|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
14-02-2011, 12:25 PM
|
||||
|
||||
مهم جدا الرئيس لم يتنحى بعد...
الريس لسه متنحاش...... بقلم هشام عفيفي هناك احاديث كثيره..واقاويل كثيره..لعدم فقهي وتعمقي في الامر لا احفظ نصها ..ولكنها تقول فيما معناه : ان الشعب الفاسد..يسلط الله عليهم الحاكم الفاسد.. امريكا ..كمثال..لو شفت الشعب مثلا..هتلاقي نصه بيسكر ..ونصه الاخر بيمارس الفاحشه مثلا....يعني كأمثله كده...الشعب ده بايظ...وصعلوق..ومع ذالك..امريكا تعتبر اقوي دوله في العالم..... ليه كده ؟؟.. ملحوظه : في امريكا..لو مسؤول..( لا قدر الله) ..اظهرلك – بمجرد الاحساس - ...انه يمتلك سلطه ممكن يستخدمها ..بدون وجهه حق....يجازى او يعفى من منصبه....(خشيه ان يقال انه لا يوجد عدل في الدوله ) سبحان الله...قريبه الشبه..من دوله عمر (اي عمر بن الخطاب رضي الله عنه ) سيدنا عمر.. طبعا انت مش محتاج اني اكلمك عن دوله سيدنا عمر..فهي اعدل دوله بعد دوله رسول الله. ملحوظه اكثر تشحشحا : زمان...يجي من ...قبل خمسه وعشرين يناير كده..كان الي يخش كليه الشرطه..ولسه علي الباب بيقدم...بيعلق خمستاشر نجمه علي عريبته..واربعه وتلاتين نسر علي الازاز..ودبورتين علي كل فانوس.. الصين..حادث قطر.....قطر كان ماشي كده...اذ لا قدر الله بعيد عنك ...كان في قطر ماشي كده – علي اساس انك شايف يعني - ...راحوا خابطين في بعض... راح الوزير بتاع المواصلات..مطلع خنجر...وراح غازز نفسه..عادي يعني ملحوظه : الصين عندها اتنين مليار...بني ادم ...نسبه كبيره منهم..بيعبدوا تماثيل..لا تري ولا تسمع ولا تتكلم .. وملحوظه : حوادث القطر في مصر..زي حوادث العربيات عادي يعني..يعني احنا عندنا قطر اتقلب...قالك ده بسبب الجاموسه...لولا الطرطشه..كان وزير المواصلات..طلع الخنجر...ودبح الجاموسه .. هكتفي بالمثالين الي فاتوا..ونخش في النقطه الرئيسيه ... ايها الساده الثوار يا كل ام ثكلي....يا كل زوجه ترملت......لا كده اوفر.. ايها الشعب الحبيب..يا من تظن ان الفساد كان يمثل في شخص اسمه محمد حسني مبارك.. (وربنا والنعمة الشريفه ) ما سلط الله علينا الفساد..الا لفسادنا نحن... 1. ان كنت تفعل شيء من اشياء الفساد بداعي ( يا عميي صلي..هو انا لوحدي ) ..فانت سبب من اسباب تسلط الحكام الفاسدين علينا. 2. اذا تهاونت في طلب حقك..بأي شكل ما ....واحد ضربك علي قفاك عشان هو سلطه..ومخدتش حقك منه ..بالقانون او بأيدك...وعامل فيها طيب وبتقول الله يسامحه..وانت عارف انك سايب حقك...فانت سبب من اسباب تسلط الحكام الفاسدين علينا . 3. اذا كنت ممن يرشون عسكري المرور..عشان عربيتك الميه سبعه وعشرين حمرا..مش عايزها تاخد مخالفات عشان جمالها ورونقها..وعشان انت مكسل تروح المرور ....فانت سبب من اسباب تسلط الحكام الفاسدين علينا. 4. اذا كنت ترى منكرا..وتقوم ساكت ..عشان انت عندك عيال..ومبتبحبش تخبط في الحلل عشان صوتها وحش ومراتك نايمه....فانت سبب من اسباب تسلط الحكام الفاسدين علينا. 5. اذا كنت ممن يتكيفون في وقفه الاتوبيس – وانا وانت فاهمين كويس احنا بنتكلم علي ايه – او ممن يتكيفون بمواقف شبيهه باختلاف الازمنه والوسيله....فانت سبب من اسباب تسلط الحكام الفاسدين علينا. 6. اذا كنت بتنجز شغلك..بالوصفه السحريه – مشي حالك - ...ستكون سبب من اسباب قله جودتنا..وقله انتاجنا..بالتالي بالطبع..ستكون سبب من اسباب تسلط الحكام الفاسدين علينا. 7. اذا كنت منتظرني ان اعدلك كل اسباب الفساد..فانت راجل لا مؤاخذه.( تيــــــــــــــــــــــــت بلاش اقول) عزيزي المواطن..عزيزتي المواطنه...الفساد في سجله التاريخي وفي سيرته الذاتيه – السي في بتاعه - ..عمره ما تمثل في شخص..ولكن يتمثل في الأخلاق اذا سمحت او فعلت فساد ما...فلا تغضب حينما يمارس عليك الفساد..فهي دائره مغلقه لذالك ..ان كنت تظن ان الفساد الذي حل بمصر..هو سببه السيد الرئيس حسني مبارك..فالرئيس لم يتنحى بعد......... |
