أفيدوني عن تعيينات البحيرة

[أيمن الشابوري]

أفيدوني بأسماء المعينين بمحافظة البحيرة

[بحراوية من دمنهور]

lمحافظتنا اخر من يعلم والله انا زهقت الدولة لسة متبعة سياسة النفس الطويل مفيش جديد ومفيش فهم للقرارات وتطبيق غلط لكل فاكس او معلومة توصل الحكاية معقربة كدة ليه وكأن فعلا كل القرارات دى عبارة عن مهدئات ومفيش حاجة هتم انا سألت فى الادارة عندنا قالى الموظف اللى بيكره نفسه مفيش اى جديد بالنسبة لاسامى اللى اتعينو واحنا دلوقتى مهتمين باللى لسة حيدخلو الكادر على فكرة يا جماعة احنا مرتباتنا كلنا زى بعض سواء اللى دخل الامتحان او مدخلشى ؟؟

[nor123456]

لا جديد
لا جديد

[Le Samurai]

هو فى إية البحراوية فين
فى خبر بيقول إن ال إتعين 2300 والأسماء فى الموازنة فى المديرية
حد يرد
هيييييه فى حد من البحيرة هنا؟؟؟؟؟؟!!!!!!؟؟؟؟؟

[alaa ammar]

على حد علمى
ان فى ناس اتظاهرت قدام المديريه والتنظيم والاداره
وقالو انهم مش عايزين اسماء تنزل غير لما كل العقود والاجر يتعين مع بعض
وده طبعا هطل
قامت أ/ ابتهال مدير الشئون القانونيه بالمديريه بحجب كشوف الاسماء
ولم تقوم بتعليقها

[العنب الأحمر]

المحافظة دية جابة لينا الضغط فى كل حاجة حتى فرحة التعيينات مستكترنها علينا .. حسبى الله وعم الوكيل فى محافظ البحيرة .. يا اخوانى هو السبب فى الكل التأخير دية لأنه قال يوم المظاهرة الكل معا بعضه لما بتوع الحصة يخلصوا ..يخلصوا ايه ولا ايه . الراجل دية مش مفاهم حاجة .. النهاردة 1/3/2011 كنت المديرية وقابلنا الأستاد / يسن عبدالخالق مدير شئون العاملين .. قال بالحرف الواحد .كل اللى جاله التهنئة أسمائهم عندى وكلها أيام وعنعلن عنها .. سألناه برضه على الناس اللى مستوفيه وماجلهاش التهنئة قال ان شاء الله آخر الأسبوع دية عتكون أسمائهم عندى . وقا لنا اطمنم واللله كل اللى امتحن الكادر ةنجح فيه عتعين هدا الشهر كبيره 15/3/2011 .. دية على لسان رئيس شئون العاملين فى البحيرة . ...وربنا يوفق الجميع ..

[Le Samurai]

بجد الكلام دا
يعنى نستنى البهوات لما يتعينوا ونبقى مع بعضينا
والله أنا أصلاً فى قلبى نار من المديرية وال فيها وشكلى هاروح أولع فيها

[بحراوية من دمنهور]

فعلا المحافظ بتاعنا راجل سيئ وحرامى ومش فاهم حاجة ازاى مانعين تعليق اسامى اللى اتعينو وحتى الادارات مش عارفين حاجة ولما سالت امبارح قالى الموظف احنا دلوقتى مشغولين باللى حيمتحنو يعنى من الاخر هما حيخلونا متعلقين كدة مش عارفين احنا اسمائنا موجودة ولا لا لغاية مالكل يمتحن ويتعين وشكلنا احنا اول ناس اتبهدلت واتحرق دمها حينسونا فى الهوجة واللخبطة دى انا زهقت من بلدنا دى بجد واللى بيحصل فيها

[feroo]

البحيرة نايمة تماما

[العنب الأحمر]

احنا ان شاء الله نصبر إلى آخر الأسبوع دية لأن المحافظ رايح فى داهية عينشال آخر الأسبوع ومش راضى يمضى لما عرف نفسه انه ماشى ..فكلها أيام ..وحسبى الله ونعم الوكيل فيه .. الحرامى النصاب اللى خرب المحافظة .

[العنب الأحمر]

اخوانى معلمين البحيرة .. يار ريت ما نغبش عن بعضنا واللى يعرف أى خبر ينزله زى المحافظات التانية .. علشان نبقى على دراية الدنيا ماشية ازاى .

[Le Samurai]

يا جماعة آخرهم معانا الأسبوع ده
ويوم الأحد معادنا عند المنتن رئيس شئون العاملين أنا متأكد إن الزفت دا هو ال موقفها وأنا تايه عنه ولا عن داء(مدام شفاء) دا شغلتهم يوقفوا المراكب السايرة دول عشرة وأنا عارفهم يوم الأحد يا شباب ولا 15/3 ولا كلام فاضى يوم ورا يوم نلاقى نفسنا هنعقد لما البهوات يتعينوا معانا لا دا بعدهم
سلام

[العنب الأحمر]

إلى الزميل العزيز Le Samurai ان شاء الله احنا معاك كلنا يوم الأحد ايد واحدة ما نجيش من المدرية الا بالتعيين لأن يسن قالى اسمائكم عندى فى الدرج . ودية كلام فارغ معظم المحافظات استملت التعيين وارتاحم .وحسبى الله ونعم الوكيل فيهم كلهم .

[مدرسة علوم أبتدائى]

يابحراوية أحب أنبة ان الان يبدأ التحضير لمظاهرة كبيرة جدا امام المديرية عندنا بدمنهور يوم الخميس الساعة 9 صباحا وهناك نشرات اتوزعت على جميع مدارس بندر دمنهور ومن ضمنها مدرستنا الرضوان المشتركة ونبدأ فى تجميع الزملاء بمختلف المدارس والمراحل التعليمية للمطالبة بجميع الحقوق وهناك بيان مطبوع بجميع المطالب والحقوق المنهوبة لكل فئة والله احنا بنستعد فى جميع المدارس لان فعلا محافظتنا دى بها كمية فساد ادارى ومالى لا حدود لة
ارجو نكون كلنا يد واحدة لان الساكت عن الحق شيطان أخرس ارجو التوحد والمشاركة من جميع الادارات مش دمنهور بس ونلتقى يوم الخميس بإذن الله ربنا معانا

[بحراوية من دمنهور]

ان شاء الله هاكون موجودة انا و زمايلى اللى امتحنو واستوفو الشروط ده مفيش اى تقدم الاخبار بالقطارة ومحدش عايز يصرح بكلام واضح ونابع عن فهم لوضعنا الكل بيفتى وبجد انا اتخنقت انا تعاقد من 2004 ايامها كان المرتب ب105 واى يوم اغيبه كان بالخصم غير ان دلوقتى مرتباتنا كلنا زى بعض اللى امتحن زى اللى ممتحنشى اللى اتعاقد من 8 سنين زى اللى جاى تعاقد 2009 بجد انا عايزة عدالة وتقدير للخبرة وكمان اننا استوفينا الشروط والله لكون موجودة يومها وعليا وعلى اعدائى الواحد زهق من كتر البلاوى اللى شفناها وبنسمعها الدولة منهوبة وممصوص دمها من سنين وجايين علينا عشان عايزين الامان وعايزين نرفع مستوى معشتنا حسبى الله ونعم الوكيل