عايزين نلغي الترم التاني

[MeMo Troy]

عايزين الترم يتلغي


بسبب البلطجية و صعوبة المناهج كده المنهج هيتكاثف علينا بطريقة رهيبه ده غير لو حد حصله حاجه هتبقي مسؤلية مين

[عطا درغام]

اسس الطلبة علي الفيسبوك صفحة يدعون فيها لالغاء التيرم الثاني وهم لهم وجهة نظرهم وطبعا الراي ليس حكرا علي الطلاب وحدهم بل أعتقد ان باب الحوار مفتوح وهذا رابط الصفحة علي الفيسبوك

http://www.facebook.com/MemoTroy

[MeMo Troy]

شكراً يا استاذ عطا و ان شاء الله الصفحة تنتشر و نقدر نطالب بالغاء الترم
و تغيير المناهج

[أحـمد قرنى]

يا جماعة فين عقلنا ازاى نلغى الترم الثانى بالعقل كدة

بالنسبة للمرحلة الثانوية هيدخلوا الكليات بناءاً على إيه مجموع العام الماضى .
والشهادة الاعدادية هيدخلوا الثانوية على مجموع الترم الاول .

ياريت نفكر قبل ما نتكلم

[MeMo Troy]

اوكي طلاب الثانوية كده كده مش بيروحو المدرسة فيها ايه لو راحو عالامتحانات

[عطا درغام]

طبعا فكرة الغاء التيرم ليست في الصالح العام وخصوصا الشهادات في الإعدادية والثانوية
وقد تكون هناك فكرة ضغط المناهج وتخفيفها أما فكرة الإلغاء فطبعا أستبعدها اماما

[MeMo Troy]

بعدين ممكن يطبقو نظام الاختبار في الجامعات يعني اختبار قدرات في الكلية لو نجح يقدر يدخلها أحسن من مجموع الثانوية علي الاقل هيبقي في المجال اللي بيفضله

[عطا درغام]

المشاركة الأصلية كتبت بواسطة memo troy

اوكي طلاب الثانوية كده كده مش بيروحو المدرسة فيها ايه لو راحو عالامتحانات

كده بنشجع علي الدروس الخصوصية

[MeMo Troy]

أوكي ما هي كده كده في دروس بعدين الموضوع هيبقي الترم ده بس و عندي سؤال لو حصل اي حاجه لأي طالب او طالبة هتبقي مسؤلية مين

[عطا درغام]

المشاركة الأصلية كتبت بواسطة memo troy

أوكي ما هي كده كده في دروس بعدين الموضوع هيبقي الترم ده بس و عندي سؤال لو حصل اي حاجه لأي طالب او طالبة هتبقي مسؤلية مين

نعتمد علي فكرة اللجان الشعبية لمساعدة الشرطة حتي يعود الاستقرار والامن وتستعيد الشرطة ثقتها بنفسها وتسير عجلة الحياة

[MeMo Troy]

طب اكيد الناس وراها مشاغل هتسيبها و تيجي تقف جنب المدارس بعدين حضرتك ايه رأيك في المنهج اللي هيتراكم علينا و هو كده كده صعب يعني كده هيبقي في نسبة رسوب كبيره (( إلا لو مفيش كوسة ))

[أحـمد قرنى]

حضرتك الوضع عندنا فى بنى سويف فى غاية الهدوء والاستقرار
فلماذ يتم حرمان الطلبة من المدارس

وبعدين الناس اللى بتتكلم على خوفهم على ولادهم ، بالله عليهم هما خايفين على ولادهم من المدرسة الله فيها اكثر من 100 موظف قادرين على حمايتهم .
ومش خايفين على ولادهم من الدروس اللى بيكون فيها شخص واحد فقط !!!!!!!!!!!!!!

[MeMo Troy]

حضرتك لو حصل اي حاجه هتبقي مسؤلية مين احنا عندنا في بورسعيد حالات قلق و اطفال عمالة تتخطف
ده غير ان في ناس بتتقتل و حالات ****** للبنات

كل ده لوحده يكفي ان المدارس تتلغي و كمان متنساش ان الحكومة فقدت هيبتها كمان

[عطا درغام]

المشاركة الأصلية كتبت بواسطة memo troy

حضرتك لو حصل اي حاجه هتبقي مسؤلية مين احنا عندنا في بورسعيد حالات قلق و اطفال عمالة تتخطف
ده غير ان في ناس بتتقتل و حالات ****** للبنات

كل ده لوحده يكفي ان المدارس تتلغي و كمان متنساش ان الحكومة فقدت هيبتها كمان

أنا معاك في كل اللي بتقوله وان فيه فراغ أمني وترويع للآمنين وإيقاف المعديات كل شوية والهجوم علي الاحياء السكنية لكن فكرة الإلغاء دي صعبة شوية فيه بدائل وحلول تانية ممكن تقدم

[MeMo Troy]

ممكن أعرف زي ايه ؟؟؟