ارجوكم بلاش تخلوا الواحد يتذل وردو ارجوكم

[*Sad_Bird*]

انا عملت الرغبات انا في اولي ثانوية وهاخد ان شاء الله علمي رياضيات

في ناس بتقول ان لازم اخد مستوي رفيع رياضيات او عربي او انجليزي

ومينفعش اخد جغرفيا قولولي اعمل ايه؟؟؟؟؟؟؟

ارجوكم لاني بصراحه خايفة جدا

[kimo_elmasry2010]

انا خدت عربى

[Aya Abdelrahman]

انا بردو ف أولي بس هدخل علمي علوم

بالنسبالك كل قرايبي اللي دخلوا رياضة أخدوا رياضة عشان الانجليزي امتحاناته صعبة والعربي ممكن يكون كتير عليكي

عموما انتي شوفي مستواكي عامل ايه ف الرياضة او العربي وشوفي اللي انتي ضمناه وادخليه وتوكلي علي الله
وربنا يوفقك

[بارقة امل]

بقولك سيبيكي من الرياضة خاااااااااالص لانه صعب وامتحاناته بتيجي صعبة والانجليزي كذلك خليكي ف المضمون وخدي عربي العربي ورقته صغيرة جدا وكلو بيجيب فيه عشرة وتسعة اقل حاجة واسالي اي حد كان ف الكنترول او في السنة الللي فاتت
انا كنت واخدة احياء ويا ريتني هي صحيح فادتني ف الكلية بس ميجبش درجات
وعلى فكرة العربي معلومات عامة ف النحو والبلاغة وهي ورقتين بتذاكريهم ليلة الامتحان
ادعيلي ربنا يوفقني

[lolydody]

لو شاطرة فالانجلش يعني درجاتك فيه عالية وكدة خديه

لو ليكي فالحفظ وخطك حلو أوي خدي عربي مفيهوش نحو هو زي دروس قراءة وأدب

لو لقيتي نفسك ماشية فرياضة 2 كويس ودرجاتك فالدروس عالية يبقى رياضه هو الرياضة عبارة عن امتداد لرياضة 2

بالتوفيق

[ريريه]

عربى هو الاسهل

[ayaoo ever]

على فكره العربى بيقى تصحيحه رخم......خد رياضه اضمن .وكمان المستوى الرياضه هيساعدك فى رياضه2......... انا اساس علمى رياضه وخده مستوى رياضه

[B a S a N t]

والله انا زيك
كلة بيقول خدي جغرافيا
لكن انا مش بحب الجغرافيا
و لكن بحب الانجليزي
فقررت اني انزل مواد المستوى الرفيع كلهم و اقراهم علشان احدد
و نفس الحكاية في الماده الادبية عمالة بانزل المواد الادبي التلاته علشان احدد
يعني محتاسة
ربنا يستر
و ربنا يوفقني و يوفقك