المعلمين المساعدين المنقطعين عن العمل

[مدرس انجليزي 2000]

أعتقد ان المنتدي دا اسمه المعلم المساعد يعنى لو كان فى معلم مساعد شغال و حصل له ظرف و انقطع عن العمل لان الحكومة المجيدة كانت لا تسمح بالاجازات فى العقد يعنى لو شوية كحة تكون معرض للفصل من العمل و فى نفس الوقت ممكن تلاقي غرفة الاداريين عدد كبير يجتمعوا فقط فى وقت الافطار و شرب الشاى و ممكن يقوم بشغلهم ادارى واحد طبعا هما موظفين حكومي يعملوا اى حاجة و هتلاقي اجازات ماشي عارضة و ماله نوقعلوا فى دفتر الحضور و الانصراف مش مشكلة يتفصل لاء المبرر و راهم اولاد و حاجات كتير مع الاحترام الشديد لكل الاداريين و دورهم

ما يؤلمنى أكثر ان ممكن يكون المعلم المساعد خريج تربية اللى الحكومة المجيدة تانى ضيعت منه التكليف و اللى ممكن يجعلك تزداد ألما انك تلاقي خريج سياحة و فنادق معلم مساعد و فى الهوجة دى بقي معلم و كله تمام و سلملى على الواسطة و الحرية و الديمقراطية و الملوخية هنعمل اية ما انت اكيد فى مصر

اللى يجعلك تزداد الما و غيظا ان المنتدي دا بعد المعلمين المساعدين لما اتعينوا خلاص كله بيتكلم على الراتب بعد التعيين و لا للاعتصامات بعد ما كانوا هيولعوا فى وزارة التربية و التعليم و الاكاديمية

حاجة من الاتنين يا تناقشوا و تثبتوا قضايا المعلم المساعد و يكون للمعلم المساعد أولوية المعلم المساعد اللى انقطع المعلم المساعد المعوق و ....
او تغيرو اسم المنتدي

زي اللمبي ما قال يا تشوفوا حل لمشكلة اطفال الشوارع يا توفروا ليهم الكولة
خصصوصا ان كلنا فى بوتقة واحدة و أسرة مع بعضينا

أخيرا شر البليه ما يضحك
لما تلاقي سياحة و فنادق و دبلومات اتعينوا مدرسين و انت متعينتش علشان كان عندك كحة يبقي انت اكيد فى اكيد فى مصر