|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
16-03-2011, 03:31 PM
|
|||
|
|||
المواد الدستورية وشرح لها ومايترتب عليها( هام )
من اجــــــــل دم شهداء ثورة 25 يناير
وحتى لا تسرق الثورة لمصالح جماعةاو حزب المواد المقترحه للتعديل المادة 75: واللي بتقول ان الريس مصري وابوه مصري وامه مصريه ومتجوز مصريه والا يكون حصل هو او احد والديه على جنسيه اجنبيه ايه الوحش في كدة؟ مصر كانت طاردة لكل المثقفين والمتعلمين والليبراليين من بدايه ثورة العسكر في 52 وطبعاً الـ 30 سنه اللي فاتوا كانوا اسود 30 سنه في تاريخ مصر تخيلوا احمد زويل لو فضل في مصر كان زمانه دكتور في علوم اسكندريه بيخانق مع الطلبه علشان يشتروا الكتاب - وبما اني كنت في علوم برضه فالكتاب ده ياما يحتوي على نظريات قديمة لا تدرس او اخطاء علميه - اللي عمولته فيه 2 جنيه عالنسخه لا والادهى انها بتسمح لعبود الزمر - قاتل السادات - بالترشيح بينما دكتور فاروق الباز لا المادة 76: ينتخب الرئيس عن طريق الاقتراع ويلزم ان يكون حاصلاً على تأييد ما لا يقل عن 30000 صوت موزعه على 15 محافظه إذا كان مستقلاً ويجب مراعاه عدم ازدواج الاصوات - يعني اللي يدله صوت مينفعش يغير رايه والا يعتبر الصوت لاغي اما اذا كان ليه كرسي في مجلس الشعب او الشوري فيمكنه ترشيح نفسه وغير كدة تكون قرارات اللجنه المنظمه للانتخابات نهائيه لا يجوز الطعن فيها - يعني لو شكينا في نتايج انتخابات الرئاسه مش من حقنا الاعتراض ايه المشكله بقه؟ ان المادة ديه فيها عدم مساواه بين اعضاء المجالس والمستقلين علاوة على ان اللي جاهزين لمجلس الشعب هما بقايا الحزب الوطني والاخوااااااااااان ودول حرفيه انتخابات وده عنوان مقاله في المصري: الإخوان»: سنبذل جهودنا لتكون نتيجة الاستفتاء على تعديل الدستور «نعم» المادة 77: بتقول مدة الرئاسه 4 سنين تجدد مرة واحدة - وديه حلوة المادة 93: تختص المحكمة الدستوريه العليا - يعني مفيش استئناف لحكمها - الفصل في صحه عضويه اعضاء مجلس وتعتبر العضويه باطله من تاريخ ابلاغ المجلس - وديه حلوة علشان ما يجيش ريس زي المخلوع ويقول خليهم يتسلوا لما كلموه عن المعارضه والقضايا المرفوعه على مجلس الشعب المادة 139: يعين رئيس الجمهوريه خلال 60 يوم من توليته الحكم نائب الرئيس ويكون خاضع لنفس شروط ترشيح الرئيس المشكله انه ممكن يرشح اي حد ابنه ..اخوه .. جوز خالته .. المادة 148: يعلن الرئيس حاله الطوارئ وتعرض على المجلس في خلال 7 ايام .... وفي كل الاحوال لا تزيد حالة الطوارئ عن 6 اشهر ولا يجوز مدها الا باستفتاء عام المشكله انه ممكن يحصل زي ما كان بيحصل في عهد الرئيس المخلوع حادثه طائفيه في اي حته يحطوا شويه تعديلات ومن ضمنهم تمديد حاله الطوارئ لغايه لما ربنا يحلها وساعتها نرجع تاني زي ما كنا قبل الثورة وكأن اللي حصل كانت حادثه على كوبري 6 اكتوبر قفلت ميدان التحرير اسبوعين المادة 189: فقرة مضافه لكل من رئيس الجمهوريه بعد موافقه مجلس الوزراء ولنصف اعضاء مجلسي الشعب والشوري طلب اصدار دستور جديد المشكله لاحظ انه لا يلزم الرئيس او اعضاء المجلس بإصدار دستور جديد ومن يضمن ان الرئيس سيرغب في تعديل دستور يجعله رئيس كل حاجة - جلال عامر بتاع تخاريف في المصري اليوم اقترح اننا نمضي رئيس الجمهوريه على شيكات بدون رئيس علشان يرضي يتنازل عن