حاكموه

[شاعر الليل وظلماه]

حاكمــــــــوه

حاكموه

وإن ثبتت إدانته يوم

إعدموه

على طفل برئ مات قدام

أبوه

على شيخ كبير جوه السجون

عذبوه

حاكموه

بكر وجميل بدر وشيرين

حتى هدير

بيقولوا

سامحوه

على ايه نسامح

يا خلق هووووووووه

على عهد ويا الشعوب

نقضوه

على يمين إخلاص للوطن

حلفوه

خانوه000000 نسيوه

*****************************

يا إللي بتقولوا سامحوا وأنا منكم

على ايه نسامح

ياخلق هوووووووه

على عرض أمة في التراب

دنسوه

على حق شعب طيب

ضيعوه

على مزارع ويا مصانع ولا عام

خصخصوه

على شعب كريم بأبخس الأثمان

باعوه

على إللي مات له صديق أو قريب

أو أخوه

**************************

على شبر ناقص طبال حلنجي

في قوت الناس

حكموه

ولا نضافة جيوب نضفها نظيف

لشعب طيب

جوعوه

******************************

يا بلادي كان منايا أرحل وأنا كلي جراح

أمشي يقولوا على وين راح

قالهم المغربي : ما له سكنى

نسكنوه

دي بلادي غالية عليّ

ساكنة قلبي وعينيّ

زهير قالهم : سوحوه

دي شعبها كتير خير قليل

منين نجيب نأكلوه

رشيد بكلمةحلها00حط خطة ذلها

يا عايشة الموظف

سرحوه

**********************************

بدر الغفير يبقى وزير

وللتعليم مسكوه

تيجي منين التربية 00لمّا عديم التربية

يهين ناظر في سن أبوه

تلاقيه مدفع في الوش يدفع

لو فكرتوا تنصحوه

*****************************

وإللي شريف وعامل لي عفيف

لو زارنا أمير سلطان وسفير

ملك أو غفير

تلقى رباب ويا سعاد فيفي ونجاة

قوام هيصوه

أصله شريف 00 راجل عفيف

والمنكر بس حللوه

تاريخه ناصع 00ليه نوسخوه

ليه ندنسوه00 ليه ننجسوه

من غيردليل نتهموه

أتاري ريري ويا ديدي

فيفي وزيزي

وكمان كيكي ويا ويكي

شربواالكاس وسعدوا الناس

ملك وأمير ويا سفير

قالوا تسلم ايده

وايد أبوه

أصله شريف وواد نضيف

**************************

أمين سياسات00000في حزب مات

اسمه جمال 00000وناقصه كمال

هتحاكموه

هتحاسبوه

ولا هيرحل زي 0000000

أيوه

ولا أخوه 0000000شبعوه إشاعات

قصور وفيلات 00000000ونجمات سينمات

وكتير شاليهات

أتاريه مسكين 000000وفقير زيينا

واحد شعبي كده منينا

كل رصيه 8 جنيهات

سامحوني 000مليارات

وأتاري الناس ظلموه

************************************

أمن حبيب000عيشني غريب

وسط الأهل وجوه البيت

قانون إرهاب 0000والعيشة هباب

تمام يارئيسنا0000000قفلنا الباب

ولا فيه كاتب 00000ولا فيه قارئ

أصله أخدنا الكل طوارئ

هتلاقي الكل لسانه في خشمه

لازم ينسى اسمك واسمه

وإللي يخالف

نعتقلوه

*************************

وآدي الرأي في الآخر ليكو

قولوا: حاكموه أو سامحوه

وبلاش تنسوا إنه الشعب في يوم

دا0000000باعوه

هرم فرعون التاني

رهنوه

حتى رئيسنا الغالي بسبهم

برضه هانوه

ضحكوا علينا

جابوا غراب البين صبغوه

قولوا رأيكم

هتحاكموه00000

ولا تسامحوه0000000 ؟

أ\ أحمد عبد اللاه

مواطن مصري بيحب بلده