اليوم الحاسم 29 / 5

[إبراهيم الهادى]

السلام عليكم ورحمه الله وبركاته
أولا أتوجة بالشكر لك من ذهب الى مشيخة الأزهر
ودة شرف لى أى واحد راح يوم الأحد الماضى
ثانيا أن شاء الله موضوع التثبيت حا يتم يعنى حايتم بس الموضوع عاوز وقت علشان يتنقذ
طيب نعمل أية علشان يتنقذ بسرعة بدون مماطلة وكلام كتير
...أن شاء الله سوف يكون هناك وقفة يوم الأحد 29-5-2011
لتكملة مسيرة المطالبة بحقنا نحن جميع المتعاقدين بالأزهر الشريف
فإني أناشدكم بأن تعملوا معي على ان نكون جميعا على قلب رجل واحد ...

بالله عليكم يا شباب كل من يقرأ هذا الموضوع يعرف بيه زمايله ويحاول يجيب عشرة من زمايله معاه يوم الأحد لو 100 قرأوا الخبر وجاب كل واحد 10 معاه هنبقى ألف
يارب وفقنا صدقونى مش هتيجى إلا بكدة.

[إبراهيم الهادى]

الأستاذ محمود أنت سيبها فاضية ليه كدة خلى عندك أمل فى الله أولاً وفينا ثانياً وأن شاء الله خير

[معلم متعاقد]

يارب نكون كلنا قد المسئوليه المره دى ونحقق املنا كلنا

[mr. Hamdy]

ممكن تشتغلوا وتفيدوا البلد بدل الكلام الا انتوا خنقتونا
وللعلم انا متعاقد 2005

[مصراوى أصيل]

المشاركة الأصلية كتبت بواسطة mr. Hamdy

ممكن تشتغلوا وتفيدوا البلد بدل الكلام الا انتوا خنقتونا
وللعلم انا متعاقد 2005

والله يا أستاذ كلامك مضبوط وزى الفل
:av4056b b7jp3:

[ايهاب بدر الدين]

المشاركة الأصلية كتبت بواسطة mr. Hamdy

ممكن تشتغلوا وتفيدوا البلد بدل الكلام الا انتوا خنقتونا
وللعلم انا متعاقد 2005

يا راجل هو ده مش حقك يا اخى وزير المالية فالها من اول شهر مارس ان سيتم تعيين كل مر عليه ثلاث سنوات لو انت شايف ان احنا مش حقنا نتعين تبقا غلطان ولو حتقولى حالى البلد زمايلنا اتعينوا بالطريقة ده والازهر مسبلناش طريقة تانية للمطالبة بحقوقنا

[بعبشش]

ان لصاحب الحق مقال

[Hamada Radwan‏]

المشاركة الأصلية كتبت بواسطة بعبشش

ان لصاحب الحق مقال

هذا المقال لصاحب الحق وانت ليس صاحب حق .يوم دخلت الازهر كنت تعلم جيدا انك لن تتثبت وكان من شروط العقد ان الازهر فى اى وقت يحق له فسخ العقد فاحمد الله على ماانت فيه فهناك اشخاص تتمنى ان تعمل بالعقد ولو بنصف راتبك .لماذا وافقت على العقد فى بداية الامر وانت لاتريد هذا العقد اذا كنت لاتريده فهناك من يحلم به فاصبر واترك الاعتصام فالخير قادم .تقبل تحياتى

[إبراهيم الهادى]

مستر حمدى بلاش تثبيط الهمم

[مصطفى كوته]

ياهادى يارب

[إبراهيم الهادى]

أن شاء الله خير يا شباب أنا شايف حماس غير عادى المرادى
حى على الإعتصام ( 29 / 5 / 2011 )

[Hamada Radwan‏]

المشاركة الأصلية كتبت بواسطة إبراهيم الهادى

أن شاء الله خير يا شباب أنا شايف حماس غير عادى المرادى
حى على الإعتصام ( 29 / 5 / 2011 )

حى على الفلاح .حى على العمل
اتقوا اله فى هذه البلد

[إبراهيم الهادى]

يا أخ حمادة حرام عليك حس بينا شوية لو أنت مش معانا متبقاش ضدنا كدة يا أخى

[إبراهيم الهادى]

يا اخ مصراوى خليك أصيل بجد ولو أنت مش معانا متبقاش ضدنا
إحنا مش عايزين ضرر لبلدنا إحنا عايزين بس حقنا

[مصراوى أصيل]

المشاركة الأصلية كتبت بواسطة إبراهيم الهادى

يا اخ مصراوى خليك أصيل بجد ولو أنت مش معانا متبقاش ضدنا
إحنا مش عايزين ضرر لبلدنا إحنا عايزين بس حقنا

يا عم أنا لا معاك ولا عليك أنا مع مصلحة البلد ، وإن كان على الضرر ،إنت فعلا كده بتسبب فى الضرر للبلد ،وحتى لو ليك حق لا يصح لك أن تستغل ظروف البلد لتحقيق مطالبك،ولو هو حقك فعلا - وأنا غير مقتنع بذلك لأنك داخل الأزهر وعارف إنك متعاقد - ماطلبتش به من زمان ليه ولا إنتوا مستنيين لما البلد تقع علشان تقولوا إن ليكم مطالب
يا جماعة إرحمونا وإرحموا البلد وإرحموا نفسكم