سلطاته وتتولي جمعيه من 100 عضو ينتخبهم اغلبيه اعضاء مجلس الشعب من غير المعينين اعداد الدستور في مدة 6 اشهر ويعرض على رئيس الجمهوريه ثم الاستفتاء العام المشكله هنا كبيررررررررررره اولاً: قانوناً مجلس الشعب لازم يكون 50% من اعضاءه عمال وفلاحين - جهله او تعليم على قدهم مع كامل الاعتزاز والاحترام ليهم ثانياً: زي ما اتفقنا ان معظم اعضاء مجلس الشعب اخوان وبقايا الحزب الوطني يعني اللجنه اللي هتعدل الدستور هتكون منتخبه من 98 عضو من االاخوان وبقايا الوطنى والجهله وانصاف المتعلمين + 2 -باحسن تقدير - من الناس اللي بتفهم ودول هايمتوا من الغيظ بعد اول جلسه او جلستين ولكم ان تتخيلوا شكل الحياه في مصر بعد ذلك الثورة احسن حاجة حصلت لمصر من ايام هوجه العسكر شعار الثورة كرامه ... حريه ...مساواه الثورة قامت علشان دستور جديد ونظام جديد ماتكلسش وماتكبرش روح وقول لالالالالالالالالالالالالالالالالالا |
|
#2
16-03-2011, 03:35 PM
|
|||
|
|||
|
ده تعليق لاحد القراء بالجرائد واقنعني برفضة للتعديلات لانه في حالة التصويت بنعم:
يتم العمل بهذه المواد بالاضافة للدستور اليكتاتوري لذلك انا هقول لا |
|
#3
16-03-2011, 04:17 PM
|
|||
|
|||
|
اولا : لماذا يترشح الدكتور زويل للرئاسه ؟ لماذا لايكون وزيرا للبحث العلمى؟
ايهما افضل وافيد للدوله؟ _________________________________________________ هل ترشح عبود الزمر يعنى انه سيكون رئيسا ؟ مجرد ترشح وكل انسان تنطبق عليه الشروط يترشح __________________________________________________ _____________ بالنسبه للاخوان والوطنى. الوطنى انتهى عمليا .والاخوان زيهم زى اى حزب واعتقد انهم مسلمين وليسوا يهودا __________________________________________________ ___________________ بلنسبه لترشيح ابنه او اخوه او ...: مصر اتغيرت ومفيش حاجه اسمها ابنه او اخوه ...كان زمان __________________________________________________ ___________________ حالة الطوارئ ليست سيئه باستمرار...ويتم تطبيقها فى حالة الضروره فى اغلب الدول....مشكلتنا كانت سياسات شرطه وامن دوله ....والنظام بينتهى تدريجيا __________________________________________________ __________________ عشان كده نعم للتعديلات الدستوريه واكبر ضمانه لكل الكلام هو اننا اصبحنا ايجابيين و واعيين ومفيش حاجه هترجع زى الاول ....... |
|
#4
16-03-2011, 04:38 PM
|
|||
|
|||
|
كنت عاوز اعلق علي حضرتك في جزئيتين :
الجزئية الأولي : لمادة 75: واللي بتقول ان الريس مصري وابوه مصري وامه مصريه ومتجوز مصريه والا يكون حصل هو او احد والديه على جنسيه اجنبيه ايه الوحش في كدة؟ مصر كانت طاردة لكل المثقفين والمتعلمين والليبراليين من بدايه ثورة العسكر في 52 وطبعاً الـ 30 سنه اللي فاتوا كانوا اسود 30 سنه في تاريخ مصر تخيلوا احمد زويل لو فضل في مصر كان زمانه دكتور في علوم اسكندريه بيخانق مع الطلبه علشان يشتروا الكتاب - وبما اني كنت في علوم برضه فالكتاب ده ياما يحتوي على نظريات قديمة لا تدرس او اخطاء علميه - اللي عمولته فيه 2 جنيه عالنسخه لا والادهى انها بتسمح لعبود الزمر - قاتل السادات مع احترامي للدكتور أحمد زويل وانه من افضل علماء مصر ممكن حضرتك تقولي عمل ايه لمصر هل حاول انه يستمر في مصر ويساعد المخترعين الصغار المصريين