل غنيم يكسح الخطاب بتاعك اللي نيم الشعب المصري
حسني : مين وائل غنيم ده بيلعب في النادي الأهلي ؟
جمال : لا ده صاحب صفحة كلنا خالد سعيد
حسني : مين خالد سعيد ده بيلعب في نادي الزمالك ؟
جمال : لا ده احد ضحايا حبيب العادلي
حسني : مين حبيب العادلي ده بيلعب في نادي الاسماعيلي ؟
جمال : ده وزير عندك ...انت مخدتش حباية الزهايمر و لا ايه ؟
حسني :استنى عليا شوية كدة عشان الشبكة وقعت عندي
سوزان : افتحوا العاشرة مساء دلوقتي حلقة خطيرة جدا
جمال : انا مليش دعوة انا هتفرج على فيلم تيتانيك جاى دلوقتي على الام بي سي 2
حسني : ابقى اعمله داونلود من ماى ايجي
ثالثاً بعد حلقة مشاهدة وائل غنيم
-------------
حسني : عميل....اجندتك حمرا يا كلب
جمال : اهدى يا بابا احسن يجيلك شوجر و لا حاجة
حسني آلشاً : شوجر و لا شوتايم ؟
جمال : لا لا بايخة جلت منك دي يا والدي
حسني : كفاية ألش كدة..انا هروح افتح الفيسبوك اشوف تأثير الواد ده ع الشباب....الله الله يا سونة يا ابن اللعيبة 14 نوتيفيكوشن فييوم واحد , و الواد ساركوزي رئيس فرنسا عاملي تاج
اوباما عاملي كومينت على صورتي بيقول فيه
wtf ?, your face looks like a peice of shit
اممم مش فاهم هو كاتب ايه بس يلا لايك للكومينت و خلاص
الواد وائل غنيم عمل شغل عالي الباد هتتقب على دماغي تاني...ده اتعمله لغاية دلوقتي 564658 الف صفحة ليه يعني هو ايمينم ؟
مين اونلاين دلوقتي الواد مرتضى منصور , هسلم عليه احسن يرفع عليا قضية
hosny : hi
mortada : 2na m3aya war2ak
hosny : ???
mortada : nafz mataleb el ward ely fata7 fe ganayen masr
hosny : ok has2ehom..h3 h3 h3 h3 h3
mortada : hasgenak ya 7osny
hosny : _|_
و ربنا لاديك بلوك يا مرتضى يا معتوه
مين تاني اونلاين البت هيلاري كلينتون..دي مزة مزة
hosny : hi baby
helary : hi sona , i miss you
hosny : rabena yogbor be5atrek
helary : We believe strongly that the Egyptian government has an important opportunity at this moment in time to implement political, economic and social reforms to respond to the legitimate needs and interests of the Egyptian people,
hosny : i am fine thank you
في هذه الاثناء تنادي سوزان على حسني مبارك
hosny : brb
helary : tyt
حسني : في ايه يا سوزان ؟
سوزان : تعا شوف لولو ( علاء ) بيقول ايه
علاء : يا بابا انا كنت في الشارع دلوقتي و البلد مقلوبة بعد كلام الواد وائل غنيم و في مظاهرات مليونية و اعتصامات و هدايا تانية كتير بكرة
حسني : قشطة..حضري الشنط يا سوزان هنسافر على المانيا و هنعيش في اجدعها فيلا في برلين
جمال آلشاً : برلين و لا بالشدة ؟
حسني : يلا يا ابن التيييييييييييييت

[Siamese Twins]

ههههههههههههههههههههههه

بجد موضوع تحفه .

[عصام سعد زغلول]

ههههههههههههههههههههههههههههههههههههههههه
بجد انا حسيت انى معاهم فى قصر الرئاسة
بارك الله فيك يا اخى

[bebo_93]

هههههههههههههههههه

دى لو اتعملت مسرحيه تبقى جامده جدا