دعوى قضائية ضد وزير التعليم لتأجيل بدء الدراسة

[nor123456]

تقدم ايهاب مكرم عبد الملاك المحامى بدعوى قضائية أمام محكمة القضاء الإدارى ضد وزير التربية والتعليم مطالبا فيها بالغاء قراره ببدء الفصل الدراسى الثانى 2010-2011 لعدم تعريض الطلبة لاى اخطار بسبب سوء الاحوال الامنية بمصر.
وقالت الدعوى ان الحالة الامنية للبلاد لم تعد كسابقتها بدليل حدوث حالات اختطاف لاطفال بمحافظة القاهرة، بالإضافة لحادث اعتداء ضابط وسائق ميكروباص على بعضهما فى 24 فبراير 2011 .
وأوضحت الدعوى أن ذهاب الطلبة للمدارس الان قد يعرضهم للأخطار خاصة وان العديد من المجرمين مازالوا هاربين من السجون.
واشارت الدعوى ان قرار عودة الطلبة للدراسة يخالف المادة 285 من قانون العقوبات الذى ينص على انه "كل من عرض للخطر طفلا لم يبلغ سنه 7 سنين.. يعاقب بالحبس لمدة لا تزيد على سنتين"، كما يخالف المادة 287 التى تنص على ذات القرار.

http://www.egynews.net/wps/portal/news?params=117015

[spidermane23]

عنده حق بصراحة
البلد مفيهاش امن و بداية الدراسة بتعرض الطلاب للخطر
و لو لقدر الله طفل حصله حاجة هيبقي في ذنب وزير التعليم اللي ناسي البلد وضعها ازاي دلوقتي

[أحـمد قرنى]

حضرتك عايز التأجيل يستمر لحد متى

وبعدان الوزير تركها للمحافظين لان بالفعلفى محافظات فيها استقرار تام ، وبعدين عايز تقنعنى ان لم يكن هناك مجرمين ولصوص قبل ذلك

[هاجر موسى]

بصراحة قرلر فتح المدارس قرار غير موفق والوزير ترك الموضوع للمحافظين وكل محافظ أحب ان يتحايل علي الوضع الامني ويوضح ان كله تمام ولا اعتبار اصالح الاطفال

[spidermane23]

المشاركة الأصلية كتبت بواسطة أحـمد قرنى

حضرتك عايز التأجيل يستمر لحد متى

وبعدان الوزير تركها للمحافظين لان بالفعلفى محافظات فيها استقرار تام ، وبعدين عايز تقنعنى ان لم يكن هناك مجرمين ولصوص قبل ذلك

يا استاذ مش انا اللي عايز التأجيل اسأل اي ولي امر هيقولك انه حتي لو الدراسة بدأت مش هيودي عياله لانه خايف عليهم

اما بقي ان كان فيه مجرمين و لصوص من قبل كده فده صحيح لكن مش بالشكل اللي احنا فيه ولا انت مش واخد بالك
من اللي هربوا من السجون و الاسلحة اللي اتسرقت و غيره وغيره
و الجرايم اللي كل يوم بتحصل
ولو لقدر الله حصل لطفل حاجة ابوه هيروح يبلغ فين ؟؟؟؟؟؟ في قسم الشرطة المحروق
ولا الضابط اللي بيخاف يمشي في الشارع

ياريت نبقي خايفين علي اولادنا و قبل ما نطالب برجوع الدراسة نطالب الاول برجوع الامن والاستقرار للبلد