وانا معاك في ان النظام كان فاسد بس الدكتور احمد زويل ترك مصر وتفرغ لاختراعات امريكا وكل اختارعاته تحسب لامريكا وليس مصر ولم يفعل مثل العالم الكبير الدكتور مجدي يعقوب جراح القلب العالمي الذي بني مستشفي لجراحة القلب علي حساب الخاص ومجانا لخدمة الفقراء وايضا مساعدة الدكاتره في علم جراحة القلب وهذا نطلق عليه مصري بن مصر وبخصوص عبود الزمر وغيره فالناس تعرف جيدا تاريخه ولا يستطيع ان ينجح لاننا في زمن ديمقراطية الآن الجزئية الثانية : المادة 76: ينتخب الرئيس عن طريق الاقتراع ويلزم ان يكون حاصلاً على تأييد ما لا يقل عن 30000 صوت موزعه على 15 محافظه إذا كان مستقلاً ويجب مراعاه عدم ازدواج الاصوات - يعني اللي يدله صوت مينفعش يغير رايه والا يعتبر الصوت لاغي اما اذا كان ليه كرسي في مجلس الشعب او الشوري فيمكنه ترشيح نفسه وغير كدة تكون قرارات اللجنه المنظمه للانتخابات نهائيه لا يجوز الطعن فيها - يعني لو شكينا في نتايج انتخابات الرئاسه مش من حقنا الاعتراض ايه المشكله بقه؟ ان المادة ديه فيها عدم مساواه بين اعضاء المجالس والمستقلين علاوة على ان اللي جاهزين لمجلس الشعب هما بقايا الحزب الوطني والاخوااااااااااان ودول حرفيه انتخابات وده عنوان مقاله في المصري: الإخوان»: سنبذل جهودنا لتكون نتيجة الاستفتاء على تعديل الدستور «نعم اكيد ان الاخوان المسلمين يريدون المقعد الرئاسي من ايام الرئيس السادات ولكنهم لا يستطيعون الوصول اليه لعدة اعتبارات ان الشعب المصري شعب زكي وعنده عناد والاخوان كانوا ينجحون في مجلس الشعب لان الناس تري ان المرشحين الفادسين الاخرون لا يصلحون لانهم تبع الحكم الفاسد والانتخابات لم يدخل فيها الناس الشرفاء اما الان فالشرفاء موجودين ويستطيعون الدخول وخدمة الشعب والنجاح وبخصوص بقايا الحزب الوطني فأنا اقول لسيادتك انهم انتهوا لان الشعب لا يريدهم فانا مع تعديل الدستور واقول نعم |
|
#6
16-03-2011, 05:17 PM
|
|||
|
|||
|
انا اللى فهماة حاجة هو ان اللى هيقول لا وبسببهم هيفشل الاستفتاء معناة ان مافيش استفتاء غير بعد سنة ودة معناة انة عاوز الجيش يمسك البلد يعنى الناس دى بدل ما تشوف الحدود الخارجية تغرق فى المشاكل المدنية وخلوا بالكو اللى عاوز الجيش دة يعنى عاوز الفوضى قولى لى لية ؟
اقولكم عاجبكم الاعتصمات بتاعة كل يوم التانى وطبعا الجيش العين علية والدول الاخرى مستنية غلطة يضطر الجيش يسكت ياجماعة الموضوع وصل ان الطلاب عاوزين يلغوا الامتحانات ومش كدة وبس لا دة يلغوا مكتب التنسيق واللى عاوز يدخل اى كلية يدخل ومشاكل من النوع دة كتير غير كدة مشكلة السودان الجيش مش عارف يحلها الحدود بينا وبين لبيا مكشوفة اسرائيثل بتدور على فرصة تدخل سينا علشان تدى حتة ارض لفلسطين وبعدين الاخوان عددهم قد اية وبقيت الشعب قد اية ياجماعة فوقوا انا عن نفسى هوافق علشان البلد تمشى
__________________
 |
|
#8
16-03-2011, 07:39 PM
|
||||
|
||||
|
اللهم إليك أشكو ضعف قوتي ، وقلة حيلتي ، وهو اني على الناس . . . أنت أرحم الراحمين ، أنت رب المستضعفين ، وأنت ربي . . . إلى من تكلني . إلى بعيد يتجهمني ، أم إلى عدو ملكته أمري . إن لم يكن بك غضب علي فلا أبالي ، غير أن عافيتك هي أوسع لي . . ! ! أعوذ بنور وجهك ألذي أشرقت له الظلمات ، وصلح عليه أمر الدنيا والآخرة ، أن يحل علي غضبك ، أو أن ينزل بي سخطك . لك العتبى حتى ترضى ، ولا حول ولا قوة إلا بك