|
#2
14-02-2011, 03:21 PM
|
|||
|
|||
شكرااااااااااااااااااااااااااااااااااااااااااااااا اااااا
هو ده الكلام ولا بلاش |
|
#3
14-02-2011, 03:46 PM
|
||||
|
||||
|
ممم لا
اللي فرض علينا الحاجات دي سياسة الدولة لما يبقي الرئيس خاين لبلده والحكومه خاينه والرئيس حرامي والحكومه حراميه الرئيس مزور ومجلسي الشعب والشوري مزورين السجون مليانه ابرياء والحراميه برا وكل همهم سلب ونهب ومحدش واخد حقه وقري بتشرب من المجاري ولا حد همه وناس مش لاقيه تاكل ....الخ الخ الخ فطبيعي البلد تبقي مليانه سرقه وغش وظلم ده ذنب مين ذنبي وذنبك؟؟ ولا ذنب الحاكم والحكومه والحكم كلكم راع وكلكم مسؤول عن رعيته وبعدين الشعب بتأثر بالحاكم والحكام زي ما التلميذ بيتأثر بالمدرس و بابوه وامه يبقي ده مش ذنبنا ده ذنب السلطه الناس كان كل همها تعيش.. بقي كله يكذب عشان يعيش ..ما هو لو قال الحق علي المعتقل كله يسرق عشان يعيش..لو مسرقش هيموت من الجوع كله يغش ويزور.. عشان يعيش والناس المحترمه تتحط في السجون وعمر ما حد محترم تولي منصب قيادي في 30 سنه اللي فاتوا لما يبقي الواحد حرامي واناني وغشاش وعايز يدمر البلد يبقي ميه ميه بالنسبه للحكومه ويرفعوه فوووق قوي ولو انسان شريف بيحب بلده وبيقول كلمة الحق في وجه الظلمه ياخد علي قفاه و ينزلوه سابع ارض يبقي احنا شعب نضيف.. انضف مايكون بس هما اللي بوظونا بس احنا خلاص فوقنا ومش هنسمح لحد يشوهنا تاني مصر محتجانا بلاش احباط وياريت نبص لقدام احسن |
|
#4
14-02-2011, 03:59 PM
|
||||
|
||||
|
اتركو الحكم لله
يا ليتنا ننظر الى صورة الوطن من الخارج وكفانا تعليقا لاخطائنا على شماعة الرئيس ياررررررررررررررررررررررررررررريت
|
|
#5
14-02-2011, 04:41 PM
|
||||
|
||||
|
اقتباس:
اذا كان رب البيت للدف ضارب .. فما شيمة اهل الدار سوى الرقص |
|
#6
14-02-2011, 06:16 PM
|
||||
|
||||
|
اقتباس:
و الله انت رجل محترم و جبت من الاخر تسلم |
|
#8
14-02-2011, 06:40 PM
|
||||
|
||||
|
ان الله لايغير ما بقوم حتى يغير ما بانفسهم
|
مصر اسلامية ....|
#11
14-02-2011, 09:51 PM
|
||||
|
||||
|
أخى الفاضل
إن من أهم أسباب انتشار الفساد فى مصر هو ( عدم وجود القدوة الحسنة ) فكما قال أخى الفاضل أ / طاهر " إذا كان رب البيت بالدف ضاربٌ فشيمةُ أهل البيت كلهم الرقص " فجميع المصريين يعلمون علم اليقين فساد الرئيس ونظامه ويدركون أنهم مجموعة من الحرامية اجتمعوا على مص دماء الشعب ، فمن كان عنده استعداد للفساد نظراً لبعده عن الله يفسد مثلهم ومن كان الدين محركه والأخلاق هى تربيته فيعصمه الله من الذلل ويبعده عن مهالك الظالمين والفاسدين وبعد أن أكرمنا الله سبحانه وتعالى باالتخلص من هذه العصابة وهؤلاء الظالمين يجب علينا أن نعود إلى الدين عوداً حميداً وأن نهتم بنشر القيم والأخلاق الحسنة فى مجتمعنا بجميع الطرق الممكنة حتى يصلح مجتمعنا ويولى الله علينا خيارنا فنكون من الفائزين فى الدنيا والآخرة .
__________________
 آخر تعديل بواسطة mohsen ghareeb ، 14-02-2011 الساعة 09:54 PM |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:49 AM.
