شهر مولد النبى و الاثابة واليونسكو

[ابراهيم فليفل]

السلام عليكم
اهلا بكل الزملاء
احب اطرح عليكم سؤال عن الاختلاف فى الماليات بين المديريات المختلفه
والموضوع ده ظهر بوضوح فى موضوع شهر مولد النبى وموضوع الاثابة
بمعنى ان فيه كلام كتير ان شهر مولد النبى يصرف فى بعض المديريات بحد ادنى 300 جنيه وفى مناطق اخرى بدون حد ادنى
...والاختلاف على موضوع الاثابة فى الاساس اذا كان موجود ولا مش موجود
فى ناس كتير قالت انه 300 للعامل والادارى و 400 للمعلم فين الحقيقة
و كلام تانى عن وجود 3 شهور من اليونسكو
ياريت حد يفهمنا ويقول الصح ايه
احنا بالنسبه لنا بالمنوفيه تم حساب شهر مولد النبى فقط وبدون حد ادنى
وشكرا

[zkoar]

في إدارة المعادي محافظة حلوان تم صرف شهر المولد النبوي من الأساسي

[zkoar]

ولم نسمع عن أي شيئ آخر

[alneseem]

فى المنيا لم نسمع عن اى شئ من كل هذا

[طلعت احمد]

فى اسيوط اتسرق كله

[ابو حسنا]

فى الاسماعيلية ولا اخدنا شهر المولد ولا غيره

[أبو آية الوقفي]

السلام عليكم
لاشىء سوى الكلام فى قنا .

[roga]

اسكندرية لا حس ولا خبر

[abokahla2]

فى البحيرة لا دا ولا دا
الحمد لله كدا رضا وااقل من كدا رضا

[MR.Mamdouh Ramadan]

جزاكم الله خيرا

[ابراهيم فليفل]

هى دى المشكلة عدم توحيد القرار على مستوى الوزارة يؤدى الى انعدام العدالة بين جميع موظفى الوزارة

[الاستاذ / عاطف ابو خاطر]

المشاركة الأصلية كتبت بواسطة alneseem

فى المنيا لم نسمع عن اى شئ من كل هذا

المولد القادم ان شاء الله يمكن نسمع فى المنيا

[medhatghaly]

يا جماعة استنو لسة المولد موصلش عندكم لما يوصل هتخدو مبروك لينا احنا خدنا المولد

[med9bb11]

أمكن سوهاج دى مش تبع جمهورية المصر العربية

[حمدى ربيعى]

و نحن فى محافظة الاقصر لا حس و لا خبر