__________________
ليست الاشياء كما تبدو لك دائما |
|
#9
16-03-2011, 08:07 PM
|
||||
|
||||
|
نعم وشباب مصر لم يمت.بمعنى ان لو الحال متعدلش والله نعمل بدل الثوره الف ثوره
__________________
 من كثر كلامه كثر خطؤه ، ومن كثر خطؤه قل حياؤه ، ومن قل حياؤه قل ورعه ، ومن قل ورعه مات قلبه ، ومن مات قلبه كان من أهل النار  |
|
#10
16-03-2011, 08:57 PM
|
||||
|
||||
|
إلى كل من يقول لأ
أولاً أنا لا إخوان ولا علان والحمد لله مصرى بحب دينى وبلدى والإخـــــــــــوة المسيحيين . نحن الآن أمام خيارين لا ثالث لهم إمـــــــا نعم ودا رأى الجيش الـ نجح الثورة بفضل الله ورجال الدين أيضــًاوتمشى البلد نحو الاستقرار والتقدم وبناء دستور جديد ورئيس منتخب بالأغلبية وإمـــا لأ وندخل فى حرب طائفية وليست فتنة وأظن أنتم عارفين قصدى وأكثر من 5مليون مسيحى هيقولوا لأ عشان المادة الثانية مش عشان التعديلات ، وسلم لى على عمرو خالد والبرادعى بس كده .
__________________
|
|
#12
16-03-2011, 09:01 PM
|
||||
|
||||
|
اقتباس:
__________________
ربي لا تجعل في قلبي حبا إلا لك
ولا تعلق قلبي إلا بك |
|
#13
16-03-2011, 09:44 PM
|
|||
|
|||
|
ايوه اخربوها اكتر ما هى خربانه لا لا ؟؟؟؟؟ خلينا نشوف لا دى هتودينا وهتودى البلد على فين بذمتكم انتوا مش حاسيين باللى بيجرى حوالينا ؟ حدودنا هشه والجيش شاغلينه بالبلطجيه جوا وامن الدوله اللى اتحل خلاص والاقتصاد اللى هيدمر وبعد شهر ولا اتنين مش هنلاقى مرتباتنا ولا رغيف العيش وسلملى على لاااااااااااااااا
|
|
#14
16-03-2011, 09:53 PM
|
||||
|
||||
|
حرام عليكو كفاية تضارب في الآراء
اللي وطني بجد وبيحب البلد دي وعايز المركب تمشي يقول نعم نعم نعم للتعديلات الدستورية وعلي فكرة الدستور كله هايتعدل بعد إنتخابات الرئاسة أمريكا واسرائيل عمالين يفركوا عشان خراب البلد دي اللي هي سيدة الشرق الأوسط من ناحية حكاية الماية ومن ناحية حكاية كنيسة أطفيح وغيرها أسأل نفسك حالا إزاي الجيش المصري هايواجه كل ده لواحده ؟؟؟؟؟؟؟؟؟!!!!!!!!!!!! مستحيل طبعا البلد إتغيرت والناس فهمت فأرجوكم جميعا توافقوا علي التعديلات الدستورية وتدعوا الله عقب كل صلاة أن يولي فينا من يصلح
__________________
ليه "وزير التربية و التعليم كان " اسمه "زكى" و العيال أغبيا ؟ ليه "وزير الـمالـية كان " اسمه "غالى" و الشعب رخيص ؟ ليه "وزيـر الـداخلية كان " اسمه "العادلى" و الشعب مظلوم ؟ ليه "رئــيــــــس الـــوزراء كان " اسمه "نظيف" والتلوث قاتلنا ؟ ليه رئيس مجلس الشعب كان اسمه "سرور" والغم ركبنا؟ عارفين ليــــــــــــــه ؟ لأن "رئيسنا كان " اسمه "مبارك" وكل حاجة قلـــت بركتــهـــا* إن مرت الايام ولم تروني فهذه مشاركاتي فـتذكروني * وان غبت ولم تجدوني اكون وقتها بحاجه للدعاء فادعولي  |
|
#15
16-03-2011, 09:55 PM
|
|||
|
|||
|
نعم للتعديلات الدستورية من أجل الاستقرار
نعم للتعديلات الدستورية من أجل الاستقرار نعم للتعديلات الدستورية من أجل الاستقرار نعم للتعديلات الدستورية من أجل الاستقرار نعم للتعديلات الدستورية من أجل الاستقرار نعم للتعديلات الدستورية من أجل الاستقرار |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:44 PM.
