سؤااااااااااااااااال ارجو الرد عليه ضرورى

[tweetaya]

اجيب فعل اسم المفعول ازاى؟؟
يعنى فى امتحان 2010
كان الفعل من اسم المفعول (مفعم)==>أفعم

طيب ايه القاعدة ؟؟؟؟
وايه الفعل من اسم المفعول(مهذب)

[Twilight2011]

اسم المفعول لازم لما تجيب فعله يكون مبني للمجهول

يعني مهذب تجيب منها اسم المفعول كالاتي :
تحول الميم لياء المضارعة --------> يُهذَب
بعدها تجيب الماضى -------------> هُذِب

يبقى الفعل بتاع مهذب ( هُــذِب ) او تكتبها مضارع عادي ( يـُهذَب )

والله أعلى وأعلم

[tweetaya]

ازاى ومهذب ومفعم ليهم نفس الوزن (مفعل )

ومع كدة فعلهم مختلف يعنى مفعم فعله أفعم
ومهذب فعله هذب مه انهم نفس الوزن المفروض؟؟


يا ريت مدرس يقوللى ايه القاعدة لو سمحتوا............................

[Twilight2011]

انتي كده من كلامك انا فاهم ان النحو عندك شبه ضارب

الوزن مختلف عن الكشف

الوزن ممكن مائة كلمة يتفقوا فيه
انما الكشف بيختلف من كلمة لتانية وممكن كلمتين يتفقوا فى الكشف لو هما جايين من نفس المعنى أو الفعل بمعنى أصح

انما الميزان الصرفي ده درس مختلف خالص عن الكشف فى المعجم أو القاموس

راجعي منهج إعدادي واتأكدي من كلامي

[tweetaya]

طب منا عارفة ...........
انا متكلمتش على الكشف فى المعجم خالص على فكرة كل كلامى على الوزن..

انا اقصد مفعم...مهذب..مرتب كمثال :كلهم اسماء مفعول
انا اقصد بقى اشمعنى مهذب ومرتب فعلهم هذب و رتب(مبنيين للمجهول) هما الاتنين على وزن (فعل) (مبنى للمجهول)
ومفعم فعله أفعم(مبنى للمجهول) على وزن (أفعل)(مبنى للمجهول)
مع انهم وزنهم كان واحد وهما اسماء مفعول (مفعل)


يعنى باختصار (مهذب ومفعم ومرتب)وزنهم (مفعل)ليه لما جبت افعالهم وبنيتها للمجهول بقت (هذب ورتب وأفعم) يعنى اشمعنى (أفعم) فيه همزة لما اتبنى للمجهول والباقى لا مع انهم كانوا نفس الوزن لما كانوا اسماء...........؟؟؟؟؟؟؟

عشان كدة قلت كلامى كله على الوزن لو انا كنت اتكلمت على الكشف فى المعجم زى ما انت قلت كان كدة كدة همزة (أفعم)اتحذفت..وبقوا كلهم أفعال ثلاثية ومكانش سؤالى هيبقى ليه لازمة ساعتها


اتمنى سؤالى يكون وضح

[ادهم زكى]

أفعم جاء بالهمزة لان مضارعها يفعم والياء هنا مفتوحة فتكون اصلها الف اما مهذب ومرتب فمضارعها يهذب ويرتب والياء هنا مضمومة وليس اصلها الف والله اعلم