مــــــــــجــــــــرد اقـــــــــتـــــــــــراح

[أحـمد قرنى]

بفرض أن شاء الله انى احنا اتثبتنا وده مجرد وقت أن شاء الله .

استفزنى كثيراً حديث رئيس الوزراء السيد أحمد شفيق حاول اندهاشه من مطالبة الموظفين والعمال بمضاعفة الاجور ، وقال انه من العيب استغلال ضعف البلد للمطالبة بالزيادة بالرغم انى احنا بنطالب من سنين .

ما استفزنى اكثر انه قال امكانياتنا لا تسمح بمضاعفة الاجور للجميع فى وقت واحد ، هو نسى ملياراتأحمد عز والعادلى ونظيف اللى نظف البلد وغيره الفلوس ده سلبوها من الخارج ولا من مصر .

نفترض ان كلامه صحيح والبلد فعلاً ظروفها صعبة ،
اقتراحى
بالنسبة للمدرسبن اللى زينا بناخذ ما يقرب من 340 ، فى حين ان زمايلنا الموظفين اللى بيشتغلوا فى النيابة والبنوك والضرائب وغيره بيحصلوا على الاقل 2000 جنيه وطالع ، يعنى 6 أضعاف مرتبنا ، لو الحكومة قلصت راتب الواحد منهم الى 1000 جنية وتم توزيع ال 1000 الباقية من الواحد على ثلاثة مدرسن !!!!!! يعنى المدرس فى الوضع ده هياخذ 650 هى مش كويسة قوى . بس أفضل ما فيها واللى هيعمل راحة نفسية للواحد ان زميلى الاخر هيبقى ازيد منى مرة ونص فقط مش 6 أضعافى .

أرجو لمن يقتنع بهذا الاقتراح يساعدنى لتوصيله للسيد أحمد شفيق


وفقنا الله وإياكم

[أحـمد قرنى]

شكلكم يئستوا

[رضاالوادي]

يا جماعة والله حرام الضغط علي الجيش بنقول احنا بنضط عل الحكومة لكن الاحتجاجات كلها بتصب في قلق الجيش
التخريب اللي حصل في العريش * الجيش عايز استقرار علشان يقدر يحقق امن داخلي وخارجي ويحقق البيانات اللي اعلنها
الجيش بيتحمل مسؤليات فوق مسؤلياته
علينا نساعده ومن كل ده هو مش هياخد اي منصب ولا شهرة ان شاء الله يسلم البلد لرئيس مدني يكون هو اللي مسؤل عن البلد
علينا مساعدة الجيش
كمان محدش ينسي خسارة البورصة في الأيان اللي فاتتة

[أم هيما]

انا بقى عندى اقتراح افضل لموضوع المساواة فى الرواتب وعشان تتحقق العداله الإجتماعية ليه واحد مثلا شغال شغل عادى جدا كل اللى بيعمله يمضى كل يوم ورقتين تلاته وياخد 8 الاف جنيه ووناس بتاخد 2000 جنيه وناس تانية بتاخد زى حالتنا 350 جنيه وناس تانية 100 جنيه ليه يا جماعه مايبقى فيه حد ادنى ومساواة فى الأجور يعنى كل الموظفين فى الدولة ياخدوا راتب زى بعض ودا طبعا هتعترضوا عليه لكن اصبروا انا جايه لكم فى الكلام اهو
كلنا ناخد رواتب زى بعض وطبعا مع الفرق الشاسع فى الاجور ممكن مثلا الفرد الواحد ياخد 2000 جنيه فى الشهر واخر كل سنة مالية يبقى فيه مكافأه سنوية لكل مصلحة حكومية للموظفيين وطبعا دا يكون حسب نشاط المؤسسة طول العام زى مثلا مكافأة الامتحانات اللى احنا بناخدها دى يعنى المدارس مثلا تا وكل مصلحه على حسب آدائها طول العام يتخصص لها مكافأة تتوزع على الموظفين بالتساوى

يعنى ( ناخد كلنا اجور زى بعض والمكافأه السنوية تبقى على حسب آداء المؤسسة اللى انت شغال فيها يعنى ممكن مثلا المكافأة تصل الى 10 الاف او 5 الاف او اكتر للفرد الواحد فى السنة )

بيتهيألى دا حل للعدالة الإجتماعية والمساواة والفساد والتكاعس عن العمل

[ايهاب احمد على]

السلام عبيكم ورحمة الله وبركاته نداء الى جميع الزملاء والزميلات الى ييوم كرامة المعلم يوم 17 /2/2011 من ابناؤ محافظة سوهاج ؤ يوم الخميس السلعة العاشرة امام مديرية التربية والتعليم وصدقونى دى اخر فرصة لينا