لو سمحت متقولش انك مع الثوره

[Haneen_Riri]

ايوه متقولش انك كده مع الثوره هو انت لما تعمل اللى انت عايزه من غير ماتحترم غيرك تبقى كده مع الثوره لما توقف الحياه بأمور البلطجه تبقى مع الثوره
انا عملت الموضوع ده علشان النهارده سمعت كلام زعلنى على اللى احنا وصلنا ليه
النهارده بعد قرار تأجيل الدراسه فى محافظه الجيزه سمعت ناس بتقول "يوووه اهو ده اللى خدناه من الثوره وقف حال وخلاص ماكنا عايشين وكويسين "
لا ماكناش عايشين وكويسين بس اللى انا مرعوبه منه ان يجى اليوم اللى الناس تشوف فيه ابطال التحرير على انهم السبب فى توقف حياتهم ونفسى بس الناس متخلطش بين الثوره الرائعه اللى حصلت وبين الناس اللى دلوقتى بتنتهز الفرصه وبتحاول تشوه صوره الثوره
بس بجد احنا ليه بنعمل كده ليه كل حاجه حلوه فى حياتنا بشوهها ونحولها لفوضى احنا لسه مش قادرين نفهم المعنى الحقيقى للحريه
اللى مجننى ان احنا كده بندى الفرصه للناس اللى احنا خلصنا مصر منهم انهم يشمتوا فينا وفى مصر
وربنا يحمى مصر ويفرحها بانتصار ولادها