|
أرشيف المنتدى هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
|||
|
|||
![]()
إلى قائد الثوره الليبيه الأخ العقيد معمر
لك ألف تحيه من أرض النيل و لكتابك الأخضر خطابك النبيل كان كله ثوريه و أنا مصرى و بقدر قريت لنا الدستور بكل أحكامه واللى يبص لك لابد من إعدامه و اللى يقول هانثور يبقى أكيد مسطول إلى الأمام يا زعيم و أحنا وراك على طول يا أقدم زعيم فى الكون ثوره ثوره للأمام و الدم مهما سال كله فبركة إعلام الغرب مستقصدك و الرك عا البرشام العدل كان مطمعك ليش يحقدوا الأقزام على الكتاف نرفعك يا أقدم الحكام من قلبنا بنشكرك يا قاتل الجرزان والله معك ينصرك على كل من خان خلص على شعبك أيه يعنى كام مليون أحسم المعركه بالهمه يا شمشون فرجنا على شعبك و عقوبة اللى يخون ما أنت حكيم إفريقيا بل حكيم الكون و اللى يقول غير كده يبقى واكل أفيون طهرها يا فاتح من عصبة الأشرار أفتحها من تانى و أملاها ثوار و أن عصيت عليك ليبيا أضربها بالنار وأن ماتت و باتت خراب ودمار و مافضلش من شعبك غير خمس تنفار أهم يبقوا أبرك و أجدع من الكفار اللى داسوا الكتاب الأخضر وقال أيه عايزين يبقوا أحرار ! ما تخافش يا قائد من شرزمه ضاله أو قله مأجوره بكره التاريخ يشهد بعظمتك و توضح الصوره و الشعب - لو عاش - يمكن فى يوم يعرف أنك بتقتل للصالح العام يكونوا أيه جنبك بن على و حسنى أو صدام مرتزقه طول عمرهم و لغربهم خدام أما انت سلام عليك يا سلام حاكم بتاع ربنا سابق لكل نظام بيتك لا فيه خزنه و لا لك رصيد فى سويسرا يدوبك قوت يومك أنت و بقيت الأسره و أبنك سيف للحق و الإسلام و بجد إنسان اللى يشوفه يقول تنك لكن ولد غلبان ماهوش وريث للعرش ده خادم بلا أتعاب مانشبهوش بجمال و أيش جاب لجاب و أنت مش بن على ولا حسنى و لا صدام و قلتها بلسانك قائد ثوره ياعالم مش من جملة الحكام أنا زعيم الشرق و رمز للإقدام بالقتل أو بالحرق ليبيا هاتبقى تمام علم العروبه فى عهدك أكيد هايبقى لفوق و ليبيا أكيد هاتعاهدك بالعافيه أو بالذوق من أخوك حسنى المخلص الوافى و بقلب مكسور لكن صافى روشته من رئيس مخلوع وربنا الشافى أوعى تغلط غلطتى و تهرب يا قذافى خلص على اللى يقولك أرحل يشيلك بن على فى عينه و أشيلك أنا على كتافى رسالتك وصلت يا حسنى و بقول لأمتنا العربيه نامى ما تخافى وحدة ليبيا فى عنيا و حكمها لسه بأديا أمضاء أخوكوا معمر القذافى محمد زيدان |
العلامات المرجعية |
|
|