شفتوا ناويين على اية

[marwasamy]

فى برنامج مصر انهاردة جاء وزير المالية وقال ان العقود المميزة بس هى اللى هتتثبت بس بمجرد مرور 3 سنوات انما اللى بالحصة والعقود الشاملة وخلافة هيوجهوا على الشركات والقطاع الخاص

[drfayoum2010]

المشاركة الأصلية كتبت بواسطة marwasamy

فى برنامج مصر انهاردة جاء وزير المالية وقال ان العقود المميزة بس هى اللى هتتثبت بس بمجرد مرور 3 سنوات انما اللى بالحصة والعقود الشاملة وخلافة هيوجهوا على الشركات والقطاع الخاص

هي الناس عايزة تسخن الموضوع وخلاص ، يعني ايه اللي بالحصة هيوجهوا على الشركات والقطاع الخاص
كل معلمي الحصة والمكأفاة الشاملة ستعمل لهم عقود عمل مميزة ويعينوا على وظيفة معلم مساعد

[mr-HESHAM]

اه انا سمعته بردو

ومش عارف اقول ايه لازم اسمع اراء المدرسين الباقيين

[magedmak88888888]

ربنا يستر

[feroo]

ازاى على الشركات

[استاذ مصطفى]

كفايه اهانه لحد كدة وناس تانيه هتترمي في الشارع

لزم واقفه بجد وقت الكلام خلص عايزين نعمل حاجة

[mohamed_]

احنا كنا بالحصه قبل مايكون فيه عقودات اصلا ثم مضينا اول عقد فى 2005 وكان عقد عادى ثم 2008 عقد مميز ثم امتحانات كادر ثم icdl لكن الجماعه اللى بالحصه عايزين تعيين على طول ممكن يحصل ازاى بهذه الاعداد الكبيره

[مصطفى1981]

يا جماعة الوزير قال أية بالظبط

[leprince2010]

كلام حضرتك غير صحيح مية فى المية لان وزير التعليم قال ان بالحصة هيتعمل لهم عقود وبعدين بالمنطق ازاى معلم تربوى يشتغل فى قطاع خاص حرام عليك عاوز تعمل شو اعلامى على الفاضى البلد مش مستحملة

[vip_ame]

قال فين الكلام ده اصلا !!

وبعدين كلام سورى يعنى اهبل اذا كان الوزارة فيها عجز يبقى هايمشى الناس اللى بالاجر يوديهم مصانع يبقى راجل ضايع !

[marwasamy]

المشاركة الأصلية كتبت بواسطة مصطفى1981

يا جماعة الوزير قال أية بالظبط

قال هيناشد كلام تسكين

ممكن تنزلوا حلقة انهاردة وتسمعوا

[mr-HESHAM]

المشاركة الأصلية كتبت بواسطة drfayoum2010

هي الناس عايزة تسخن الموضوع وخلاص ، يعني ايه اللي بالحصة هيوجهوا على الشركات والقطاع الخاص
كل معلمي الحصة والمكأفاة الشاملة ستعمل لهم عقود عمل مميزة ويعينوا على وظيفة معلم مساعد

ولله انا سمعها ان العاملين بالحصه هيتم عمل شركة لهم وما قلش خالص ان هيتم عمل عقود مميزه لهم نهائى


على فكره انا ولله مش عايز اسخن بس فعلا ولله ده الكلام الى اتقال لو اى حد عندو تفسير غير ده يقول ياريت يكون تفسيرى غلط

[سيف رسول الله]

بمشيئة الله غدا يوم ا لحسم كما ذكرت بشرط تجميع كل المدرسين امام وزارة التربية والتعليم وما حدث اليوم من تصريحات كذب ومتاهة كبيرة وغير قانوني بالمرة فالواجب على كل مدرس شريف التوجه الى الوزارة غدا وستحدث المعجزة وعلى فكرة موجود الان مدرسين من مختلف المحافظات في جروبات كبيرة واتفقنا على تجميع اكبر عدد ممكن من المعلميين والتوجه امام الوزارة

[drfayoum2010]

يا أخواني هاقولها للمرة الألف احذروا الثورة المضادة ، كل اللي بيخاف على البلد بجد يصبر شوية
وبعدين شوفوا كلام وزير التعليم المحترم ، اللي كل الناس فرحت لما مسك الوزارة ، كلامه موجود على موقع وزارة التربية والتعليم - بوابة المعرفة

احذروا الثورة المضاده التي يقودها أعضاء الحزب القدامى وأمن الدولة لإحداث الوقيعة بين الجيش والشعب

[رمضان5]

انا مش فاهم حاجة مالنا احنا ومال الثلاث سنوات احنا خلصنا شروط الكادر كلها بقالنا اكتر من سنة
ومش هكمل كلام لانى زهقت
وحدش فاهم حاجة خاااااااااااااااااااااااااااااااااااالص